|
المشاعر من خلف الشاشه .. نجوم الحصريات موضوع مهم جدا لأغلبنا كيف نتلقى الموضوعات المنشوره وتأثيرها النفسى علينا ومدى وكمية إنجذابنا للكاتب هل تؤثر فى طريقة التعامل معاه ؟ اتينا هنا للترفيه بالمقام الاول يمكن أغلبنا بيكون جواه عايز يكون البطل او السوبر فى ناس تحب تكون منزويه وناس لا تتنازل عن دور النجم الاول مهما كلفه ذلك من خسارة اعضاء او جمهور مهتم بكتاباته او شخصيته ( من خلف الشاشه ) أكيد كلنا نفسنا نكون شخصيتنا جميلة فى نفوس الجميع اعضاء وزوار ومشاهدات عموماََ ولكن هل قدمنا ما يشفع لنا عند القراء؟ ممكن الانسان مننا فى غمرة الحماس بيندفع ويرتكب اخطاء ومدى الندم عليها بترجع للشخص نفسه ودا إللى بيبينه مدى تكراره للاخطاء من عدمه ليكن مهمتنا الاولى والاخيره التقرب وسماحة النفس قبل اى شىء وفوق اى غاية شايفنها ولتتذكر اخى العضو واختى العضوة إننا مجرد اذرار من خلف شاشهولسنا فى ساحة حرب بيدنا ان نكون قدوه او نكون نقمة لغيرنا .. ========= إيه رأيكم فى التعامل من خلف الشاشه وهل يوجد اشياء تستحق الكُره و زرع القطيعة ؟ والمتخاصمين ألا يوجد مساحة لمراجعة النفس ؟ هل ممكن تقدر تخسر موضوع كتبته او موقف مقابل عدم خسارة صديق زاملته او عاشرته ولو فى اى وسيلة تواصل . بإنتظاركم .. |
مش مستاهله الدنيا دى والله زى ماقولت جينا للترفيه والتعلم من بعض مش عشان ندايق بعض ونخاصم بعض يمكن فى ناس كده كتير بس صدقنى هم الخسرانين لان اللى بيزعل من حد مش ضامن انه يشوفه بكره عشان يتصافى معاه نتمنى يكون فى مساحه مافهاش حاجه لما نتعاتب بس المهم نوصل لطريق المحبه وربنا يهدينا جميعا تسلم ياسر |
خلف الشاشة تظهر المثالية كل شخص يريد ابراز أجمل ما بداخلة فذلك لن يكلفة شىء سوء كلمات وابتسامات لطيفة وقد يتطور الأمور ويصبح عامل وتعود نفسى نجد ارتياح عندما نكتب ما نحب ونسمع ما نحب وان حدث العكس نأخذ الأمر على محمل الجد وتتغير الأنفس أحسنت جميل التوضيح ياسر يدوم التوفيق |
صباحكم حسن انتقاء المواضيع ... وقلم مبدع يعرف كيف يرسم الكلمة ... حقيقة الموضوع ع المحك ..وربما أتى في وقته .. باديء ذي بدء .. نحن هنا تواجدنا لنعلي قيمة القلم والحرف .. ونطوع الأبجدية كيف نشاء لا كيف تشاء .. وصغنا من لحن الأسلوب حرفا رقراقا ..يصدح بالود والاحترام .. تعاملنا من خلف الشاشة يجب ان يكون كما الواقع ..لانتقمص شخصية لاتشبهنا ..لنستشعر المصداقية من خلال المعنى والفحوى .. ولاننسى أننا في هذه الآونة كثرت الأقلام الصفراء والمتملقين والمزمرين للحرف الصدأ ..العفن .الذي لا معنى له ولا قيمة .. لذلك علينا ان نسمو على تلك المهاترات ونغرد داخل السرب المحافظ على أصل وأصول التعامل ... الفيصل يا سيدي في كل ذلك *الاسلوب* الأسلوب. .الأسلوب .. فرق ان تزين النصح وفرق ان تلقي النصح دون مراعاة أذن المستقبل .. لنحرص على كسب الجمهور بالتعامل الراقي وحسن الأسلوب .. وواهم من ظن أنه سيكسب جمهور على حساب الآخرين .. نحن لسنا في ساحة حرب ليعرض كل منا عضلاته ..نحن في واحة خضراء اينعت حبا ..وسموا. .واحترام ... شاء من شاء وأبى من أبى دوما أقول .. ان ولاة أمورنا فرقونا وفرقوا شملنا ..وزرعوا الضغينة رغما عنا بيننا .. لنجعل الكلمة هي من تجمعنا هي الوطن الذي نلجأ إليه عندما نشعر بالغربة او اللجوء .. لنجعلها رايتنا التي نتمنى ان تبقى خفاقة في سماء الأماني والريادة .. هذه دعوة أمل مني *غدي فلسطين* لنمد أيدينا حتى تنهض بلغتنا ونجعل مواقع التواصل دعوة حب وخير وأمل لمن ضاقت به الدنيا .. سلمت وسلم يراعك أيها الانيق |
اسلوب الكاتب اكيد بياثر فى المتلقى بس دة مش معناه القبول على طول الخط بمعنى فلان بيكتب حلو جدا بيعجبنا كتاباته و قلمه مش معنى دة انه هيجى يوم و نفضل مبهورين لو كتب موضوع دون المستوى لان لنا عقل و ذائقة و لا هيغفر له جمال قلمه لو لقينا منه سلوك مش لطيف بالنسبة للسماح مطلوب بين الناس احنا هنا بندخل نغير مود و الدنيا مش متحملة و كل واحد عنده مشاكله فمش هيبقى برة و جوة عن نفسي بقيت احس ان الحياة قصيرة اقصر من اننا نضيعها فى خلافات و شد و جذب موضوع قيم اخى و دعوة جميلة لنبذ الخلافات و التعامل بروح طيبة تحياتى و تقديرى |
هو بياثر اكيد احنا ملاحظين الامر دا فى اغلب التواصل الاجتماعى ممكن مقال يجعلك تكون مبهورا بكاتب او غير محب وهذا يرجع الى محتوى كتاباته واحيانا يحدث التصادم بين الاشخاص ولكن ارى انه لم يعد امر يستحق ذلك كله فالتعامل بشيئ من الرقي افضل ولكن ارجع واقول لك انها نفوس وعقليات سلمت اخى |
مافيش حاجة مستاهلة عامة في اي تواصل اجتماعي انه يكون فيه زعل عليها .. هو بس الدنيا خلف الشاشة مختلفة شوية زي ما الكل عارف بتعامل الناس وبتكون انطباع عنهم بما يظهروه ليك مش اكتر وخيالك بيقدره بما تملكه من تجارب ومعرفة بالناس ... وغالبا اصلا مشكلة معظم اللي خلف الشاشات انه تجاربهم بمعرفة الناس قليلة فحكمهم غالبا بيكون غلط ... هو بس الفكرة في الانطباع اللي بتكونه عن كل شخص انه ( حلو - وحش ) في موقف ما بيمسك سواء اختلافه مع ثوابتك الشخصية او انتمائتك الفكرية او السياسية اوحتي صداقاتك مع الغير ومدي ارتباطك بيهم واثره عليك من خلال تعليقاته او موضوعاته مع اي شخص مؤثر في وجدانك ... وده بيقودك بعد كده في تعاملك معاه وبتكون زي الأعمي مش بتشوف غيره .. ولو حتي كان ملاك بيظهرلك من كلامه .. عدم الارتياح بيكون واضح عامة ولو بتحاول تخفيه .. وثانيا الفكرة في اختلاف طباع كل شخص حسب المجتمع الموجود فيه يعني في مجتمع المنتديات هنا .. الناس عادة بتدخل لانها عاوزة تكتسب نضج معين في شئ ما بشكل يناسبهم وبالتالي بترتاب من الشخص اللي مش فاهمة أفكاره او غير مألوف ليهم او بيحسوه غامض الي حد ما بيختاروا الأمان أكثر في تعاملاتهم ... عكس مجتمع زي الشات مثلا .. تلاقي الناس تميل أكثر الي الغامض وبيمثل في حياتها حالة لأن اولوياتها من وجودها في الشات تختلف .. هو عامة عيب أنك تكون خلف شاشة هو قدرتك علي الحكم مهما كنت ذكي او لماح عكس الواقع لأن اصعب الأشخاص اللي غالبا بتتعب عشان يوصلوا لعقول او قلوب الناس هما التلقائيين وأكثر اشخاص بتتسلق قلوب الناس هما المصطنعين وما بينهما في الوسط في نعيم لأنه الحياة بالنسبة ليهم مرنة .. |
فيه فرق بين اختلاف وخلاف المفروض اختلاف وجهات النظر لايصل للخلاف والكراهيه وافضل عند وصول الحوار لهذه النقطه انسحب ولااخسر شخص غالى وهنا الانسحاب ليس ضعف بل حكمه تسلم وبالتوفيق |
الدنيا مش مستاهله الصراع في الواقع عشان نتصارع هنا واللي بيعمل كدة مريض نفسي اللي بنكتبه بيعبر عنا و عن اخلاقنا سواء كان حسن او سئ لو فيه خلاف بتوبيك مع حد مقرب اكيد هختار الحد المقرب مخسرهوش بسبب توبيك واحد تحياتي |
اقتباس:
اننا نشيل فى نفسنا والعمر فعلا قصير ومش مستحقة اننا نخسر حد بسبب اختلافات بسيطة نورتى بقا :) |
| الساعة الآن 02:41 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب