حب بلا اعتراف
 

ليه لما بفكر فيكي بلاقيكي
في نفس المكان اللي أنا فيه
ليه بحبك ومتعلق كده فيكي
وأنا عارف إنك متعلقة فيه
لا حبيت قبلك ولا حبيت بعديكي
نصيبي أحبك وإنتي تحبيه
أعمل إيه في حيرتي واشتياقي ليكي
لإيمتا حبي جوه صمتي هخبيه
نفسي تحسي قد إيه بحبك وبخاف عليكي
ياريتني قابلتك قبل ما تقابليه


هفضل أداري الحب بس هيفضل
ما إنتي اللي القلب اختارك
حتى لو جت فرصة أعترف مش هقبل
يلوث حبي ليكي أفكارك
حبي بين السطور بحسه أبقى وأجمل
الله يهنيكي ف حبك واختيارك


أنا حبيت بس غصب عني داريت
لما لقيت إن حبي ليكي
هيفرق ما بين قلبين ويهدم بيت
أنا حبيت وقدك إنتي ولا حبيت
واللي خلاني ما أعترفش
إني من قلبي حبيت من قلبي حبيت


ش . ح

ملك الكلمات الجميله والاحساس الراقي
دايما مبدع باجمل الكلمات واحلي الاحساس
تقبل مروري المتواضع علي ابداعك الراقي

اصعب شعور في الحب هو الحب من طرف واحد بيبقي حب صامت لا يبوح به
البعض بيتغلب عليه الشعور والرغبة في التملك حتى وان رفضه الاخر ولكنه انانى
والنوع التانى هو محب يسعد بسعادة من احبه حتى لو كان لغيره ودا بيكون شخص صادق فى حبه اكتر
جميلة الكلمات اخى شاعر ودوما مبدع

في منتهي الجمال تسلم شاعرنا ويدوم الابداع

الله ع جمال طلتك وكلامك أبو إياد الغالي
حضورك زادها جمال وكلامك عال العال
شهادة أعتز بها أبو إياد الغالي
أسعدتني بحضورك وكلامك المشجع
يسعد قلبك 💜🌸

كنت حارمنا ليه يا خالد من الابداعات دي
راقتني الفكرة فيها مثالية جامدة
قدرت تعبر عن الفكرة بسلاسة
ده بجانب قدرتك الإبداعية
راقي الطرح تحيتي المسائية

صدقتي وأحسنتي والله فداااء
كل حب صامت صادق
والحب الصحيح يختار الأوقات الخاطئة
لا يلام القلب على حبه لمن ليس له
طالما بقي الحب في قلبه بلا اعتراف

أشكرك كاتبتنا الكبيرة فداااء على صدق تفاعلك
ورحابة قلبك في الرد ووصف الحب بكلمات صادقة
أسعدتيني حضورا وقولا راقية الحرف فداااء
شكري وتقديري وامتناني 🌸

حضورك الأجمل شمس المنتدى
الله يسلمك يارب منة
أسعدتيني بحضورك وكلامك
يسعد قلبك 🌸

أرق تحية لك روني
ان شاء الله مش هيكون فيه غياب تاني
حضورك غير كلامك غير يا روني
حضورك له أثر جميل في النفس ويسعد القلب
أسعدتيني بكلامك الأنيق الرقيق
أعتز بشهادتك راقية الإحساس روني
يسعد قلبك 🌸

موضوع جميييييل