|
هي وشاعر .. أجمل ديو دا كان شاعر وبالفطرة .. حروف الشعر تندهله يلاغيها بحنية .. فتغمزله وتضحكله.. تبات سهرانه على حبره .. تحكي شوقها وهيامها فيكتب نبضه أغنية .. يترجم لحن إحساسها .. فجأه حورية ظهرتله .. .. رموشها سهم شاورتله .. لحد هواها بنت الإيه .. وكانت فرحته في عينيه .. وأحلامه تطير حواليه .. .. عاش ويا تفاصيلها .. وبات الليل يغنيلها .. صمم إنه يصارحها .. ويحكيلها غرام لياليه قطف وردة ومد ايديه .. وسرحت هي جوا عينيه دا كان نفسه يحضنها .. ويكتب قصته بإديه عشقت ظل أيامه .. غرامه . غضبه وهيامه وفجأة خلصت أحلامه .. وفاق على مر أوهامه دا كان لعبة ومش أكتر .. عريسها بان ومقدر ................ (هي) أنا حباك فمتلومنيش على ظنك ما تظلمنيش دا مين غيرك بياخدني لبحر حنانه يرويني ويمسح دمعه من عيني ومين حضنه يواسيني يا أغلى عليه من نفسي عذابي في الهوى يأسي مغصوبه وظلمي من ناسي كلامهم بكا إحساسي وقهري فاض من كاسي ومين في حيكم يرضي عشق البنت طعن في عرضي مغصوبة وظلمي من أهلي أنا حباك فمتلومنيش على ظنك ما تظلمنيش ... وكانت هي وسط النار .. فمين ظالم ومين غدار؟ سيف عبدالرحمن |
الله على التنوع والجمال يارب يسعدك ويوفقك استاذي |
كلمات رقيقه راقيه متناغمه اجدت التنقل بالقلم من هو ل هي تحياتي |
الله عليك ايه الكلام دا فوق الفظيع |
جميل جدا أخي فصيح أبدعت أخي دام هذا النبض الراقي منك وبالتوفيق لك |
يا سلام على الجمال والابداع يا سلام ديتو ولا أجمل من شاعر بيعرف يقول احلى كلام في الحب وترد الحبيبه عليه مظلومه مظلومه انا مش بيدي... يا سلام تحياتي للإبداع وبالتوفيق |
فعلا مين ظالم ومين غدار البنت فى معظم الحالات بتكون مظلومه رائع واكثر كلمات وحروف نابضة بجميل الاحساس والمشاعر دمت ودام قلمك نابضا بالتوفيق |
مجمتع واهل بيظلموا البنت ويغصبوا عليها في الزواج هنا شوفت ابداع ودويتو بجد وباين الفرق بين الجزئين ابداع ياسيف تسلم بالتوفيق |
طول عمرك مبدع وكلماتك جميله ياغالي بجد احساس جميل وكلمات واحساس روعه تسلم يدك |
مين ظالم ومين مظلوم يمكن النصيب ظلمهم هما الاتنين وكلمة القدر دايما مسموعة مهما كرهناها فعلا ابدعت اخى هنا وعبرت بسلاسة وبراعة سلمت يمينك بالتوفيق |
| الساعة الآن 01:43 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب