كل اللي قالوا كل اللي قالوا حبوك بيجملوا ف السرد في ناس بتزرع شوك جوا جناين الورد يرموا كتير من قول ويزوروا في أصول و إن قل المحصول جابوا العيبه من الارض ديما هتلقي كتير من كل حاجه اتنين وهتلاقي ف المشاوير ديما معاك طريقين شوف ده بيوصل فين وده بيوصل فين عد الخطاوي زين وخد بالك من العد ورا كل باب موجود أسياد و برضو عبيد تلقي قلوب مالسود تلقي قلوب مالبيض افرز وشوف أعوان جدعان من الأحرار ما تتوهش في الالوان لا يخونك المشوار بعض الصحاب جنه والبعض أصبح نار إستهدي و استني و اختار صاحب هيسد اختار و نقي شريك لك مطلق الحرية وأوعي الصحاب ال Fake دول ف الطريق غِية لو تلقي حد شاريك تلقي اللي باع 100 صاحبك يساند فيك وقت الهزار و الجد #محمدسعد |
اسمع كلامه ده بينصحك ركز في كل كلمة وحرف اعمل بيه صدقني هيريحك هتقوله شكرا يا ابو سعد من اجمل كتاباتك وفيها الكثير والكثير سلمت والنبض والقلم المفعم بالإحساس شكري وتقديري وامتناني ❤️ |
الله ينور ابوسعد قلمك جميل ومش كل الي يقول نصدقه ونمشي معاه فيه ولاد اصول العيش والملح يتمر معاه احسنت ابوسعد تحياتي ووردي |
بعشق طريقه الكلام دي بحسها اغنيه وبحس فيها ب لحن وانا بقراها بحسني بغنيها روعه هي كلماتك دمت بالف خير |
جميل اوى واحساس عالى يسلم نبضك |
كلماتك جميلة تسلم ايدك |
أهم حاجه الإختيارات اللي بنختارها في حياتنا احنا اللي بنقرر نمشي في أي إتجاه وأحياناً بتبقي مرايه الحب عاميه وبنندم بعد كدا كلمات جميله وإحساس ونصائح أروع تسلم سعد |
بقالي كتير محسيتش بالنغمه دي ف كتابات تسلم ايدك |
منورسعد واغنايك الجميلة ومعانى اهل الريف الاصيلة سلمت مبدعتنا تحياتى |
متشكر جدا جدا لمروركم وحقيقي انا لو بكتب فا بكتب علشان اشوف ارائكم واتبسط برغم ان في ناس كتير مبقوش موجودين بس وجود الخمسه ستة اللي بيدخلوا كل فتره ومجرد لايك منهم حاجاتي بتزداد قيمة اوي والله منورني ديما تحياتي لحضراتكم |
الساعة الآن 11:17 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب