|
دعاء بالشفاء - بإذن الله - لـ جنون قلب بسم الله الرحمن الرحيم السلام عليكم و رحمة الله وبركاته اسلام حبيبى و صديق عمرى من يوم السبت كان تايه تليفونه مقفول و كل اللى نعرفه بيسأل عليه قلت اخليها عليا واروح اشوفه فى البيت بس مش لاقيناه الصراحه احنا قلنا اتخطف او زهق م الدنيا و طفش وبعد سؤال طوب الارض عليه - طلع له معجبين ابن الـ ... - :D ظهر امبارح - الاتنين - وكان اخوه بيسنده . انا قلت حبيبى مش قدر يستغنى عنى وجه زى الـ ... المهم لقيته بيقولى انا كنت بعمل تحاليل و تعبان اوى اليومين اللى فاته ومحجوز فى المستشفى وممنوع عنى الشاى 'طبعاً انا اول ما شوفته اديته - الطريحه - و الطريحه عندنا هو كل ما حرم الله :D ومفيش تفسير عن الطريحه اكتر من كدا . وبعد ما خد الطريحه قال انا اصلاً مش جايلك انا جاى اشرب شاى :D صراحه كنت هديله طريحه تانيه بس صعب عليا الواد تعبان المهم عملتله الشاى فقام دخل علينا عمووور The master قام اداله - نفس الطريحه - و دخل علينا 3 تانيين فخد الطريحه من طوب الارض :D الجميل فى الموضوع انا اسلام كان بياخد الطريحه من غير ما يرد ودا نادر الحدوث :D * انا نسيت انا داخل هنا ليه :h035: انا سألته بتخش المنتدى فقالى بقاله فتره بسبب ظروفه المنيله و ختامها بالتعب دا فقلت المفروض تعرّف الناس اللى انت بتعتبرهم زى اهلك بالظبط ودخلت عشان ندعيله كلنا بالشفا لانه على وشك انه يعمل عمليه ربنا يشفيه من كل داء و سقم و بيوصل سلامه للكل . |
بغض النظر عن الطريحه دي ايه .....:71: الف الف الف مليوووون سلامة له ويارب يرجع لمكانه بكل الصحة والسلامة يارب شكرا ليك ولاهتمامك باصدقائك سلامي له امانه عليك بقاااا:94: |
الف سلامه عليه وربنا يشفيه ويعافيه يارب وابقي اديله الطريحه بالنيابه عننا عشان الغيبه دي كلها سلامي ليه ومشكور ليك انك عرفتنا |
من فترة كبيرة وهو كان قايل هيعمل عمليه ربنا يشفيه ويعافيه يارب ويشيل عنه هو يستاهل الدعوة بظهر الغيب من كل الناس اللى بتعزه ان شاء الله يرجع بالسلامة ويبقى أحسن من الاول |
الف سلامه عليه ويرجع ينور المكان من تاني |
ربنا يشفيه ويعافيه من كل سوء ربنا يشفي مرضي المسلمين |
شكرا جزيلا وهو فرحان جدا بردودكم واهتمامكم واللى كان عاوز يوصل الطريحه احب ابشره الطريحه وصلت |
تمام انك وصلت الطريحه لانه عزيز علينا كلنا وكان لازم يطمنا عليه و وصل كمان طريحه محترمه لعمرو ذا ماستر عشان غيابه هو كمان وابقي طمنا دايما تحياتي |
جزاكى الله خيرا ويرسل سلامه للجميع لكن بخصوص الطريحه المحترمه معندناش طريحه محترمه فاما طريحه بس وهى غير ما ذكرت اما الاخرى فتقصدى بها السلام ويصل ان شاء الله |
ربنا يشفيه ويرجع بالسلامه اسلام اخ غالي والكل بيقدره بلغه سلامي والدعوات |
| الساعة الآن 06:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب