|
وزارة الأوقاف وتقييد خطبة الجمعة ! السلام عليكم ورحمة الله وبركاته http://majlis-iq.com/images/16122010-eaa57.jpg تجبر وزارة الاوقاف إلتزام الأئمة بنص خطبة موحد والتي كان عنوانها الامن الغذائى مع الالتزام بتوقيتها ما بين 15_20 دقيقه ! ما تمنعوا الخطبة احســن ؟! لا حول ولا قوة إلا بالله النهاردة الشيخ أحمد كان ماسك ورقتين بيقرا منهم نص الخطبة بالإجبار وبيقول معلش ولكن واجب إتباع أولى الامر ما باليد حيلة ! الشيخ دا احنا إتربينا على إيديه من الإبتدائية أول مرة أشوف خطبه له كالصحراء الجرداء ! هو نفسه مكنش مقتنع باللى بيعمله بيقراها كأنه بيسّمع درس قراءة ! هو فعلا الدين بقى بيمثل مشكلة للبلد لدرجة إنكم تحصروا خطبة الجمعة بنص وتوقيت إبتداء وإنتهاء !؟ لنا الله .. |
المشروع القومي والأهم في مصر حاليا هو التضييق على الدين والمتدينين بكل الطرق هو إلصاق الإرهاب بالإسلام في أي مناسبة هو العمل على خلق إسلام جديد على هواهم وهدم كل ما يوصف بإنه إسلامي عايزين يحصروا الدين والدعاة في ناس معينة ماشية على هواهم باقي لنا ايه تاني؟ |
ربما اختلف معك بعض الشيء هناك بعض الائمة يخرجون كثيرا عن النص فى الخطبة مثلا فى سابق عندنا كان هناك امام دائما ما يتكلم بصورة فيها عنصرية ضد اخواتنا المسيحيين واخر كان يتحدث بطريقة عشوائية لدرجة انك لاتعلم ماذا يريد ايصاله كانت خطبته عشرة دقائق دون فهم والكلام يتعاد اكثر من مرة واخر يظل قرابة ساعة يخطب (الرحمة واجبة انا لا ارى فى الامر حرج الائمة يقرأون من الكتب قبل طلوعهم الى المنبر فى الاساس ولكن كان الاولى ان يكون القرار للبادئين فى الخطبة وليس شيوخ كبار يجيدون الخطبة هذا فقط اعتراضى سلمت اخى الماجيك |
بص آنا معترض علي الآلتزام بخطبة موحدة وبتوقيت محدد؟ بس مش معترض علي آن مفيش حد يقوم بالقاء خطبة ع الناس الا ولو معاه تصريح بوزارة الآوقاف ويكون شيخ آزهري؟ الآلتزام بخطبة موحدة دا وبوقت محدد دا آمر مينفعش آصلاً لآن من المفترض آن كل مسجد تابع لبلد او منطقة معينه ممكن يحصل آمر ما ف البلد دي زي فتنة طائفيه آو حاجة ف الحاله دي ممكن الشيخ يغير مسار خطبته لخطبة تهتدي بيها الناس وتجمعهم علي الخير ف يوم زي يوم الجمعه وتكون خطبته سبب ف آصلاح الآمر بين عليتين آو آصلاح آمر ما يعني وكل شيخ بيشوف معظم السلبيات اللي ف بلده وبيبدء يركز عليها ف كل خطبة عشان يهدي الناس وبلدي غير بلدك غير بلد كل واحد آنك تدي آوامر بالقاء خطبة موحدة ع الجميع؟ ممكن ف اليوم دا بظرف معين ف بلدي محتاج لسماع خطبة تانيه مش هتتماشي معايه خطبتك اللي وحدتها دي.. بخلاف آنك بتآمر رجل ديني يقول آيه بمزاجك ؟ الدين مش آوامر الدين طاعه والتزام ومحبه ومش هنتعلم الدين زي ما انتو عاوزين المفروض نتعلمه زي ماربنا عاوز .. اما انا نفسي محدش يطلع يخطب من الشيوخ العاديه ؟ اللي هي لا تابعه لوزارة الآوقاف ولا معاها تصريح بدة لآن بجد في ناس بتدمر الدنيا بكلامها وبتلغبط كتير |
حتي الدين بئا عافيه! ربنا الهادي و المستعان |
يبقي انت مش متابع بقي ما خلاص يا استاذنا لقد اجتمع الشيخ الهمام احمد الطيب بالقصر الرئاسي بالشيخ عبد الفتاح السيسي انا بقول شيخ لانه قال انا مسؤل عن الدين وبعد ها الاجتماع اجتمع الشيخ احمد الطيب بمعلم الاوقاف ومعه اسامه الازهري وكم واحد من الازهر وهناك القرار الجديد ليس هناك ورقه بعد الان انما الوقت محدد بعشرين ثانيه اقصد عشرين دقيقه انت تعرف ان الخطبه المكتوبه معناها لاتقرا ايها الامام ولا تبح ادخل علي النت اكتب كام كلمه وخلاص الخطبه والقائها لها اهلها والاصول ان يكون هناك اختبار قدرات للائمه واختبار اصوات للمؤذنين والاختبار يعني كل شئ والتدريب ويكون هناك معهد اعداد لهم هنا ستري فارق كبير وكذلك ضمان مستوي معيشي لهم جيد وان يكون سكنهم بجوار المسجد وان تكفل الدوله لهم السكن والمواصلات هنا ستري اهتمام بالعلم ولكن هناك حرب علي الدين من خارج الاقطار المسلمه تسلم سيدي منور قسم النقاش ياهلا ومرحبا |
من وجهه نظرى ومثل مااسمع الخطباء فى اكثرمن مكان من غيرالدمعقول التقيد بموضوع واحد فى الخطبه فكل مكان وله ظروفه مع اختلاف وجهات نظر الخطباء والقضايا المطروحه مااقول غير الله يصلح شان امتناالعربيه مشكوراحمد تسلم لروحك السعاده |
الخطبه فقدت الهدف منها والهدف من اجتماع المسلمين فى هذا اليوم وهو مناقشه كل ما يهم المسلمين وتحول الحديث عن فضل السواك ووأد البنات حتى عمر بن الخطاب ممنوع التطرق لما كان يفعله حتى لا يقارن الناس حكمه بالغم اللى الناس فيه دا النهارده الراجل بيتكلم فى الخطبه عن فضل الفقر وان الفقراء بيدخلوا الجنه قبل الأغنياء بنص يوم عاوزيين يحببوا الناس فى الفقر وهما مقضينها فى القصور لا أنا عن نفسى دخلونى الجنه بعدهم بأسبوع وخلونا ننغنغ زيهم موضوع رائع اخى تقبل تحياتى |
ربنا يهدي تسلم |
اقتباس:
لنا الله بقى نورت متصفحي المتواضع كل الود والتقدير إلك |
| الساعة الآن 07:31 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب