عميل الثورة .. شاعر المنتدى أنا المغبونُ في وطنٍ ضاعت فيه أحلامي وحين رفعتُ رايتَه نادوا يسقط عميل الثورة عدواني أنا مش راجع هنا تاني وهعيش ويا أحزاني ومهما عينيكِ تضحكلي هخبي شوقي وحناني وهقول وأنا بتألم خلاص غيرت عنواني خلاص غيرت عنواني فمتلومنيش يا صاحبي لو أتخليت عن خيمتي وميداني ودم مبردشي لأصحابي عن الصوت اللي بيزغرت يعيش الحب يا بلادي يعيش الحب يا بلادي أنا اللي قالوا عليه دا إرهابي عميل قابض دا إخواني أنا اللي عمري ما فرقت بين لحيه وليبرالي بئيت في حبكِ متهم عميل الثورة عدواني خلاص بئيت واحد تاني !!! أنا اللي عشقت لون رسمك وحفرت عـ الضي حروف اسمك وكان هتافي صلاة زلزل عرش سجانك عيش .. حرية .. عدالة اجتماعية ويوم الفرح قالوا عليه أنا كافر شد الرحال وهو سافر وأنا اللي رفضت أطوف وأسكن جبال الخوف ولعيونكِ ببات ملهوف يا سكنه القلب وملكاني خلاص بئيت واحد تاني !!! عميل الثورة عدواني عميل الثورة عدواني أنا حبكِ ومش هاين عليه فراق أنا أحبكِ دايب فيكي حنين أشواق وأرجع بأمل كداب و أسئل وأدق الباب يا تري عاشقه ولا كلام في سحاب فصيح |
احساس صعب انك تحس بالغربة جوا بلدك مش قادر تكرها ولاقادر ترجع تسلم رائعه ابدعت واتمنالك التوفيق |
طبعا دا المتوقع من القلم الثائر غايه فى الروعه والاحساس وكلنا واحنا بنكتب من تانى بندوق الكاس تسلم القلوب العفيه الرافضه للذل بكره هتطلع الشمس وعلينا تطل ونوزع على كل شريف ورد وفل غدا احلا واليقين بالله غدا احلى ولو صرخت بين ضلعنا الاه شعب بيشكي لمولاه طبعا عمره ما ينساه تقديري واحترامي |
عايشين في بلدنا اغراب ولو قولت كلمه حق تبقي خاين وعميل وتختفي من الوجود ربنا يزيح الغمه ان شاء الله قلم رائع فصيح موفق |
وهي دي كلمتهم دايما بيعلقوا اخطائهم على الابرياء كلمات مملوءة بالرفض لواقع أليم لا نحبه ولكن مجبرين على العيش فيه (الواقع) أبدعت وتألقت أخي الحبيب فصيح ودوما مبدع في الكتابات الوطنية امنياتي لك بالتوفيق الغالي سيف |
الأخ الغالى فصيح كلمات رائعه وابداع قلم يئن رسم لوحه برغم حزنها ولكنها واقعيه وتعبر عن حال الكثير تقبل تحياتى وتمنياتى لك بالتوفيق |
الله عليك يا فصيح حروف تحمل اروع احساس راقى حرفك دائما بالتوفيق ان شاء الله |
فصيح يانجم آنت نجم مفيش كلام شاعر من الدرجات الآولي والمنتدي كسبك قلم راقي ومبدع عجبتني والله اوي وبحييك ياسيف علي روعة كلماتك بالتوفيق \ |
ترتيلة كُتبت بنزف القوافي فصاغت حكاية وله تزف الوجع أنينا في غربة الوطن موفق سيف إن شاء الله همس الكناريا |
يسلم ابداعك واحساسك ربى يوفقك |
الساعة الآن 02:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب