بتخيل ليله عرســك..؛:
 

http://banatmisr.com/up3/uploads/1471624810671.png


بتخيل ليله عرسك جايه

وشايفه عروستك بين ايديك

تشوفني عروستك تضحك ليا.

وتقولي ان انا اولي منها بيك

واستغرب !

مايمكن كاشفه الحب ف عنيا؟

افتكر ايام كان الشوق ماليني وماليك

افوق والاقي الدبله ف اديها مش ايديا

وهي مش انا اللي هتكون بين ايديك

امشي من المكان ماسكه قلبي بايديا

ودموعي نازله من عنيا!

علي اي كلمه منك هتكون ليها مش ليا

وبتخيل ليله عرسك
جايه

19/8/2016

انتي عروسته لو بس ما تتخيليش

انتي دنيته من غيرك ميقدرش يعيش

في الخيال وارد كل احتمال

والحقيقة إنك طيبة منه قريبة زيك مفيش

لو بس ما تتخيليش..لو بس ما تتخيليش


هاجر اخترتي عنوان صعب وكنتي قده واكتر ف التعبير

وقدرتي تعبري بطريقة مختلفة..وكلها صبت ف مصلحة الكلمات والفكرة

لأن الموضوع من الأساس تخيل ..تنحسبلك إنك أديتي الدور بكل براعة

من جمال وروعة احساسك لقيتني بتفاعل تلقائيا مع كلماتك التي لا تجارى

ربي يوفقك ويسعدك هاجر

مع انها ممكن تكون روحو وحبيبتو
مع ان انا الل طلب نبعد لما سيبتو
معرفش ليه غيرت عليه كانو خاني
ودموعي نزلت من عنيا غصب عني
ايه ي هاجر. احساسك قتلني

يسلام على الشاعرة المخضرمة هاجر
ايه الجمال ده كله
بقيت شاعرة كبيرة
ماشاءالله عليك
حلوة الكلمات والمعانى
وتسلم الايادى

حالة سلاسة خفة وحرف جميلة
عجبتني الحالة دي
وازاي يكون الكلام غير تقليدي
شابوووووووووور بجد

جميبه اوي
ومؤلمه اكتر
مين فينا مش بيتخيل الموضوع دا
وينسي نفسه ويبكي
ويخاف اكتر واكتر
كنتي معبره الي ابعد الحدود
تسلمي ي رب
مبدعه بجد

الله عليكى وعلى احساسك وحرفك حبيبتى
جميله واكتر رغم احساسها الصعب
يدوم وجودك وقلمك غاليتى

الإحساس صعب أوي
اتخيلت المشهد من احساسك
اسئل الله رب العرش العظيم أن يسعدك
وتفرحي ، كل التقدير
احترامي