الموت أقرب إلى أحدنا من شربة ماء.
الحمد لله على نعمه ورحمته.

- أنا: مش أنا كان عيد ميلادي امبارح؟
-أنا برضو: طب وايه يعني..ايه الانجاز ف كده؟
-أنا: طااايب

هو لما أصحابي يتصلوا ومردش على حد
ده كده من علامات الاكتئاب ولا ايه

اللهم رب الناس أذهب البأس
اشف أنت الشافي
لا شفاء إلا شفاؤك، شفاءا لا يغادر سقما

النهاردة أول فرصة ليا لمواجهة جمهور
خطبت الجمعة في مسجد الشركة
وبفضل الله وتوفيقه عدت على خير
الحمد لله

امبارح الجمعة قلت يا واد روق على نفسك واعمل اكلة حلوة كده
عملت رز وفاصوليا ولحمة وملوخية
كنت قاعد باكل وبقول : ايه الطعامة والجمال ده اقسم بالله
الحقيقة كان من أحسن أكل عملته
كنت عايز انزل الصورة بس معرفتش وقلت خير عشان البنات ميتعقدوش من طبخي

لما اتعرض عليا موضوع الخطابة ف البداية مدتش نفسي فرصة أفكر اصلا
لاني كنت شايف انه مستحيل اعملها..لكن لما فكرت تاني قلت ليه لا خليني أشوف
ولما طلعت المنبر لاول مرة ملقتش الموضوع بالحجم اللي كنت مديهوله
يعني شوية رهبة ف البداية وراحو . طبعا ده بتوفيق ربنا والدعاء بالتوفيق والثبات
والحقيقة انها فرصة لزيادة التعلم والبحث وتوصيل حاجة مفيدة للناس .
الحمد لله النهاردة تالت خطبة والامور ميسرة بفضل الله وردود فعل الناس مفرحة.

الخلاصة احنا ممكن نحط ف دماغنا فكرة عن حاجة معينة اننا مستحيل نقدر نعملها
فمبنديش نفسنا فرصة اصلا نفكر فيها . في حين انها بتكون مش بالصعوبة دي واننا نقدر نعملها .

إذا أعطيت أحدهم قدرا لا يستحقه؛ وكل وقت يؤكد لك ذلك وأنت تصرُّ على ذلك، فاعلم أنك تنقص من قدرك أنت.

بعد غياب سنتين
أخيرا أجازة بعد كام يوم إن شاء الله

زي امبارح من سنتين كان اللقاء الأخير