منتديات بنات مصر

منتديات بنات مصر (https://forums.banatmasr.net/)
-   منتدى النقاش - الحوار الجاد - قضايا المجتمع (https://forums.banatmasr.net/f3/)
-   -   المعلمه الرقاصه (https://forums.banatmasr.net/msryat606484/)

ساحر الأحزان 01-05-2022 03:37 PM

المعلمه الرقاصه
 
بسم الله الرحمن الرحيم

أنا من النوع ألي ما بحب الرقص ولا أحب مراتي ولا أختي أنها ترقص ولما بروح في مكان عام فرح
في قاعه
او خلافه ويكون فيه رقص باخد نفسي من سكوت وأخلع ده طبعي وقناعتي
الشخصيه
انما مش من حقي
أني في فرح
او في مكان عام أطلع الموبايل بتاعي
وأقعد أصور في خلق الله
من دون علم منهم وبعد كده
أنشر الفيديو علي مواقع التواصل الأجتماعي
تمام كده ذي ما حصل مع معلمه المنصوره
وهي في رحله علي مركب في النيل وبترقص
مع تلاميذها وزمايلها
ونقول المعلمه الرقاصه
هل هي ليست أنسانه
ولما أحاسبها أحاسبها علي رحله واجازه هي فيها
ولا أحاسبها من خلال عملها بداخل مدرستها
لماذا نتصيد للغير
أين نحن من حريه الغير ؟
أين نحن من الحريه الشخصيه ؟
هل أنت مع تلك المعلمه ؟
أم ضد ذلك التصرف؟
تحياتي للجميع

بحر القمر 01-05-2022 04:09 PM

اولا اهلا زسهلا وكرحبا بك اخي الكبير وبعودتك الجميله
ثانيا انا مع مقولة كل انسان حر طالما لا يضر
وبنفس الوقت لا بحب الرقص ولا تصوير حد بدون علمه
موضوع مهم جدا
تسلم ايديك اخي

حـيـــــآة ❤ 01-05-2022 05:42 PM

انا ضد الرقص قدام حد كدا
و معرفش قصة المعلمه الراقصه
لكن احنا شعب بيحب يهيص ف الهجايص ويعشق أنه يفضح ف بعضه

^^khL oUD 01-05-2022 06:40 PM

انا معرفش القصه بالظبط بس ميصحش برده تعمل كدا
قدام رجاله وطلبه المفروض هي ليهم قدوه
لكن ف العموم مش م حق حد فينا يحكم عليها ب اي حاجه
بالعربي يعن ميخصناش وهي ولا اول ولا اخر واحده تعك
العك دا .
ف بلاوي زي كدا واكتر كتير ومحدش عارف عنها حاجه

شاعر الحب الحزين 01-05-2022 10:01 PM

تصرفها غلط أكيد
يعني لما معلمة ترقص كده قدام الخلق
وتعمل حركات قذرة في رقصها يبقى الجاهلة تعمل إيه
عايزة ترقصي ارقصي في بيتك إنتي معلمة مش راقصة

اللي صورها وصل حقيقة الجهل اللي وصلناله
من ناس بيدعوا العلم والمعرفة والثقافة

أتمنى تتقبل وجهة نظري المتواضعة
وشكرا أخي الحبيب أمجد
موضوع قيم للنقاش
شكري وتقديري وامتناني ❤️

نجاة حسام 01-06-2022 01:18 AM

للاسف كلو بقا قاضى على غيرو وبس
رقصت او لا يخصها
معلمه بقا وزيره حتى
هى حره
رقصت مع اخ او زميل تربيتها سمحت بده مش يخصنا
اصلها مش هتدخل تعلم طفل يرقص ساعتها نبقى
نحاكمها
لكن فى اجازه مش من حق انسان يحاسبها غير اهلها
واللى صور انسان مريض او وحده الحقد ماليها
قبل ما نشوف عيوب واخطاء غيرنا
نحاسب نفسنا على اى حرف نقولو فى حق حد

العاشق الذى لم يتب 01-06-2022 10:00 PM

كل رقصة وانت طيب ياخويا
قول ياباسط تلاقيها هاصت
جمعتك مباركة

phalsteen 01-11-2022 09:53 PM

انا مش عارفه تتعاطف معاها لانها حقيقي صعبت عليا
ولا اقول انها فعلا غلطانه ومش لاقيه اي مبرر لدا
هي مكنتش بترقص في بيتها مثلا علشان اقول خد صور خصوصيتها
دي بترقص في مكان مكشوف
كمان وضعها كمدرسة ومربية اجيال وطريقه الرقص مع زمايلها الرجاله
حاجة مبتذله واستفزتني جدا
كمان موقف جوزها واحترامها لنفسها ومهنتها اولادها
بس مفترض يبقي العقاب جماعي للاساتذة الذكور كمان
هي غلطانه بدون شك
بس كمان كلهم غلطانيين
اللي شارك واللي صور واللي لحد دلوقت بيهاجم ومعين نفسه قاضي وجلاد

د. محمد الرمادي 01-12-2022 06:04 PM

المسألة في حقيقتها تنقسم إلى عدة نقاط:
1.] المجتمع:
1.1.] أظن أن المجتمع العربي مصاب بحالة تناقص سلوكي: بمعنى منذ الأربعينات وكلنا بنشوف "الكاريوكا" في أفلام البيض والأسود.. ثم جاءت سامية جمال ثم فيفي عبده .... وفي مجتمع وبيوت يدعي الجميع أنهم محافظون ومتمسكون بالقيم + العادات + التقاليد + العرف + نقفل الموضوع بقشور الدين.. هي حطه فوق رأسها منديل يعني متمسكه بدين ولا عرف وتقاليد....
المجتمعات المغلقة تعاني المُرْيين بين : -- إنفتاح النت وقبله السينما و -- بين عادات وتقاليد وقشور دين .. شوف حال كل منطقة الخليج منذ السنوات الآخيرة..
1. 2. ] مسألة التربية: موضوع محيرني !؟
1. 3.] ما فعلته : إما ساعة تجلي(!) وحظ وتفك عن نفسها في وسط مجتمع ضيق(المدرسة) وشاركها رجاله مدرسين وموش بواب المدرسة ..
فيه رجاله بتحب تبص وهناك (صاحب المقالة) بيمشي!
1. 4.] الثقافة العامة وتناقضات مكواتها وعناصرها ..
ده واحده من المجتمع المِصري.. من المنصورة دقهلية موش واحدة من حي الزمالك أو بلاج الإسكندرية.. وليست متفرنجة !!
فيه مشكلة بالمجتمع بالفعل.. خاصة الطبقة الوسطة: يعني لا تربية الخواجات وبتوع بلاد بره .. ولا تربية ابن البلد الأصيل..
1. 5. ] تصرف زوجها رماها في حطب القيل القال.. لن اصفه بأنه رجل.. الرجولة كانت من عندها تعرف أنه لا يرغب في مثل هذه الفلتة...
1. 6.] الحرية الشخصية وممارسة شيء ما في الحياة العامة ؛ والوسط الذي بتعيش فيه : زمايل.. طلاب..الخ...
1. 7.] مَن يتصيّد مثل تلك السقطات...
1. 8.] جريدة الشرق الأوسط اللندنية كتبت عن الموضوع وليس فقط الجرائد المِصرية!!!
اتوقف الأن عن الكتابة !
1. 3.]

rohnam2003 01-23-2022 08:41 PM

هي غلطانه لانها كانت في رحله تعتبر عمل او جزء من العمل والدليل معها الطلبه ...بكذا تصرفها محسوب كجزء من عملها

الرقص بحد ذاته بوقتها الخاص هي حره من غير اعلان لئن عملها وخصوصيته يفرض عليها انها تكون قدوه في عيون النشىء الجديد اللي هي تدرسهم
......


الساعة الآن 08:28 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w