|
فضفضه بعد فوز الزمالك علي الانتاج الحربي اسعد الله اوقاتكم جميعا وأعتذر مره أخري علي قله مشاركاتي لظروف لا يعلمها الا الله ولكن علي أد ما أقدر بسجل دخولي واتابع كل ماهو جديد في عالم الساحره المستديره لعيون المنتدي الغالي والناس الغاليين جدا http://l.yimg.com/qn/cdn/images/spor...s/smilie47.gif في البدايه مبروك لكل الزملكاويه الفوز النهارده علي الانتاج الحربي بنتيجه لا نقبلها ك زملكاويه لاننا كنا الافضل في كل شيء ولكن الحمدلله علي المكسب وحصد 3 نقاط مهمين جدا http://dl.glitter-graphics.net/pub/2...anq0iqlgqu.gif الزمالك كان علي موعد في مباراه من ضمن مباريات الاسبوع الثالث من الدوري مع فريق من أحسن الفرق الموجوده علي الساحه المصريه وبالفعل ياساده الانتاج الحربي يمتلك الان كل نجوم الانديه ! يمتلك نجوم مثل اللاعب المصري محمد زيدان ومحمود فتح الله ومحمد فضل جدو نجم الاهلي السابق وغيرهم من النجوم ولهم كل الاحترام والحمدلله رب العالمين تم حصد 3 نقاط مهمين جدا للزمالك [ ولكن ] طرحت علي حضراتكم الاسبوع الماضي موضوع بخصوص مدرب الزمالك فيريرا وطلبت منه يا إما تغير سياسته أو الرحيل عن النادي بسبب تعادله أمام أسوان في تاني مباراه من الدوري المصري واليوم صممت علي رأي وأطلب منه الرحيل برغم مكسب الزمالك الزمالك ياساده هذا الموسم ينقصه الكثير والكثير ويدربه مدرب فاقد للزمن الزمالك مع هذا الرجل البرتغالي في الفتره الحاليه عنده عقم هجومي وعدم ضغط علي الكره بشكل سليم ومدرب يلعب ب اسلوب واحد جميع المباريات وسياسته معروفه ! الزمالك ياساده يمتلك نجم وانا القبه بالحوت وهو طارق حامد اللهم مالا حسد علي هذا الرجل المقاتل والمحارب داخل الملعب وعندي قناعه بانه قادر يبلع نص الملعب لوحده ولكن بشرط لو الجناحين عارفين يعني ايه توزيع المجهود الدفاعي بين الضغط في وسط الملعب وبين الدفاع علي الاطراف الزمالك الان ينقصه الكثير والكثير للمنافسه علي بطوله الدوري هذا العام أدعوا الله بأن يوفقنا في المبارايات المقبله وسجدت لله شاكرا بعد تحقيق الانتصار علي الانتاج الحربي لان مكنش فيه اعصاب تماما طوال المباراه لابد أن يعلم هذا الرجل جيدا بأن الزمالك وراءه ملايين المشجعين في مصر وفي الوطن العربي ولابد أن يعمل لإسعادهم جميعا وكما قلت من قبل هذا الشيء يحتاج لتغيير سياسته ولا حياة لمن تنادي فضفضه ما بعد مباراه الزمالك والانتاج الحربي وأعتذر مره أخري عن قلة المشاركات وبإذن الله قريبا جدا سأعود أقوي من الان تحياتي للجميع محمود الصاروخ دمتم بما تحبون http://vb.alhilal.com/images/smilies/ani/wub.gifhttp://upload.alhilal.com/img/009/67.gif |
صباح الخير يعم صاروخ عامل ايه ان شاء الله تكون دايما بخير ومتواجد بالنسبه للزمالك ... هو انهارده لعب تحت ضغط نفسى سواء مدرب او لاعبين بعد تعادل المباراه السابقه مع اسوان الصاعد حدثا لان كان حصل بعض الخوف نتيجة التعادل وفوز الاهلى على رغم مستوى الاهلى المتدنى جدا رغم وجود كتيبه كبيره من النجوم الذين يساوون الملايين فى الاهلى لا يتساوا الاداء مع الاسماء الموجوده,, والخوف ده كان واضح جدا من كثرة التمريرات الخاطئه نتيجة التوتر واضاعة الفرص بالجمله ومن انفرادات كامله بالحارس والشبكه لو اتت لوصلت النتيجه لرقم قياسى ويمكن كان اتغير النقاش عن المباراه الحاصل الان صعب انك تمحى تاريخ الرجل اللى اعاد الامجاد بعد فترات من الاخفاق لمجرد عدم التوفيق فى مباراه او اتنين الزمالك وعلى رغم حالته الحاليه إلا إن مستواه احسن فريق يؤدى فى الدورى حتى الآن مش تستعجل الاحكام وتعمل زى مرتضى وتصدر تهديدات يا عمنا يعنى هو تهديدك لفيريرا هيشوفه و ويسمع كلامك ؟ سبب الاداء الحالى رغم إنه موش بطال من وجهة نظرى هو نتيجة تلاحم الموسمين مع بعض وعدم حصول اللاعبين على راحه وده ايضا سبب كثرة الاصابات للاعبين المفروض نلتمس العذر للمدير الفنى ونترك له المجال ويكون الحساب اخر الموسم لان صعب توجد مدير فنى كويس وفاهم وضع الفريق فى الوقت الحالى واقالته تزيد من المشاكل وتضيع النقاط وتؤثر على مسيرة الفريق ده رأيى ببساطه ومنتظر ردك صاروخ باشا :) تحياتى لنقاشك الهادف .. |
فضفضه جميله.. وتحليل أجمل.. في انتظار رجوعك بالسلامه.. والف مبروك للزمالك.. تحياتي |
اقتباس:
انا هعلق علي كلامك واحده واحده ويارب أقدر أوصلك اللي ف دماغي صح انا مش هكلمك عن مباراه أسوان لانه ماتش وراح بحلوه أو بمره والحمدلله انا في ماتش الانتاج الحربي وشايف ان ده مش ضغط نفسي ولا حاجه فريق بطل دوري وكاس المفروض ميكونش في حاجه اسمها ضغط نفسي انت تنزل تلعب وتعمل اللي عليك أيا كان المنافس وبالمستوي ده وبالاسلوب ده مش هنكمل الموسم ده انا بتكلم ل مصلحة الزمالك ثانيا بخصوص كلامك عن الاهلي اهو احنا كده بنضحك علي بعض ومش عارفين احنا بنقول ايه وبنصبر نفسنا والله ياكبير الاهلي حاليا في حالته وفوق حالته كمان لو هتكلم عن الاهلي هقولك كلمتين قولتهم قبل كده ع الاهلي ! الاهلي عنده اتنين مساكين دوليين حجازي وربيعه ! نص ملعب حديد غالي وصالح وعاشور اليمين والشمال فتحي ورحيل بخلاف القوه الهجوميه اللي عندهم وده اللي انا بتكلم عليه وبناءا عليه بقول ان فيريرا لازم يغير سياسته اللي اتعرفت تماما أو الرحيل ! راجل مبقاش يملك جديد يقدمه للنادي والدليل اهو قدامك من اللي بنشوفه أما بخصوص ماتش النهارده لو بصينا ع المستوي العام للفريق معروف يوسف لايصلح لمكان اجنبي بالزمالك مكى شايفه افضل من باسم الكسول مؤخرا كهربا بيفقد كورة كتير لكن يظل ليه فعالية عالمرمى كويسة عادل جمعة مش أوي لكن ارحم من طلبة ولازم باك شمالنا يكون احسن من الاتنين مش هتكلم عن باقي الفريق لان مشوفتش حد النهارده غير عمر جابر و طارق حامد اللي شالو الماتش والمهم محتاجين مهاجم افريقي سوبر وبأي طريقه اما خصوص المدرب فيريرا انا عملت موضوع الاسبوع اللي فات بعد ماتش اسوان علي طول وطلبت يا اما تغيير سياسته أو الرحيل ! مدرب يعتبر قام بصناعه مجموعه من اللاعبين ومن أهم اللاعبين في مصر ولكن مفيش ف سياسته الضغط ع الخصم بشكل سليم مدرب ناجح يساوي تقدم كل يوم جديد ل لاعيبته مش نشوفهم بالمستوي ده هاتلي انت حاجه جديده عملها فيريرا ف الملعب وانا هسكت خالص وزي ما قولت قبل كده برضه لازم يغير سياسته وأسلوبه ف اللعب وفي حالة الاصرار عليها يقال فورا ده رأي ياكبير وبعتذر لو في كلمه غلط لان بكتب من كيبورد الجهاز معنديش كيبورد حاليا ف مش عارف أوصلك الكلام اللي عندي كله منور ياكبير |
اقتباس:
الله يسلمك يارب منوراني دايما |
اقتباس:
الحكايه مش حكايه قدم ايه جديد لأن المدرب بيبنى خطة اى مباراه على حسب إمكانات الخصم ولو تمعنت فى اول مباراه مع دجله هتلاقى إنه دخل بكل قوه وحسم المباراه بدرى وظهر بمستوى رائع ولكن اسوان فاجأنا كلنا لان اسوان طول عمره فريق ضعيف بينزل ويصعد يعنى سنه فوق وسنه تحت واكيد الفريق لم يجمع معلومات كافيه عنه لأنه قدم قدما مستوى كبير وغير متوقع امامنا متنكرش كمان ان صعب إنك تفوز بكل المباريات لازم فى وسط المعمه والمباريات هتفقد نقاط الاهم اننا ما نكون بعيد عن الصداره ونفضل دايما فى مستوى البطوله بالنسبه للى قدمه فيريرا فهو قدم كتير جدا ولسه عنده كتير يقدمه اولاََ هو عمل نظام المداوره واعطى الفرصه تقريبا لكل الجدد وتقريبا جميع اللاعبين المقيدين لعبوا بدون إستثناء عكس الاهلى اللى نصف المقيدين لم يلمس الكره وقام بتجربة محمد سالم فى اكتر من مكان واكتشف فيه امكنيات هتفيد الفريق مستقبلا كمان انا مش معاك انه اصبح معروف ومفيش عنده تغير بالعكس لو لاحظت هتلاقيه لعب بمحمد ابراهيم مع ايمن حفنى مره ومره فتحى وحفنى واخرى ابراهيم عبد الخالق ومكى وكمان استفاد بحمودى فى الكونفيدراليه ولولا الاصابه كان ممكن يكون له دور كمان اكتشف مركز جديد لأحمد توفيق فى الباك اليمين واعطى الفرصه لطارق حامد فى الظهور وابقى عليه ولم يركنه دا بيدل انه راجل عادل ومفيش عنده مجاملات الكويس هو اللى يلعب بالنسبه للمهاجمين اكيد الزمالك ينقصه راس حربه او اتنين روس حربه اقوياء واحد افريقى واخر من الدورى المصرى لان واضح ان باسم بمر بحاله غريبه وغير معتاده وصعب نكمل الموسم بمكى وباسم بس كرؤس حربه لان ممكن الاتنين يصابوا ومفيش بديل وشكرا يا معلم ع النقاش .. |
اقتباس:
والشغل ده بمعني أصح اتهري هنا و المدربين كلهم حفظوه وخصوص المجاملات راجع تاريخ اي مدرب اجنبي هتلاقي ان كلمه مجاملات مش موجوده في قاموسهم من الاساس عشان كده دايما بنحب الاجانب هنا في مصر مع ان عندنا مصريين كتير احسن و افضل منهم اللي انا بتكلم فيه ان الراجل من يوم ما مسك الزمالك سياسته معروفه بحت ولحد النهارده مفيش اي جديد وموضوع توفيق والكلام الي انت بتقوله ده كله عارفه ومتابعه من اول يوم الراجل مسك فيه النادي بس هرجع لكلمتي و اقولك فين الجديد الموسم ده يختلف عن الموسم الماضي الموسم الماضي منافسك كان في تراجع مستمر اما الموسم الحالي ف هيكون معاك خطوه ب خطوه فهمت قصدي انا ما زلت مصمم علي رأي ان لابد من تغيير سياسة المدرب ويورينا جديده ايه مش هنبص نلاقي نفسنا بره المنافسه بدري بدري منور يا كبير |
كتر اعتذارك اخى مع ان كل انسان وله ظروفه ومن الطبيعى نقدر و نعذر كل الشكر لمجهوداتك المستمرة مع ان ماليش فى الكورة :) |
ماليش ف الكوره بس فضفضه جميله :) وحاجه كمان الانتاج الحربى كان بيلعب احلى من الزمالك :p |
ايه يا عم هوه مفيش حد بيلعب في الدوري غير الزمالك نزل موضوع عن باقي الفرق |
| الساعة الآن 03:44 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب