جندي ســابقـــاًَ ... ؟! السلام عليكم ورحمه الله وبركاته جندي ســابقـــاًَ ... ؟! الصراحه انا مش عارف التوبيك كدا منزله فى مكانه ولا المفروض انزله فى قسم تانى بس بما انه اسمه يوميات الاعضاء يبقى من الطبيعى احكى عن حاجه حصلت معايا فى يومى العادى او من حياتى بوجه عام :105: عموما النهارده 1/3/2015 اليوم ده بالنسبه لناس كتير يوم عادى زى اى يوم من ايام ربنا اية الرغى بتاعى ده :71: المهم يوم 1/3/2015 هو يوم انتهائى من الجيش يوم عودتى للملكيه مرة اخــــرى يوم انتهائى من اداء الخدمه الوطنيه يوم انتهاء حكم النفس على النفس يوم ما اخد الشهاده اللى هتخلينى اعرف اسافر اعرف اشتغل اعرف اتحرك بحريه بدون ضغط او قلق اينعم انا قضيت سنه واحده بس فى الجيش لكن كانت بمثابه 100 سنه بعيدا عن ذكر الصعوبات او الحياة اللى واجهتها هناك لكنها كانت مختلفه حقيقى :08: ومع جمله 17 سنه تعليم من ثانوى لجامعه ويتوقف المصير على جملة من كلمتين بتتكتب فى شهاده الجيش (( قــدوة حســنه )) هى دى الحرية الوحيده اللى لمستها وحققتها خلال السنه دى يمكن انا مكنتش مدرك معنى كلمه قــدوة او اسلوب صحيح فى التعامل مع الناس بس اللى فهمته ان مفيش افضل من الانسان يسيب ذكرى وانطباع جميل عنه لكل اللى حواليه سواء كان مختلف معاهم فى رأى او وجهه نظر او حتى اسلوب حياة عرفت ناس كتير واتعلمت اكتر واتعلمت من الاخطاء اللى وقعت فيها ومع ده كله فى سكوووت جوايا مخلينى هادى طول اليوم مش زى عادتى بتحرك ياما ولما جيت البيت وقولت ادخل اشوف اخبار الدنيا اية لقيت ان كل الكلام اللى جوايا ممكن معرفش اقوله بس ان كتبته فى ورقه وسيبته ذكرى تعبر عن مشاعرى حاليا جايز وفى وقت تانى اعرف ميزة الحرية اينعم المشوار طويل جدا بالنسبه ليا والدخول فى دوامه الحياة ومطحنتها وشيك جدا من دلوقتى معايا :109: لكــــــــــــن انتهائى من الجيش سايب اثر ابتسامه هاديه على ملامحــى مخليانى عاوز افضل ساكت ويمكن ده وقت نومـــى .. بس النهارده مختلف بردو الا صحيح هو انا ورايا اية بكـــــــــرة ؟؟؟ :08: تحياتى لكمـ جندي ســابقـــاًَ :d |
اقتباس:
ربنا يوفقك فى حياتك الجامعية تحياتى |
حمدلله ع السلامه يا اسماعيل عودا احمد كفارة ولا يقولوها ايه هههههه |
الف حمد الله على السلامة اخي ومعاك حق طعم الحرية جميل جداً لن نفسد عليك فرحتك بالانطلاق استمتع بكل لحظة بأوقات السعادة لا تكرر |
مبروك يا شاويش والخدمة الوطنية برغم صعوبتها الا انها مفيش اجمل منها انك تخدم الوطن وتتعلم حاجات تفيدك مستقبلا بحياتك |
اقتباس:
اهلا وسهلا بيكى اختى بس انا مش بتكلم عن حياتى الجامعيه ده انا مخلص جامعه من سنتين وخلصت جيش من يومين هو اينعم المفروض كنت اخلص جيش من 4 سنين لكن الجامعه اخرتنى شويه وعملتلى تأجيل اربع مرات يعنى ناطط فى ال25 دلوقتى |
اقتباس:
الله يسلمك ايميليا الحمدلله كفارة ايوة لما ابقى طالع من السجن هههههههههههه نورتينى |
اقتباس:
الله يسلمك كتير اطيــاف مستمتع طبعا لان من فترة طويله نسيت احساس انى مبقاش منتظر شىء نورتينى لحضورك |
اقتباس:
لا شاويش اية ده انا عملت البدع عشان ميبقوش 3 ظابط احتياطى :d معاك حق ساحــر هناك اتعرفت على اجمل صحبة كمــان بجد نورتنى يا باشا |
الساعة الآن 04:29 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب