طاجن الفريك بالكبد والقوانص
 

https://scontent-mad1-1.xx.fbcdn.net...1f&oe=57680E2F


لو عايزين نعمل غدا مختلف عن كل يوم.. ممكن نعمل "طاجن فريك".

الفريك بيتعمل بالفراخ او باللحمة او بالحمام او بالسمان او حتى بالجمبري.. زيه زي الرز بالضبط. لكن النهاردة هانعمل طاجن الفريك بالكبد والقوانص. وطريقته في خطوتين أهيه..

نص كيلو فريك منقوع ومغسول..نص كيلو كبد وقوانص.. معلقتين سمنة بصلة..4طماطم مبشورة.. كبايتين شوربة.. قرن فلفل حامي لو عايزين.. ملح وفلفل..بهارات (قرفة-جوزة الطيب-جنزبيل-روزماري) الي تحبوه.

هانشوح البصل في السمنة لحد مايصفر شوية.. نحط القوانص الأول مع البصل لأنها بتاخد وقت اكتر من الكبد ونسيبها شوية وبعدين نحط الكبدة وملح وفلفل ونقلب.. بعدين نحط الطماطم والبهارات ونسيبهم لحد ماتقريبا استوت.. ودلوقت نقلب معاهم الفريك وقبل ماينشف نحط الخليط كله في طاجن وعليه الشوربه وممكن نحط شرايح طماطم عالوش وندخله الفرن لحد مالفريك يستوي. وممكن في الآخر بعد مانقفل الفرن نحط ورقة فويل عالوش فيها معلقة سمنة صغيرة عليها فحمة مولعة ونسيبها لحد ماتطفي.

انتو بتحبو تعملو الفريك بإيه؟!
.
.
.
.

شكرا ليكم على المرور ..