منتديات بنات مصر - || وظائف مصممين الجرافيك ||

منتديات بنات مصر (https://forums.banatmasr.net/)

- فوتوشوب - تصميم - جرافيكس (https://forums.banatmasr.net/f33/)

- - || وظائف مصممين الجرافيك || (https://forums.banatmasr.net/msryat524191/)

|| وظائف مصممين الجرافيك ||

السلام عليكم ورحمة الله وبركاته

http://banatmisr.com/up3/uploads/1443230877451.png

بما ان دا مجال شغلي حبيت اشارككم بمعلومات مهمة للي بيحبوا المجال
انا بقالي اكتر من 3 سنين ونص شغلي في المجال دا وبحبه جدا
هكلمكوا انهاردا عن التدرج الوظيفي لمصمم الجرافيك بيكون ازاي
التدرج دا بيكون كالتالي

http://banatmisr.com/up3/uploads/144323088412.png
ودي أول حاجة بيبتدي بيها المصمم حياته بعد ما يتخرج من كليته سواء كان خريج كلية فنون او خريج اي كلية تانية أو واخد كورس جرافيك مثلا
والمصمم في المرحلة دي بيكون مسؤول عن تصميم كل حاجة من لوجوهات واعادة رسمها وتصحيح النصوص وتصميم الكروت الشخصية والفلايرات ... الخ
و المصمم المبتدئ في العادي بياخد خبرة سنتين لحد ما يتنقل للمرحلة اللي بعد كدا

http://banatmisr.com/up3/uploads/1443230884143.png
في المرحلة دي المصمم بيكون خد خبرة من الشغل كويسة وعمل شغل احترافي وبيكونله حاجة اسمها Portfolio ودي زي مجموعة اعمال او شغل بيعرضها على أي شركة عشان يعرفوا مدى خبرته واحترافيته في الشغل وبتحتوي على انواع كتير من الشغل اللي نفذه قبل كدا
وفي المرحلة دي بردو المصمم بيستلم وبيكون مسؤول عن مشروع كامل وتنفيذه بس طبعا بيشرف عليه السينيور ديزاينر والأرت دايركتور وممكن يعدلوا على شغله كمان

http://banatmisr.com/up3/uploads/1443231127031.png
وهنا المصمم بيكون خبرته من 3 ل 5 سنين وبيكون عنده خبرة في السوق وبيقدر يتعامل كويس مع العميل وبيحل مشاكل التصميم الصعبة وينفذ التصاميم باتقان في وقت قليل

http://banatmisr.com/up3/uploads/1443230884091.png
ودي وظيفة ادارية للمصمم وبيكون مسؤول فيها عن تكاليف التصميمات والأمور المالية من الأخر كدا مسؤول عن كل حاجة ليها علاقة بالماديات وهو اللي بيكون مسؤول عن تعيين الموظفين

http://banatmisr.com/up3/uploads/1443230877533.png
ودي وظيفة ادارية بردو وبيكون المصمم فيها مسؤول عن فريق المصممين بيتابع شغلهم وبينصحهم وهو اللي بتابع تنفيذ التصميمات في الوقت اللي متفقين عليه وهو كمان اللي لازم يوصل فكرة التصميمات مظبوطة للمدير الابداعي والعميل كمان

http://banatmisr.com/up3/uploads/1443230877492.png
ودي اكبر وظيفة ادارية للمصمم وبيكون فيها مسؤول عن كل فريق المصممين بما فيهم الأرت دايركتور وبيكون مسؤول عن خلق افكار جديدة وابداعية للمصممين عشان يشتغلوا عليها وهو اللي بيشرح الأفكار في النهاية للعميل بمساعدة الأرت دايركتور

دي كدا الوظائف الأساسية للمصمم وطبعا في وظائف تانية هنتكلم عنها بالتفصيل في موضوع لوحده

اتمنى الموضوع يكون عجبكوا ولو حد حابب يستفسر عن اي حاجة يبعتلى

ليك ف الاستايلات يا ابو حميد او عملت ستايل كامل بملفاته وتقطيعه قبل كده ؟
اانا ليا سنين بردوا ف المجال دا بس شغلى كله بالممارسه من غير كورسات

اقتباس:

المشاركة الأصلية كتبت بواسطة ۩۩ elMagic ۩۩ (Post 4850603)

انا عملت استايلات قبل كدا بس من فترة كبيرة
بس صعب الفترة دي اشتغل في الاستايلات عشان انت عارف ظروف شغلي والوقت كله
ضايع
للأسف يا ماجيك الخبرة مبتتحسبش بانك محترف قد على برامج التصميم
بتتحسب بشغلك واحترافيته وبرامج التصميم اللي بتشتغل عليها
يعني لو رحت اي شركة وقولتلهم انك محترف فوتوشوب بس محدش هيشغلك
لازم تعرف معاه برامج تانية
ولازم يكون ليك portfolio كمان

اقتباس:

المشاركة الأصلية كتبت بواسطة ahmed shepo (Post 4850760)

هى صعبه فعلا وعايزه تفرغ تام دي بلاوي واكواد
وانا مطحون ف ورق الجيش يتوب علينا ربنا ،،
معاك ف كلامك وعشان كده بقولك انها بالممارسه
لان عارف كويس ان حتى لو انت بالممارسه مميز
بردوا لما تمشى في الخطوات بشكل تنظيمي وتدريجي ومراقبة اصحاب الخبرات ليك
دا هيخليك توصل للتميز باحترافيه بشكل أفضل ومنظم

اقتباس:

المشاركة الأصلية كتبت بواسطة ۩۩ elmagic ۩۩ (Post 4850775)

ربنا معاك في ورق الجيش هتلف كتير
لما تشتغل في شركة بتكسب خبرة منها بتفيدك في كل حاجة غير الشغل اللي احنا بنعمله على النت

ودي وظيفة ادارية بردو وبيكون المصمم فيها مسؤول عن فريق المصممين بيتابع شغلهم وبينصحهم وهو اللي بتابع تنفيذ التصميمات في الوقت اللي متفقين عليه وهو كمان اللي لازم يوصل فكرة التصميمات مظبوطة للمدير الابداعي والعميل كمان

قفلقفاغقفغا4 فغاغ

فلاقىغتفةعنغهومهنةعفتىغق افل

4اغ5تع6نةه7موخ8زكموهةنىتعلاا