|
عنى أنا بقلمى عن ذكريات من عمر فات عن قلب حلمه منو مات يصرخ وجع من صوت سكات عن دمعه نزله ع الخدود عن حزن بحر مالوش حدود عنى أنا !! احلام كتير وامل لسه بيعافر وياقلبى اصبر يقول خلاص مش قادر وروحى تجيب وتودى وبتسافر مابين ظلام وسراب أمل مالوش وجود عن يوم وجع مر بعيونى عن ضلمه نامت فى الجفون عن صوت أمل لسه بينادى وصداه يقولى لسالى وجود وروحت ادور على مكانى مكانى مابين سهام الخوف مكانى اتاخد منو نصيبى ومن يومى ونصيبى مظلوم ايام الحزن زى الدهر والفرح منو كان محروم عن عمر طيب ف لحظه راح عن سكه طويله نهايتها جراح عن ناس حبتها من قلبى فاتونى ولما فاتونى مسابوش فيا غير البراح وعن نسمه هوى بليل كئيب وعن نجم تايه زى الغريب أنا زى نجم سما لما انطفى نوره مع أنه ديما كان بعيد عليا كنت بشوفه ديماً فى عز غروره وغروره كان أمل معكوس بعنيا ويانجم يلى انطفى نورك على غير آوان كنت بقول بينى وبينك بعد الارض والسما ولكن دلوقت أتوحدت المسافات لما انطفى نورك وبقيت زيى أنا مابين سجون الضلمه والخوف والالم والحزن ساكن بالضلوع ابداً ما غاب عن ذكريات من عمر فات عن قلب حلمه منو مات يصرخ وجع من صوت سكات عن دمعه نزله ع الخدود عن حزن بحر مالوش حدود عنى أنا !! |
عن مبدعة كلامها وإحساسها جميل عن حزن جميل في كلام صبح عليل عنك إنتي ما ينتهيش الكلام أي كلام ممكن يتقال هيفضل ف حقك قليل مبدعة ف حزنك ومرحك وكتاباتك اكبر دليل تسلمي أنين وربي يعافيكي من كل حزن ويحميكي من كل شر ربي يوفقك ويسعدك |
ليه كل الحزن والوجع ده قلمك جميل انين خلى جمالة يزيد ويظهر أكتر بكلمات فيها تفاؤل وفرح مبدعة أنين رغم وجع كلماتك كونى بخير حبيبتى |
ويانجم يلى انطفى نورك على غير آوان كنت بقول بينى وبينك بعد الارض والسما ولكن دلوقت أتوحدت المسافات لما انطفى نورك وبقيت زيى أنا مابين سجون الضلمه والخوف والالم والحزن ساكن بالضلوع ابداً ما غاب . الله الله علي هذه الصورة المجسدة ما هذه العبقرية في التصوير وليس استشهادي بتلك القطعة يعني انها فقط المتميزة العمل كله متميز وخاصة المقدمة راق لي قراءة ما كتبتي دمتي بكل خير |
عنك انتي قال القمر موال والكل قال الله اصل الحروف دي فن حتي ولو بالآه يللي انينك صمت زلزل جبال وبحور لكن عيون الحزن تشبه عيون الحور خللي الكلام ينقال زي الكتاب مسطور رائعة اختي الكريمة بجد رائعة |
عفوية وتلقائية فى الكلمات اختى ابدعتى |
لماذا يغلف اليأس كلماتك غاليتى كنتى هنا اسما على مسمى انين يتصاعد من حرفك الحزين جميل ما نثرتى اسعد الله قلبك ودى لكى |
لى زمان ماتوجعتش بكلماتك ماشاءالله عليك نشيطة ومتواجدة وده مفرحنى قولت خلاص بعد عنها الاحزان والانين اتارى انتى انين يعنى هتفضلى انين ربنايسعدك اختى ويفرحك وجمال كلماتك ومعانيها يكمن فى الاحزان اللى رسمتيها بفن واتقان تسلمى ياسيدة الاوجاع |
اقتباس:
اسعدنى مروركم |
اقتباس:
واستحاله ابدا اكتب اى كلمه فيها فرح او تفاؤل لانى لو عملت كدا هبقى منافقه كبيره اوى :112: ربنا يخليكى وتسلمى للمرور |
| الساعة الآن 05:55 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب