|
لية كدة !! مساء الخير في موضوع لفت انتباهي مرات كتيير وهو موضوع ضرب الاطفال انا النهاردة روحت اجيب عيش اللي بربع جنية دة فاووقفت شوية لقيت بنت صغيرة في سن 3-4 سنين بالظبت وقعت علي الارض فراحت قالت لماماتها ماما انا وقعت اقعدت تشتم فيها وضربتها تلات اقلام علي وشها البت وشها احمر لدرجة فظييعة وبعدين عبتلي العيش وراحت جابت الخرسانة عجنت البت بيها ومش مرة واحدة بس دي كل ماتعبيلي حاجة تروح تضربها البت قالتلها انا مش قادرة والنبي ياماما خلاص انا مش قادرة انا قلبي وجعني ودمعت بسببها طيب لية كدة نضرب العيال او بمعني اصح اطفالنا كدة الاطفال هيبقي عندهم عقدة بجد لما يكبرو حرااام بجد !! |
هتلاقى ابوهآ منكد عليهآ بس طلعت غلهآ فى البت ياعينى |
دي اكيد مريضه نفسيا اعوذ بالله ربنا ينتقم منها .. ده انا بس من القرايه قلبي وحعني امال لو شوفتها بقى حسبي الله ونعم الوكيل |
في ناس التخلف عندهم مش هيسبهم ابداات لما الطفل يعمل حاجه بيفكرو الضرب اللي بيعلمو الصح لكن اللي بيفكر بمنطق دي اكيد بيكون في قمه الغباء |
المشكله دي منتشره وهي ضرب الاطفال.. والادهى والامر ضرب الشباب انا مره شوفتها والله يبقى ابنك اطول منك وتضربه قدام الكل ف الشارع لا دي مشكله تفكير ومجتمع فاشل مش عارف يربي |
هو اكيد بسبب دة بيترتب عليها حالة نفسية عند الطفل وبياثر على تفكيرة وتعاملة وممكن يطلعة طفل عدوانى كمان فاسلوب امها معاها غلط ومحتاج مراجعة |
دى ناس بيبقو متربيين نفس التربيه وبيبقو فاكرين ان دى التربيه الصح ده اللى هيخلى هوم يحترموهم يسمعو كلامهم ده كله بيبقى بعقولهم ومش بيعرفو يفرقو بين خنقتهم وتعاملهم مع أولادهم وده كله بيدل ع انهم اكثر الناس حماقه وتخلف لأن فيه حاجه اسمها عقاب وليس ضرب وفى اختلاف كبير بينهم ويقدرو يكسبو الطفل انهم يحببو الطفل فيهم ويعمل الحاجه عشان بيحبهم مش عشان بيخاف منهم تفرق كتير !! |
فيه بعض لاهالى مقتنعين اشد اقتناع ان الضرب بيجيب نتيجه او تخليه ياخد الف حساب قبل ميعمل حاجه هو بيعمل بس عكس الى كانو عايزنها وفهو يولد العناد ويخليه خايف من كل حاجه ومن اى حاجه بمعنى يكون الطفل جسمه نحسد من كتر الظرب وبعد كدا مش يعمل اى اعتبار انه عارف هو ظرب وخناق وخلاص وفكرين انها التربيه صحيحه وممكن بعد شر يادى لوفاته وهى مش وخده بالها مش عرفه هو ده دليل على حب ولا ايه شكرا لطرحك القيم |
اي د هو في كدا :11::49: حسبي الله ونعم الوكيل :109: انا برده بقالي فتره كدا وانا ماشيه ف الشارع بلاقي الامهات ناازله ضررب ف العيال كدا د لسه امبارح وانا بره البت بس وقعت برده ف عيطتت راحت مامتها ضربتها طب هي ناقصه ي حجه :49::49: ربنا يهديهم الامهات المصريين دوول |
هما الستات مجانين اصلا هههههههه تلاقي جوزها ضربها الصبح ولا حاجه معلش بقا متجيبيش عيش تاني منهم |
اقتباس:
|
انتي غيرتي اسمك يبنت انتي هو انا لحقت احفظ الاول عشاان احفظ التاني كان اسمك ايه ؟ :( |
مشكله اصبحت منتشرة جدا وفي الغالب بتسبب عقده وحاجات تانيه مش كويسه عند الطفل وده اسلوب فاشل تماما في التربيه متي نرتقي ونتعلم كيف نعامل اطفالنا ؟! حسبي الله ونعم الوكيل |
معدش في رحمة .. وكمان ضغت المعيشه سبب كبير في المو9ضوع دا .. وحسبنا الله ونعم الوكيل في اي انسان بيظلم بدون وجه حق وكـآن الي قدامه مش بشر .. زيه بيغلط وبيحس .. شكرا على الموضوع .. |
احنا مش فى الجنه والكل راضى بعقله والحمد لله ربنا يهدى ويصلح الحال |
| الساعة الآن 02:24 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب