منتديات بنات مصر

منتديات بنات مصر (https://forums.banatmasr.net/)
-   قسم الخواطر - وهمس القوافى حصرى بقلم الأعضاء (https://forums.banatmasr.net/f16/)
-   -   وحدة بوحدة (https://forums.banatmasr.net/msryat591227/)

شاعر الحب الحزين 10-14-2021 09:11 AM

وحدة بوحدة
 
وحدة بوحدة كده خالصين
كده في الخيانة متعادلين
إنتي اللي بديتي وسبتك
لا اتكلمت ولا عاتبتك
القلب خانك وانا خنتك
وإحنا للأسف بجد مش أسفين
هو انتي فاكرة نفسك مين


كان لازم ارجعك لحياتي
مش عشان واحشاني
عشان اصفي كل حساباتي
واخليكي تخوني التاني


أيوة خنتك بس مش بجد
كنت عايز أحسسك بذنبك
خيانتك خلت قلبي اتهد
قلت لازم ادوقها لقلبك


وحدة بوحدة ما تزعليش
ولا أقولك ازعلي ما يهمنيش
أنا أصلاً قاصد أزعلك
وابقي لما اقولك بحنلك
ما تصدقيش تاني وما ترجعيش
أنا كدبت بس ما خنتش
إنتي كدبتي وخنتي وش
إنتي مش لازم تتحبي بجد ما تستاهليش
غبي اللي يزعل عليكي وحدة تافهة ما تساويش


ش . ح

بحر القمر 10-14-2021 09:19 AM

الله الله الله على الجمال
بجد الله ياعم خالد
قوة وشموخ وعزة نفس
كلام جميل جدا جدا
ربنا يكرمك ويوفقك يارب
صباحك جميل اخي

*فجر الاسلام* 10-14-2021 01:55 PM

هو الانتقام حلو مافيش كلام بس بنفس الطريقه لا مش لازم نبقي شبهم عشان ننتقم كده هندخل ف الوحل معاهم ونبقي شبهم

نجاة حسام 10-14-2021 11:32 PM

مجرد انتقام وبردو مافيش بعدو راحه
احساس ان حبيبك موجوع منك بيوجعك اكتر ما بيوجعو
احساس انتصار مكسور
وحده بوحده واللى وجع زى الموجوع
هتبقى غابه لو الكل اتعامل كده مش هيبقى فى رحمه
فى قلب حد للتانى
احسنت خالد

شاعر الحب الحزين 10-15-2021 12:23 AM

اقتباس:

المشاركة الأصلية كتبت بواسطة ياسر عبد الباقي (Post 5249961)
الله الله الله على الجمال
بجد الله ياعم خالد
قوة وشموخ وعزة نفس
كلام جميل جدا جدا
ربنا يكرمك ويوفقك يارب
صباحك جميل اخي

الله على طلتك الحلوة أبو اليسر
صباحك جميل زي كلامك وحضورك
صباحك ورد وفل يا غالي
أسعدتني بحضورك ودعواتك الغالية
شكري وتقديري وامتناني ❤️

شاعر الحب الحزين 10-15-2021 12:29 AM

اقتباس:

المشاركة الأصلية كتبت بواسطة *فجر الاسلام* (Post 5250043)
هو الانتقام حلو مافيش كلام بس بنفس الطريقه لا مش لازم نبقي شبهم عشان ننتقم كده هندخل ف الوحل معاهم ونبقي شبهم

لأ مش بنفس الطريقة يا فجر
هما بيخونوا بجد وإحنا بنمثل إننا بنخون
وفي النهاية كلها أدوار بنأديها

أسعدتيني بحضورك الطيب وصدق تفاعلك
شكري وتقديري وامتناني 🌺

شاعر الحب الحزين 10-15-2021 12:40 AM

اقتباس:

المشاركة الأصلية كتبت بواسطة همس الرحيل (Post 5250077)
مجرد انتقام وبردو مافيش بعدو راحه
احساس ان حبيبك موجوع منك بيوجعك اكتر ما بيوجعو
احساس انتصار مكسور
وحده بوحده واللى وجع زى الموجوع
هتبقى غابه لو الكل اتعامل كده مش هيبقى فى رحمه
فى قلب حد للتانى
احسنت خالد

ما يبقاش حبيبي اللي يرد الوفاء بخيانة
مهما يحس بوجع مش هيأثر فيا بكل أمانة
هما بيخونوا بجد وإحنا بنمثل دور الخيانة

نجامل في كل حاجة بس مش على حساب مشاعرنا
مش كده ولا ايه يا نجاة

أسعدني حضورك وتفاعلك الطيب نجاة
شكري وتقديري وامتناني 🌺

Lamees 10-16-2021 12:19 AM

وعشان اتوجعت حبيب تنتقم
وانتقام بردوا وجع للاثنين
مفيش راحة في الحب
اقصد مفيش إخلاص
كله وهم يا صديقي
هي عملية تبادل المصالح
مش اكتر

تحيتي قلمك الرائع خالد
ورغم قسوة الكلام
بس حلوة اوي

شاعر الحب الحزين 10-16-2021 01:48 AM

اقتباس:

المشاركة الأصلية كتبت بواسطة lamees (Post 5250396)
وعشان اتوجعت حبيب تنتقم
وانتقام بردوا وجع للاثنين
مفيش راحة في الحب
اقصد مفيش إخلاص
كله وهم يا صديقي
هي عملية تبادل المصالح
مش اكتر

تحيتي قلمك الرائع خالد
ورغم قسوة الكلام
بس حلوة اوي

والله عندك حق يا روني
كلامك عقلاني وصريحة جدا
هي دي الحقيقة للأسف
اختفى الحب في زحمة المصالح والرغبات

الجد بين السطور بس القلب طيب وفي ومش بيخون
تسلمي يا روني بجد حضورك وكلامك غير
ونظرتك للكلمات مختلفة وهذا ما أراه في ردك وكلامك
شكري وتقديري وامتناني 🌺


الساعة الآن 05:04 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w