60 جندى دمهم رخيص بقالى كتير بتجنب الكلام فى السياسه وبتجنب كمان اتابعها ولا اشوف اخبار ومن يومين زى ما كلنا سمعنا هشام بركات مات ف عمليه اغتيال لآ تجوز عليه غير الرحمه وأمرة بيه وبين ربنآ ايه اللى حصل ؟ حدآد وكل القنوآت بتتكلم ووقفوا عرض المسلسلات طيب النهاردة استشهد 60 جندى مصر على الحدود فى الهجمآت على سينا ايه اللى حصل ؟ ولا حد بيتكلم والمسلسلات والرقص شغال ع القنوآت ليه بقا ؟ علشان اللى ماتو كانو من الشعب كانو شباب غلابه بيأدوا خدمه علشان مش نائب عام ولا مستشار عرفتوا ان دمنا رخيص اووى ف البلد دى ولا لسه بردو مش فاهمين ربنا يرحمهم يارب ويحتسبهم عنده من الشهداء |
حسبي الله ونعم الوكيل ربنا يتتقم من كل ال ورا ده تعرفي عشان هشام من الطبقه ال هيا لكن ال60جندي دول ايه؟ دول عادي بالنسبالهم ماهو محدش هيسكت للكلام ده واقتل وهتتقتل واللعبه السياسيه المش مفهومه شغاله ومش هتوقف وحسبي الله ونعم الوكيل الشباب ال بيضيع كل يوم ده... وهما هيوقفوا مسلسلات ورقص ليه خليهم شغالين.. ربنا يصلح الحال ويعدلها وينتقم منهم يارب.. |
أكيد ال 60 جندى دول ربنا يرحمهم ميساووش هشام بركات عند الناس دى فهيوقفوا المسلسلات ليه عادى عندهم لانهم ببساطة ناس غلابة محدش بيفكر فيهم والله لو فيهم واحد أبوه مستشار أو ذا منصب سياسى ما كان الامر هيبقى كدا أبدا حسبنا الله ونعم الوكيل فى كل من أهدر قطرة دم مصرى وندعوا الحكم العدل أن يقتص لهم وينصره دينه بقوة أبناءه ويذل كل متكبر جبار وينجى أمتنا المصرية من هذا الكرب آمين يارب |
فى البداية ربنا يرحمهم ويرحم موتانا وموتى المسلمين جميعا أشهد الله اننى برىء من كل شامت أو حاقد باختصار السبب فى مقتل معظم المصريين عموما فى الفترة الاخيرة معروف للجميع ويظهر للكل كظهور الشمس في ظهيرتها فقط انظر بعين الحق والجرئه وليس الخوف أو ... عموما ليس هذا هو المكان المناسب لنتحدث عن هذا .. فقط يكفينا ان ندعوا لهم بالمغفره وندعوا على قاتلهم وننتظر القصاص |
والله انتي سابقتني ع الموضوع دا بس انا كنت هعمله بشكل مختلف شويه هم قفلوا المسلسلات والرقص عشان هشام بركات وما قفلوهاش عشان احنا ف رمضان وصايم الناس اللي بروح ع الفاضي ولامخافوش من غضب ربنا تاني حاجه زي ماقالوا الوزير هبيقي وزير وابن الغلبان هبيقي غلبان فاحنا ملناش ديه |
حسبي الله ونعم الوكيل ربنا يرحمهم ويرحم مصر معاهم |
امبارح واول امبارح ماما مش فاتحه غير اخبار ... قولت تمام وعادي لازم تسمع :) بس فوجئت داخله عليها بتقولي حاسه عايزة اعيط عشان هشام بركات حسيت متغاظه جدا قولتلها يعني هو اول واحد يموت قالت بس الموت على غدر صعبه قولتلها كل اللي ماتوا ماتوا على غفله وماتو بطريقه زفت التلفزيون مهول الحكايه الدنيا قامت ومقعدتش عشان مات الله يرحمه اكيد وموته صعبه ومعملش حاجه عشان يتقتل وغدر وكل ده موافقه عليه بس غيروا الوفات ماتو جه بابا قالي هو اكيد كل اللي مات الله يرحمه بس الفكرة في الاعلام ان هشام بركات ده ممثل مصر كلها هو واحد بيمثل مصر لازم يكون في ضجه في الاعلام والمسلسلات تقف وياخدوا قرارات حاسمه في الداخليه... ده مش معناه ان اهمال للي ماتو بالعكس برضه اكلموا عنهم في الاعلام بس لاظم في تفاوت يعني الاعلام لو رئيس بلد مات حيعملوا حداد واجازات وقران تلات ايام لانه بيمثل بلد اما لو حد اتوفى من الشعب مش حيعملوا حداد مجرد نظام وسياسه اعلام لا ان هشام ابن البطه البيضه ولا الشعب ابن البطه السودا بس ده سياسه اعلام |
مش هنقول غير حسبنا الله ونعم الوكيل وربنا هيكفأهم ف الجنه احسن من مكفأه بلد عبيد المسؤلين والاعيان نسال الله ان يرحمهم وان يغفر لهم وان يوسع مدخلهم وان يلهم اهلهم الصبروالسلوان |
90 مليون الا ميت الف دمهم رخيص يايو ربنا يرحمنااا |
رحم الله امواتناجميعا |
الساعة الآن 11:10 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب