ليه مينفعش أقول ليه بترد على نفسك ف العنوان ولا بتسأل نفسك ليه جاية السطور وهتفهم كمان ليه مينفعش أقول ليه مش عايزة تيجي بس هجيبها 👆عن السطور بتكلم ولو إن دي اللي بتمنى ابقى حبيبها 👆 بتكلم عن قمر يا معلم متقولش ليه ولازم تنساها وتسيبها دي عايزة صاروخ فضائي وانا بطلع لها يادوب بالسلم حقها مش بقولك قمر ي معلم بحب يبقى للحب مكان حتى مابين سطور حزني بحب تيجي سيرتها ف أي كلام بحب اخد صورتها ف حضني ليه كل حاجة بتبتدي حلوة م تبقاش حلوة ف نهايتها عشان مكانتش حاجة حلوة بس انت غرك جمال روايتها الحاجات الحلوة بتفضل بالقوة نهايتها أجمل من بدايتها ليه بنحب اللي بعيد عنا عشان روحك هي اللي بتحبه ليه مش عايزين حد يقرب منا ما هو مش أي حد نرتاح ف قربه بس اللي بعيد القرب منه جنة لحد ما تقرب خليك قريب من قلبه ليه مينفعش أقول ليه كل سؤال جاوبتك عليه ليه جاوبتك معرفش ليه ضحكت عليا ي ابن الإيه وماله ي عم نضحك فيها إيه وهو انا اطول اشوف الحلوة ضحكت عنيه الحلوة عنيه ش . ح |
انت تستحق كل محبه وسعاده تمنياتي لك من الله ان تحقق ما تتمني يا صاحب القلم الجميل تحياتي وتقديري لك |
لو اني تهت شوية منك بس عايزة اقول ان في حاجات فعلا مينفعش نقولها وده مش هيمنع انك مبدع |
اقتباس:
وأنت أيضاً أخي الجميل ذو القلب النبيل تستحق كل خير وكل جميل أخي الغالي أمجد سلمت والنبض الطيب يا راقي الحضور أسعدتني حضوراً وقولا شكري وتقديري وامتناني ❤️ |
اقتباس:
عندك حق في حاجات مينفعش تتقال بتعيشنا ف حيرة ويفضل جوانا السؤال ليه مينفعش نقول كل شيء في البال مش جايز لو قلنا كلامنا يغير الحال!!! تسلمي ويسلم نبض قلبك الرقيق روني أسعدتيني بحضورك وكلامك المشجع شكري وتقديري وامتناني 🌺 |
الساعة الآن 10:01 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب