الشبح
 

معرفش إن كنت هبقى مركز
وانا بكتب الكلام ده ولا لأ

أصل انا مبقتش انا

ع الحال ده كام سنة

من قبل ما اكتب

ازيك يا فرح ازيك يا هنا

ودي مش أسامي بنات

أنا مش بسأل غير عاللي هنا

أسأل عن مين بره

وحدة هتقول مسيطرة ووحدة متمكنة



مبقتش انا بس متقولش لحد

خليها تفضل سر مابيننا

مفيش حد يعرف حكايتي اللي بجد

انا وانت بس محدش تالتنا


بخلي الكبير يضحك
بنفس الطريقة
اللي بضحك فيها الصغير
ومحبش اخلي حد يبكي

والاقيني ع نفسي بضحك
ف نفس الدقيقة
ملامحي بتفضل والباقي يتغير
واتألم لو كان حد بيشكي


في الوجود بقيت مختفي

مش فاضل مني غير كلام

طول عمري بنصيبي مكتفي

بقول شكراً وحاضر وتمام



مبقتش انا بقيت شبح

من غدر الأحبة اندبح

بقى يسهر الليالي

ولا بيهمه صوت الكلب لو نبح

ولو ألف صوت عادي ما هو شبح

كل الحكاية إنه لما كان إنسان

معرفش يجرح ف انجرح

ومن كتر الجرح بقى شبح



ش ب ح

انت شخص جميل

ومحبوب

صاحب القلم والاحساس الجميل

تحياتي وتقديري لك

انت الأجمل بنقائك أخي الغالي أمجد
بعتز بحضورك وكلامك الطيب يا طيب القلب
سلمت والنبض الطيب أخي الحبيب أمجد
أسعدتني حضوراً وقولا
شكري وتقديري وامتناني ❤️

ربنا يسعد قلبك من تاني يارب ويراضيك ❤️

عيش حياتك واستمتع بيها اى كان وضعك فيها
تحياتى لقلمك الراقى اخى الغالى

تسلميلي وانتي كمان يا هاجر
ربنا يسعد قلبك ويوفقك
ويرضيكي ويراضيكي
ومن كل شر وسوء يحميكي ❤️
أسعدتيني بحضورك ودعواتك الطيبة
شكري وتقديري وامتناني 🌺

تسلملي أبو هيبة الغالي
وهو كذلك بنعيش ونحاول نستمتع بالحياة
تسلم لحضورك وكلامك المعنوي الجميل
أسعدتني حضوراً وقولا أخي الغالي مهيب
شكري وتقديري وامتناني ❤️

تحياتي لك خالد على ابداعاتك
المتناثرة في ارجاء المكان
تبهرني دائمآ بعطاءك

بعض مما عندكم يا أستاذتنا 😊
بفضل الله ثم بفضل تواجدك القيم روني
فهو دافع جميل للكتابة
أدام الله حضوراً يروي ظمأ الكلمات
سلمتي والنبض يا رقيقة النبض
أسعدتيني حضوراً وقولا روني
شكري وتقديري وامتناني 🌺

جميله جدا تسلم وربنا يصلح الحال ويوفقك