|
شجرة عشمك طرحت ايه ؟ السلام عليكم مساء الورد عليكم. كل سنه وانتو طيبين وف منتدى بنات مصر منورين استعديو للصيام ولا لسه. كل اللى اقدر اقولكم عليه أننا هنتنفخ السنه دى من الحر والصيام اﻻطول ف عدد ساعاته. ربنا يعينا ويجعله ف ميزان حسناتنا . شجرة عشمك طرحت ايه. ؟؟ كل واحد فينا كتير بيتعشم فى الناس حواليه اكتر من اللازم. فينا اللى بيكون عشمه فى محله ويلقى المقابل خير وفينا اللى بيتصدم ف عشمياته. شجرة عشمك طرحت ايه؟ طرحت محبه طرحت كره طرحت فسيخ طرحت بطيخ طرحت نداله طرحت سذاجة طرحت ثقه طرحت حزن اى تعبير ممكن تعبرلنا بيه شجرة عشمك فى الناس طرحت ايه مش شرط تعبير من دول .. عبر باللى طرحته ليك الشجره بس المهم عاوزين نعرف شجرتك طرحت ايه. :153: |
عشمى فى ربنا بس ما بتعشمش فى بشر لكن بعامل بشر عشان كدا شجرة عشمى طرحت رضى كل سنه وحضرتك طيبه |
هههههههه مش عارفة ليه لما شوفت السؤال ابتسمت لان مفيش شجرة بتطرح اكتر من نوع و انا شجرة محبتى ما شاء الله طرحت اشكال والوان منها المحبة و منها الظلم و منها الصداقة و منها الندالة موضوع حلو يا سارة اقدر اقولك بس ان الدنيا و المواقف بتعلمك معادن البشر و بتوقع الاقنعة المزيفة و ان زى ما فيه الوحش فيه كمان الحلو تسلمى على موضوعك المميز |
كل سنه وانتِ بصحه وسلامه العشم الايام دى بعتبره من العملات النادره بس الحمدلله على كل حال شجرة عشمى طرحت موده والحمدلله تسلمى حبيبتى |
حلو الموضوع اولا كل سنه وانتي بالف خير يا اميرتنا ورمضان مبارك عليكي يارب وكل من تحبين شجره عشمي طرحت طرحت ايه طرحت ورد وفل وياسيمين الله الله عليه عشمي في الناس كلها خير والمعادن الطيبه كتير فيه الورد وفيه الفل وفيه الياسمين وفيه الحنظل والمر ودا الطرح سئ ما ببص عليه خليني علي الورد وال العشم فيه خير ونبعد دايما عن القلب القاسي ال طرحه رماه الطير شجره عشمي جميله مفتحه بحبها وبنسي سوء طرحا لل ما فيه خير وزي نا اتعشم فيه ناس متعشمين يارب يكون طرحي في شجرتهم ورد وفل وياسمين جميل فكرك يا اميره وربي يجعل يارب طرح شجره عشمك فل وورد وياسمين وكل عام وانتي بالف خير ومنوره دايما |
اقتباس:
عشمنا كلنا فى ربنا اﻻول بس انا بتكلم على العلاقات الاجتماعيه لما بنعيش وسط ناس وتشوف فيهم صوره معينه ياترى الصوره بتكتشف أنها حقيقه وﻻ مزيفه أظن محدش بيعيش لواحده وعشان كده بسأل عن عشمك ف الناس الل حواليك كانت نتيجته ايه واكيد واحد عن واحد رده هيختلف شكرا لمرورك نورتنى |
اولا كل سنه وانتى طيبه وكلو بثوابه بقا ربنا يجعل الحر ده والصبر ف الصيام ف ميزان حيناتنا بالنسبه لشجرة العشم عندى ف طرحت كل حاجة حلوة لانى بتعشم ف ربنا بس ^^ |
أكيد مش كل الناس زى بعضها يعني شجرة العشم هتطرح حاجات كتير بتختلف باختلاف البشر بس اللى أقدر أقوله اني مبحطش عشم فى حد ومش بستنى حاجة من حد تخلينى أزعل لو ملقتهاش منه. يعني لو لقيت الكويس يبقى خير وبركة ولو لقيت الوحش مش بزعل يعني هى كلها كده بطولها وعرضها مش فارقة ومش مستاهلة لكنّي أشهد لنفسى إني مبادلتش حد بنفس أسلوبه حتى لو أذاني. تحياتي ليكي وكل عام وأنتِ بخير وسلامة |
اقتباس:
ربنا يديم عليكى البسمه ماشاءالله الشجره بتاعتك ظبططك ونوعت فى الطرح حدش أدك بالولو ههههه. انا شجرتى طرحت خيبه أمل فى بعض الناس ومحبه صادقه ونقيه للبعض😢 نورتنى يااحلى لولو ف المنتدى |
والله هو الواحد ماشي بمبدأ أحسن الظن في كل شيء حواليك حتي يثبت لك غير ذلك.. والحمد لله دايما ً بنتعشم في الغير لكن لقينا طرحنا حزن وألم .. وما لنا إلا أن نقول قدر الله وما شاء فعل والحمد لله علي كل حال...... موضوع جميل حبيبتي ويدوم التميز مبارك عليكي الشهر الكريم |
| الساعة الآن 04:54 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب