|
يضرب أمه ويلطمها على خدها ( مسابقة مواقف نقاشية) الأم مهما يكون من جفاء أولادهاعليها وقسوتهم إلا انها هى الأم والقلب الحنون والنبع الصافى المتدفق الذى لا يتوقف عن ضخ الحنان والمودة والدعوات الطيبات والرجوات لأبنائها سبحان الله وصدق رسلو الله صلى الله عليه وسلم وهو يقول الجنة تحت أقدام الأمهات فى الصباح وعند ذهاب الطلبة والتلاميذ للمدارس وأنا رايح الشغل وفى الشارع الفرعى اللى أنا ساكن فيه مساحته ضيقه وماشى بشويش والمارة كتيروخايف حد يخش تحت السيارة وعينى وسط راسى وفجأة ألاقى الشارع مليان ناس والطريق مسدود قلت استنى دقايق على بال الطريق ماتخلص منه الزحمة استنيت داقايق ورادقايق والمعركة منصوبة والناس بتكرمش بتخس قولت مابدهاش قفلت السيارة ونزلت واتمشيت إيه الحكاية ياجماعة لقتهم مسكين امرأة شبه مغمى عليها مالهاياناس قربت منها وبصيت فى وشها لقيه فيه دم نازل منه وفاتحة عنيها وبتبص للناس من حوليهابحصرة قولت كويس مالك يامدام أوديك المستشفى بصوت خافت قالت شكرا أناكويسة جارتها قومتها ومسندتها وقالت يلا خشى واستريحى منه لله ربناينتقم منه يدوب خلصت جارتها الدعوة لقيت صوتها بقى عالى وقالت وهى بترد على جارتها لأ يا أم محمد ماتدعيش على ابنى ربنا يرضيك ياولدى ويهديك ويصلح حالك .. صراحة أناأستغربت ومش عارف ولافاهم حاجة شدنى الفضول وقلت لازم أعرف الحكاية روحت ركنت السيارة بعيد شوية علشان الطريق يمشى ورجعت للبيت اللى فيه المدام أستاذنت وخشيت أزيك عاملة ايه دلوقتى لو تعابانة تعالى أوصلك المستشفى قالت شكرا ياأستاذ أناكويسة مافيش حاجة طيب ممكن اعرف مالك وايه اللى حصلك وليه وشك فيه دم الدموع نزلت من عنيها وقالت مافيش ابنى بس مش عاوز يروح مدرسته وغايب ليه يومين وانهرده التالت وخايفة عليه وطلعت وراه أمسك فيه علشان يخش يلبس سهدومه ويروح المدرسة شدنى ورمانى على الارض وقعت على وشى أتجرح صراحة لقيت روحى عاجز عن الكلام مش عارف اقول إيه وأفتكرت جارتها وهى بتدعى عليه والام توقلها ماتدعيش عليه أزعل منك يا ام محمد أدعيله ربنايهديه قولت ماتزعليش يامدام إن شاءالله ربنا يهيده ويصلح حاله هو واللى زيه وأنت ماتعزعليش مش أنت اللى الرسول قال عليك الجنة تحت أقدامك قالت ربنايصلح حالك يااستاذ ريحت قلبى شوفت ازاى الأم وحنانها وخوفها على أولادها وشوتوا أزاى الأبناء قاسيين ومش عارفين مصلحتهم فين إيه رأيكم فى الحكاية دى |
للأسف الموقف ده بيتكرر كتير خاصاً من الشباب اللي بيأذوا امهم شباب فاقد دينه وعقله ولا يعلم شيء عن بر الأمهات ولا يعلم انه في الحياة يسير ببركة الدعاء منها ربنا يهدي الجميع شكراً للطرح |
حكايه مؤثره جدا جدا الا …الأم دي احلي حاجه ف الدنيا وقيمة عظيمة وكبيرة اوي ربنا يهديه يارب اللهم ارزقنا برها ونعوذ بك من عقوقها توبيك قيم جزاك الله خيرا بالتوفيق |
دا يعتبر موقف بسيط فى زمننا مما نراه اشد واعنف مايفعل فى الامهات والاباء من قبل ابنائهم العاقين لهم الله يهديهم ويصلح الحال وتبقى الام هى الام مهما فعل ابناءها فيها الا انها لا تتحمل ان يدعوا عليهم احد حتى قلبها لاتقبل ان يدعوا عليهم سلمت اخى رفعت لطرحك القيم بالتوفيق |
عندالله عظيمه جريمه عقوق الوالدين واشداجراما لماتكون مع الام الله يهديهم يارب مشكوري الغلا طرح قيم تسلم لروحك السعاده |
لا حوله ولا قوه لا بالله الواد ده اكيد بيتعامل حاجه ومش مدرك هو بيعمل ايه ده علي اساس يرهبها بس فعل خاطئ بص يمكن سوء تربيه فعل شنيع الي يجرؤ ويد آيده علي أعظم انسان في دنيا جبته وتخليه احسن الناس ده هيكون جزئيا واد ده لو عرف أو أدرك أن الجنه تحت أقدامها مكنشي اتجرء ده جرم كبير وعقوق الوالدين واحنا لا ندرك بقيمة والدينا لا لما انا النهارده قمت علي طراخ ماما أو نداء بصوت عالي وقلبي وقع في رجليه وحسيت سعتها لأيام اسود في عنيا ولما سمعت صوته ارتاح قلبي وسكن لاطمنينه وقلت الحمدالله وشوف الواحد مايسوى من غير والديه فما بالك بشخص ده الي ياذي أعظم انسانه طرح قيم تسلم عليه ووفق في المسابقه |
واش اقول غيرربى يهديهم مشكوررفعت |
اقتباس:
ومروركم العطر تحياتى وودى |
اقتباس:
ومروركم العطر تحياتى وودى |
اقتباس:
ومروركم العطر تحياتى وودى |
| الساعة الآن 10:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب