منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   أعــــز الـنـاس .. (https://forums.banatmasr.net/msryat563498/)

فصيح 11-07-2016 10:25 AM

أعــــز الـنـاس ..
 


أعــز الـنـاس


حروفي بعيده مش سامعه

وواقفة هناك على شمعه

قولت أكتبها أجمعها

قالت آهه مع دمعة

أصل القصيدة ...

في منبع الاحساس

ومين غيرها أعز الناس


حبيبة عمري يا أمي

بقولها وأهي سامعة


ومين غيركِ بياخدني

لبحر حنانه يرميني

يفرحني ليالي طوال

يقول الشهد يشجين

وساعة الضيق يصبرني

يمسح دمعه من عيني

يشيل الغصة من قلبي

يبكي الليل يواسيني


يا نور الدنيا في عينيه

يا لون الضي في جبيني

يا سكر عمري وسنيني

ومين غيركِ يلملمني

وقت الشدة يقويني


يا رافعة رأسي بين الناس

يا أصل الوفا

يا منبع الإخلاص


في غربتي بكتب

وأهي دمعة ..

تشهد لشوقي والإحساس

وتهدى الصك مية بوسة

للغالية حبيبتي

أعـــــز الـنـاس



فصيح


Lamees 11-07-2016 11:05 AM

البعد قاسي اوي
ربنا يباركلك فيها
وترجع بالسلامة
وربنا يكرمك ببركة دعائها ليك

حـيـــــآة ❤ 11-07-2016 11:06 AM

من القلب الي القلب

ربي يحفظها لك ويجمعكم علي خير يارب

جميله كلماتك كما اعتدنا منك اخي سيف

نجومي وقبلها تحياتي لروعة حرفك

حازم34 11-07-2016 11:08 AM




الله الله الله


رائع وما اجمل ىالكلمات حينما ننسجها في حب هي اجمل واغلي الغاليين


هيا الروح والقلب والحنين


تسلم وزالله شاعرنا الجميل في عزف اجمل المعزوفات بكلماتك الجميله


في حب من هي اغلي الناس


منور دائما

لك مني خالص التحيه والتقدير

العاشق الذى لم يتب 11-07-2016 06:33 PM

الله يكون بالعون
حمدالله على السلامة
وحشتنا

د/ عبد الله 11-07-2016 10:14 PM

ربنا يحفظها ويبارك فيها هي وأمهات المسلمين
تسلم ايديك يا فصيح
تحياتي

ساحرة القلوب. 11-08-2016 08:41 PM

كلماتك راقية ونابعة من اعماق قلبك
ربنا يخليها ويحفظها ليك يارب
ويحفظ امهات المسلمين

شاعر الحب الحزين 11-08-2016 09:00 PM

الله يحفظها ويبارك فيها وكل أمهات المسلمين

جمالك ف قوة احساسك يا سيف

ولما يكون الكلام عن الأم يعني الحب كله والإحساس كله

جميلة بجد يا سيف والعاطفة غلبت على الإحساس فزادتها روعة وجمال

الله يديم هالطلة والحضور ونبض قلبك يا غالي

ربي يوفقك ويسعدك

حنان الروح 11-10-2016 05:41 AM

حروفك كآنت مختلفه اخي
في احساسها الجميل ..
وطرحها الرائع ..
سلم قلمك وابداعك
لك تقديري واحترامي

فصيح 11-10-2016 09:09 AM

اقتباس:

المشاركة الأصلية كتبت بواسطة lamees (Post 5104838)
البعد قاسي اوي
ربنا يباركلك فيها
وترجع بالسلامة
وربنا يكرمك ببركة دعائها ليك


شكرا لمرورك الراقي لميس
ربنا يتقبل مكِ ولكِ دعئي بالسعادة
خالص تحياتي


الساعة الآن 08:25 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w