لقاح التقليه (الهبيد الكبير ) https://mrkzgulfup.com/uploads/165507604112091.jpg قاعده لا بيا ولا عليا بخرط الملوخيه ويدوب بدأت اعملها وبطش التقليه الريحه فاحت والشهقه سمعت جيراني في العاصمه الاداريه، الناس اتلموا وقالو الريحه دي إيه يااستاذه، قولتلهم لاتقلقوا ولكن احذروا🙋♀️، انا لقيت نفسي في موقف محرج مش معقول عالمه ذره زيي تكون بتعمل ملوخية بس هنقول ايه حكم القوي علي الوليه😊، وطلعت من الشباك لقيت الدنيا مقلوبه ومش لاقيه اللي يعدلها، قولتلهم أنا بحضر لقاح جدري القرود🙊 أيوه زي مابقولك كده، ومعرفش إزاي الخبر انتشر وأم فتكات قالت لام عدلات وزينات قالت لجملات، والخبر وصل لجهات عليا عالميه😳، وحضرت مؤتمر التجارب البشريه اكلمت فيه عن ابحاثي ودراساتي الجهنميه🤓، وجالي اتصال من جون بايدن عاوز يكون عنده احتكار للقاح(وسجلت المكالمه ياعمرو اديب عشان تبقا عارف) ،وبوتين حلف بالنووي وزعق وقال اللقاح ده يلزمني ياعاصمه مفهماش نووي🥴 ، بيني وبينكم لقيت ملايين مابيتعدو وعروض معملهاش زارا ولا ديفاكتو 😊، أنا احترت وفجأه توكتوك معدي وسمعت شيرين وهي بتقول مشربتش من نيلها، قولتلها مفيش غير بلدي أولى بالتقليه 😍ودلوقت احنا في مرحله تجهيز الجهاز وكتب الكتاب اللي هندخل بيه موسوعه أم حسن العالميه😎 #mena_hassan |
انتا بتقول ااااااااااايه 😂🤣 لا بس جامدة الهبدة الحقيقة 🤣 أول مرة م اصدقش كلامك 🤣 وده بيثبت إنك أديتي الدور بكفاءة عالية 😊 وده المطلوب في المسابقة.. برافو 👏 بالتوفيق يا منة وأتمنى تتقبلي مروري 🙂 كل الإحترام 🌺 |
التوكتوك معدي ف العاصمه الاداريه 🤣🤣🤣🤣🤣🤣🤣🤣 انتي بعد الهبدايه دي منى الشاذلي هاجري وراكي عشان تعملي معاها لقاء |
انا مش عارفه اهبد ازاي من بعدك يا ست المنافسه هتبقى صعببه 🤣 |
هبيده كبيره بالخل والليمون والتوم حلوه الهبدايه |
عليه العوض ف الملوخيه😂 |
الهبد لما يتعمق يخلي الملوخيه طائرات حربيه والطشه نووي علي تقليه وهي دي منه صاحبه الخبره المحنكه في الهبدات العسكريه عاش زميل الكفاح هبده بطشه بريحه التوم والملوخيه يسلمو |
هى هبدة عالمية فعلا تستحق ان ام حسن ذات نفسها تتعلم منها هههه تسلم ايدك منة وتدوم هبداتك |
بقا كده يا منة اطلب منك تعمليلي ملوخية عشان نفسي فيها تعمليها بالطشة النووية الحمد لله ان معدتي موزمبيقية لا تتأثر بالطشة النووية ولا حتى الهيدروجينية بأمانة هبدة من الاخر تسلم ايديك يا منة على طشة الملوخية لابد من الرد السريع والله المستعان تحياتى وودي وورودي أبو عصام |
اقتباس:
شكرا خالد نورتني |
الساعة الآن 10:19 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب