|
اللهم اجعل عن يمينها نورا حتي تبعثه امن مطمئن في نور من نورك اللهم انظر اليها نظرة رضا فإن من تنظر إليها نظرة رضا لا تعذبه ابدا اللهم أسكنها فسيح الجنان واغفر لها يارحمن يارحيم وتجاوز عما تعلم ياعليم. جدتى كانت امى ربنا يرحمك |
راحت البركه من بيتنا تيتا يااغلى حبيبه ربنا يرحمك ويغفرلك ويجعلك من اهل الجنه |
فى الاخر هكون فى يوم مجرد صوره على جدار كن طوب فى الشقه واللى يشوف الصوره يترحم عاليا زيهم انا يمكن عايشه بجمع البوم على حيطه كل اللى فارق ليه صوره بس ياتره مين هيحط صورتى الوجع كل يوم بيزيد معنتش عارفه امتى النهايه انكتب عاليا استنى وبس |
كابوس وليه لجام فى ايد جلاد دنيا وجعها بيعلم وفرحها بيتنسى عالم غريبه فى دنيا اغرب كل يوم فى كل بيت قصه وحكايه وبين خلق الله الف روايه واه ومليون اه على اللى جى ومنعرفهوش يادنيا انتى كتاب وهيخلص ولا مكتبه فيها مليون الف كتاب لا ولسه كمان بيتكتب كتيرررررر |
دخولى النت مكنش مجرد تقضيه وقت فراغ بالعكس اتعلمت حجات كتير واتعرفت على ناس كتير ومنهم طبعا مش مشهور بس والله لو جت ليهم فرصه هيبقو احسن كتاب فى الوطنى العربى ومنهم اختى وحبيبتى اللى عرفتها من قصصها كل يوم نستنى الحلقه تنزل ولو اتاخرت بس نعمل مظاهره هند محمد والله العظيم انتى حته منى كلامك وكل حوار بتكتبيه كل يوم كان بيعدى معاكى بجد حاجه تانيه الله يرحمك ويجعلك من اهل الجنه ويصبر اهلك يارب صدقينى كنت ديما اقول هند حاجه تانيه مش مجرد وحده بتكتب قصص عاديه مكنتش اعرف انها حقيقه واللى قهرنى النهايه وحده قصة حياته اللى مش كملت على الورق بس انتى كنتى النهايه موتك وجعنى ووجع كل حد قرى ليكى او عرفك مجرد مره حبيبتى انتى اه فى دار الحق انتى فى مكان احسن بكتير ربنا اخدك عنده عشن انتى ملاك بجد صبرتى على ظلم الناس كتير وربنا يغفرلك ويرحمك ياغاليه زى مافرحتينى بقصصك 3 سنين كل يوم كان نفسك ديما تبقى مشهوره والله لو تعرفى اد ايه اغلب البنات من انبارح مش مصدقين كنتى اتاكدتى انك مشهوره جدا |
عندى احساس انى النحس نفسه ههههه المفرود يبقى اسمى نحس مش نجاة خالص ده انا بقيت اخاف اضحك اقسم بالله بخاف بس لمجرد فكرة انى اهو ايه ده فى ضحكه جايه الهوى اجرى امجدى 😂 |
انا مش بفتح المنتدا عشن معدش فيه حد زى الاول ومبسوطه بجد ان احساس صحيح رجع يكتب تانى عقبال الباقى وعمو طبيب معرفش فين يارب يكون بخير ويرجع ينور بحروفه المنتدا |
كلها يوم والتانى ورمضان خلاص جى واول مره بجد محسش انه جى او بمعنى مافيش فرحه زى كل سنه بيه شهر الخير والكرم جى واغلى الناس مش معانا ربنا يرحمها ويجعلها من اهل الجنه بجد صعبه الايام اوى من غيرها ومعنتش عوزه حاجه من الدنيا غير ان ربنا يكرمنى ويرحمنى ويرضى عنى واروح للى بحبهم بجد |
جدتى قالتلى على قد صبرك ربنا هيسعدك وانا صابره وراضيه والله وعارفه اننا فى الدنيا لسبب محدش فينا اتخلق من غير سبب وعارفه ومتاكده ان وجعى ليه سبب وحكمه من ربنا ولزم استحمل ومش معترضه اللى وجعنى بس الناس اللى الكل باصص ليا وكانى حاجه غريبه عايشه وسطهم واكتر كلمه بتخنقنى بجد الوحده وحشه ومينفعش تفضلى كده ليه اللى حواليا هما اللى معترضين مش انا ومهما حولت افهم حد محدش بيفهم ولما ابعد ومكلمش حد ابقى وحده مش اجتماعيه ونفريه وتنكه ورخمه انزل واكلمهم وعادى بقى هوب الكل يدخل فى حياتى هو ليه الناس مش تشوف حالها يعنى ليه كل واحد فى الدنيا بيشغل نفسه بغيره انا لو تعبت ومضايقه او مخنوقه ده من الناس مش اكتر 😢😢 |
لما الوجع شد وبزياده قولت وايه الجديد مهو ده العادى شفت الغدر فى اقرب الناس ومقدرتش انطق واقول بس بكفايه شفت الشماته والخبث من القريب قبل الغريب وبردو سكت وقولت بكرا هيجى اللى يكسر كل ده وبستنى وهستنى مش ضعف بس عندى امل انى فى يوم رايحه مكان احسن مليون مره من الدنيا دى او اللى الكل مفكرها دنيا وهى مجرد وقت بيقضوه بس فيها انا عن نفسى مستنيه الدنيا اللى بجد مفهاش رجوع وهفضل زى ماانا مهما شفت او سمعت يوم او اتنين سنه هفضل صبره |
| الساعة الآن 10:52 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب