كل ثانية وانتي بخير
 

كل سنة وانتي الخير

اللي مالي عليا حياتي

كل دقيقة وإنتي بخير

يا عمري اللي راح والآتي

مفيش زيك إنتي غير

كلمة منك تسعد أوقاتي

اتمنيت لو كنت زي الطير

كانت هتاخدني عندك جناحاتي

شغلتي ف قلبي حركة السير

بقت رايحة لسكتك كل اتجاهاتي

يا حبي الأول والأخير

إنتي حبيبتي والباقيين اخواتي

كل ثانية وانتي بألف خير

ياللي مالية عليا دنيتي وحياتي



إنتي لوحدك عندي كفاية

إنتي ف عز البرد دفايا

ازاي مبقاش حلو وانتي المرايا

يا أجمل قصة اتكتبت ف حكاية

يا أحلى بداية رافض يبقالها نهاية

لو قريب أو بعيد حبي ليكي جوايا

كل سنة كل دقيقة كل لحظة وانتي معايا



ش . ح

الله الله على الجمال
كل عام وانت بكل خير اخي
تسلم ايديك يارب
تحياتي وكل احترامي

وانت بألف خير وصحة وسعادة أخي الغالي
ده جمال طلتك وكلامك أبو اليسر الغالي
الله يسلمك ويسعد قلبك يارب
أسعدتني بحضورك الطيب كل الإحترام ليك
شكري وتقديري وامتناني ❤️

كل عام وانت والجميع بكل الخير


والسعاده شاعرنا الجميل

تحياتي لك

كل سنه وانت كمان طيب وبخير و سعاده
❤️❤️

ي سيدي ي سيدي 🌹
كل سنه وانت طيب ي شاعرنا
ربنا يجعلها سنه سعيده عليك 🌹

وانت بألف خير وصحة وسعادة أخي الغالي أمجد
أسعدتني بحضورك القلبي يا طيب القلب
شكري وتقديري وامتناني ❤️

وانتي طيبة وبألف خير وصحة وسعادة يا هاجر
أسعدتيني بحضورك الرقيق وتهنئتك الجميلة
شكري وتقديري وامتناني ❤️❤️

وانتي طيبة وبألف خير وصحة وسعادة يا خلود
يارب تكون كل السنين الجاية خير وسعادة عليكي وعلينا يارب
أسعدتيني بحضورك الرقيق وكلامك خلود
شكري وتقديري وامتناني 🌺🌹

كل عام وأنت بخير وبكامل الصحه و العافيه الله يسعدك شاعرنا الجميل