مش بخير
 

كلامك قل وده إن دل
بيدل إن فيه قصة وحكاية
باين كده إن قلبك مل
مبقاش يحب الكلام معايا
مفيش مشكلة إلا وليها حل
وحل المشكلة مش النهاية


أنا وإنتي مش بخير
بس بقينا خايفين نتكلم
قصينا جناحات الطير
وسبناه في القفص يتألم


كنتي زمان بتقوليلي ع اللي تاعبك
وكل كلمة بتقوليها بحسها من قلبك
دلوقتي حتى بكلمة أنا بخير
بحس بصمتك وأحس كمان بكدبك
قلبي مش حمل وجع وألم
سكوتك بيتعبه عشان هو بجد بيحبك


اتكلمي عادي زي زمان
لو كل يومين ٦٠ دقيقة
اتكلمي وفضفضي كمان
وهتكلم بنفس الطريقة
اتكلمي يا روحي عشان
صمتك مش هيخفي الحقيقة


ش . ح

مش عارف اقلك ايه

لعله خير

وتعود الامور افضل مما كان

صباحك ورد شاعرنا الجميل

نبره حزن وقلق وخوف
ماليين الموضوع
احيانا الصمت كفيل باي حل وباي. نهايه
بس صدقني خد اللي انت عاوزه بدماغك
وعافر لحد ما توصل للي انت عاوزه
روح واتكلم مره واتنين وعشره
المهم ف النهايه لو شايف القرب حل
لازم توصل وتقرب


الله يريح قلبك وبالك ويعطيك الخير من حيث لا تدري

الله ع الرتم الجميل
يسلم نبضك شاعرنا

ان شاءالله تعود الأمور أفضل
كفاية صدق حضورك وكلامك الطيب
أسعدتني بحضورك القلبي أبو المجد
شكري وتقديري وامتناني ❤️

كفاية عليا طلتك الحلوة دي فجر
أسعدني حضورك الرقيق بعد غياب
منورة الدنيا يا فجر
شكري وتقديري وامتناني 🌺

عندك حق والله إسلام الغالي
الصمت مش حل
القرب يحتاج قطع مسافات طويلة
ولكن ليس بين القلوب مسافات
صدقت وكلي ثقة بكلامك أخي إسلام
أسعدتني بحضورك وتفاعلك ودعواتك الطيبة
لك بالمثل يا نقاء سلمت والنبض الطيب
شكري وتقديري وامتناني ❤️

الله ع نظرتك الثاقبة للكلمات
سلمتي والنبض الرقيق لولي
أسعدتيني حضوراً وقولا
شكري وتقديري وامتناني 🌺

♥️♥️🌹🌹🌹🌹🌹🌹🌹🌹🌹