فين الشاي
 

يا دنيا اتهدينا وتعبنا

يلا بقى فين الشاي

من الهم كبرنا وشيبنا

ولسه أملنا باللي جاي

عن كل حاجة فيكي كتبنا

وعزفنا اللحن من غير ناي

كتبنالك ولا قبلتيش عتابنا

يا دنيا قلبها طبعه نساي

قد ما نتعلق فيها بتحب تسيبنا

شفتوا قليلة أصل إزاي

بنحارب عشانها بس هي بتحاربنا

عايزة تكيفنا من غير شاي



فين الشاي يا دنيا

مش بتكلم عن فلوس

عايز حلوان حاجة تانية

محدش يشتريها بفلوس

عايز أحس بالحب كل ثانية

مش عايزك تديني دروس

ما تسوقيش عليا الشرف يا فانية

وتروحي تصبي لغيري كؤوس

يا ابني الشاي بتاعك خلطته تانية

تشربها وتنام متقومش يا موكوس



عشان كده بقولك فين الشاي

نفسي أدوق شايك يلا أنا جاي



ش . ح

ياغالي شرفني
في خير ربنا كتير
اكل وشاي وكل طلباتك اوامر فوق راسي
والله العظيم بكتب لك بكل صدق
تؤمرني وانا انفذ


كلمات جميثله كعادتك شاعرنا الكبير
تسلم ايديك
تحياتي وكل احترامي

لو شاي بتاعي حلو كنا قلتلك اتفضل
لكن الشاي بتاعي يقرف حقيقي 🤣

ربنا يراضيك ي خالد وان شاء الله ترجع الدنيا تضحكلك
تسلم ايدك ❣️

الأمر لله وحده سبحانه وتعالى
الله يكرمك ويكرم أصلك يا غالي
كلك ذوق وكرم أبو اليسر الغالي
أصيل وصاحب واجب ومحترم وحباب
أكيد أتشرف بمعرفتك ع المستوى الشخصي
بعيداً عن أي شيء آخر أخي الحبيب ياسر

سلمت والنبض الطيب وصدق ردك
أسعدتني حضوراً وقولا أخي الغالي
شكري وتقديري وامتناني ❤️

😂😂 مش مهم عايز أدوق شايك 🙃

ويراضيكي ويسعد قلبك يارب يا هاجر
تسلميلي كلك ذوق وطيبة هاجر
أسعدتيني بحضورك الرقيق وكلامك
شكري وتقديري وامتناني ❣️

عايزه اقولك مسميني خلود شاي والله عليا كوبايه شاي حوار 🙂🖤
تسلم ايدك بجد ي خالد دائما مبدع والله 🌹

كل الأسامي لابقالك 🙂🖤
انتي معلمة في كل حاجة يا خلود
طبخ وشاي وكل حاجة ماشاءالله عليكي
الله يسلمك ويسعد قلبك يارب
أول حاجة ابدأ فيها السنة الجديدة
كلامك وحضورك الله يديمهم يارب
شكري وتقديري وامتناني 🌺

تسلملي ي خالد وربي لو قريب مني لاعملك شاي 🖤🖤😂
كل سنه وانت طيب 🌹

😂😂
والله كلك ذوق وكرم يا أم الخلاخل
اعتبري إني شربته تسلم ايديكي 🙂🖤🖤
وانتي طيبة وبألف خير يا خلود 🌷

هو فيه احسن من شاي الغزالين

اعمل حسابي معاك

يدوم شاعرنا الجميل

تحياتي وتقديري