منتديات بنات مصر - ردا علي شاعرنا الراقي ... a7med -3del

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - ردا علي شاعرنا الراقي ... a7med -3del (https://forums.banatmasr.net/msryat560011/)

ردا علي شاعرنا الراقي ... a7med -3del

http://www2.0zz0.com/2016/09/06/17/866804944.jpg

هى البلد دى جرى لها إيه
مش لاقى فيها شئ يُسر
الحلو فيها مش لاقيه
والحق أصبح طعمه مُر

بحر الفساد غرقانه فيه
من قلبى خد عندك وصُر
العمر فات وزاد عليه
ومش شايفين للخيبه بَّر

الوضع تتحسر عليه
والهم كاسى كل شِِبر
يصعب عليك ماهىَّ فيه
نهب سرقه غش غدر

لا ضمير ولا حس تلاقيه
ولا حد عنده وفاء وبِر
منها الجميع نفض إيديه
خراب مافيش منه مَفر
90 مليون عايشين عليه
دول مستحيل يبقوا بشر

جاهل وعاطل وأبصر إيه
والباشا فيها هو الخطر
اليأس فى القلب وماليه
من كل ما شُفناه ومَّر

أيوه الأمل أسمع عليه
كان عمرى يومها لسه شهر
تاريخ ميلادى أنا ناسيه
ستين سنه ب تكُر كرْ

ومستعد أصبر يا بيه
إن قلت بس ألاقى عُمر
منه لله بقى أسمه إيه
اللى جعل بلادنا فقر

ما تخفش مش ها أقول عليه
أنا عارف إن الناس دى شر
ولا حتى راح ادعى عليه
يغور فى داهيه يغور فى بحر

سر ونفسى أقول عليه
عندى يقين ب الله وصبر
برغم كل اللى احنا فيه
بنقول بلدنا بكل فخر

فيكى ألف باشا وألف بيه
الكل نازل فيكى هبر
وبرغم ده كله يا بيه

لساكى برضو عمار يا مصر

:::::::::::::::::::::

همس الكناريا

كلام جميل ثانكس همس

الله عليكي
اسمها عمار يامصر
ايه الكلام ده والمصطلحات دي
ابدعتي ياهمس
مفيش حلول كانت الفكرة من عندك بس انا خدت الموضوع لسكة تانية خالص
ورجعتي انتي رديتي عليه بكلام تحفة
يعني الفكرة والكلام كله عندك
فنانة انتي
... متابعك
تحياتي

رد رائع منك يا همس
بجد انتي شاعره متمكنه
واحمد عادل شاعر رائع متميز
لرحكم السعاده والتقدير
مودتي

كلمات برغم قساوتها لكنها بتحكى واقع اليم
تسلمى همس قلمك مبدع وقريب للقلب

اقتباس:

المشاركة الأصلية كتبت بواسطة sama. (Post 5071126)

كلام جميل ثانكس همس

انتي الاجمل حبيبتي
نورتيني
مودتي

همس الكناريا

عمار يا مصر
بقلمك الرنان مفيش كلام يتقال
فنانه وارفع الكاب ههههههه تحية لقمك
ربنا يسعدك همس الكلمات متقنه ومفردات عالية
كل التقدير ليكي وخالص التحيات

رد رائع منك همس ابداع انتى ربى يسعدك
ربى يصلح الاحوال
تحياتى