تعالى اقولك ..~
 

تعالى اقولك مينفعش ليه
اصل الحب بنعيش سنين ندور عليه
ولما نلاقيه بنعيش فيه
بندوب بكل مشاعرنا
معاه وبيه
انا كمان غير
اختلف عن الآخرين
بحب شوية بضمير
يا بخته اللي يقرب ليه
ويا حظه لو حبيته
اشفق عليه
عشان انا هقلب حياته
هينام يحلم بيا
وهو صاحي بيفكر فيا
معاه في كل ثانية
وملهوف عليا
طيب يا سيدي
ما بقول بلاش من الاول
عشان دي دايرة
لو دخلتها
الخروج ممنوع
لاني أخطبوط
مش ايد واحدة
اللي هتمسكك
هما ثمانيه يا بيه
قلي بقى هو ده الحال
حال حبي وحال الوصال
فكر كده هتقدر عليه
لا استنى قبل ما تجاوب
قلي بقى انت هتقدم لي ايه

تخاريف مسائية

Lamees
23/5/2022

الثقة مليون وانا احب السطور المليانة ثقة
وبعد الوصف والتعريف بتسأليه هيقدملك إيه

لو هيقدم إيه هيفضل مقصر
أكتر من أي حب لازم يحبك أكتر
يا بخته لو كنتي بخته ونصيبه المتقدر
يا ويله لو فكر يبعد هيرجع تاني مش هيقدر

كلمات قوية وإحساسك عالي فيها
روني مختلفة هنا بلون جديد وتنوع جميل جدا
أحببت الوصف حرفاً حرف والنزف بعزف
رائعة أنتي ومبدعة بكل ما تكتبين روني
سلمتي والنبض الرقيق
شكري وتقديري وامتناني 🌺

الثقه وما ادراكي ما الثقه

عندما تتحلي بها الانثي تاخذها معها الي عنان السماء

مع قلب محب ومعطي لمن يحب

احسنتي لميس التعبير

تحياتي وتقديري

الاختلاف مطلوب يا خالد
حاولت اكون متجددة عشان مواضيعي
متكنش بس نكد وكده فاهم طبعا

اشكرك خالد للمرور الذي يسعدني
تحيتي

احيانا الثقة الزيادة بتقلب غرور يا أمجد

يسعدني المرور والتواجد
تحيتي

كلمات جميله ومعبره تسلمي ويدوم وجودك الجميل

عجاني جدا لهجه الثقه هنا
كلماتك نالت اعجتبي ل ابعد حدود
لدرجه مفيش وصف هنا يليق
بالتوفيق ليكي دايما
ويا بختنا بوجودك بجد

حبيبتي وجودك وحده يكفيني
اسعدتيني بالمرور يا غالية

الله يكرمك والله يا اسلام
بشكرك على الثناء
والتواجد اخي
اسعدك الله