|
أنا بكتبلكِ رداً على رائعة أحمد عادل بعتذرلك يا وطن أنا القلب اللي حبكِ وبات موجوع أنا الحلم اللي متكتف سلاحه دموع أنا الواقف على شطكِ ومستني سفينة نوح أنا الكاتب حروف أسمك على الضي منين ما بروح أنا العاشق أنا المجروح وصبري يشهدلي أنا أيوب أنا رسمك على قلبي ما فيكي عيوب لكن الظلم احياناً يربي جحود يخطي القسوة يرسم لنفسه حدود لكن في موجة وجع أرجع وأقول موجود واقف على بابك ازاحم ويا خطابك أناديلك وأغنيلك يمكن أنول الرضا ابقي شهيد عرسك والزفة بتلالي وأنتي يا غالية مزيونة وسط خدامك أنا دلوقتي بكتبلك وأحلف يمين وأقسملك إني في يوم عمرى ما خاصمتك وإن كلامي كان من وراي قلبي وأبسط دليل إخلاصي مع حبي إخلاصي مع حبي فصيح |
كتير بنقول كلام من ورا قلبنا بسبب الزعل المهم اللى فى القلب تسلم على خاطرتك اخى فصيح |
عفوا ياشاعر العاميه مافي رد يليق بجمال كلماتك دوما متألق ربي يديم مصرنا سالمه غانمه في حفظ الله اخي سيف |
جميلة اووي كلنا نفسنا نقول الكلام ده ثانكس فصيح |
كلمات اعجبتنى جدا دام هذا النبض الرائع سلمت اخى ودمت بقلم راقى |
حبها في القلب مش بيروح ولا يوم نكرها ولا نبكي منها بس اوقات تانية بنبكي عليها رائعة فصيح دمت راقي |
الله عليك سيف أجمل مافيك أنك بتقول ولاهمك كلامك ورد ..وشهده جاى من ..يمك مصر روحك ..ونسيمها بيجرى ف دمك هى الحياه ..وحلمها فجرك وحلمك منها جمالك وكمالك مع رسمك وأسمك هى كمان بتحبك وبتقول لك تسلم بالصدق وتتهنى كدا بعمرك الله عليك وعلى التلقائية الممتعة فى حرفك دمت ودام نبض قلمك احترامي همس الكناريا |
الله عليك يا حبيب قلبي انتا وابو عادل اكتر اتنين مبدعين ف الكتابات الوطنية وكلماتك بجد لمست القلب لأنها صريحة واقعية مترتبة جدا بشكرك ع الاحساس الجميل ده شاعرنا الغالي كل الشكر والتقدير ليك يا سيف |
انت اللي قولت كل حاجة حتي اللي عجزت عن وصفه يشرفني اني اوحيلك ولو حرف وتنشره بطريقتك واسلوبك انت الاستاذ هنا وواجب عليا اتعلم منك واكمل الفكرة انت عنوان لكل ماهو راقي وجميل تحياتي |
سيف مفيش جدل علي آنك بتحضر آفكار عاليه وبتوظفها ف بيت القصيد بتاعك وآنك من آعلي الشعراء اللي عندنا آحساس؟ ورؤية؟ وذكاء؟ بخلاف آنك حصلت علي للقب من آهم الآلقاب ودا بعد تنافس عميق يعني قلمك جواه الآبداع بكل المقاييس ..زي ماقولت لاحمد عادل آن في قصايد لما بتتكتب بتلغي من عيون القارء سستم الوزن والآسلوب وبتجزبه بآحساسها ..وانت آحساسك كان عالي ف بكتبلك؟ تحياتي ياسيف وبحب آشوف قلمك دايماً |
| الساعة الآن 05:02 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب