الوقت المناسب
 

بسم الله الرحمن الرحيم
فكرة إن يبقي عندك القدره علي إختيار الوقت المناسب لكل خطوة في حياتك، وقادر تنفذ الخطوة دي مش أمر سهل، ده محتاج وعي كافي وشجاعة واستعداد لتقبل النتايج لأي قرار بتاخدة، محتاج تفهم إمتى تاخد قرار وامتي تنفذه، وتعرف لو فشلت إزاي هتنسحب وتتعافي منه ، محتاج تعرف نفسك إزاي تكون متفاهم لظروف غيرك، والوقت المناسب اللي تكون حازم في ردودك، محتاج تقرأ كتير في علم النفس ومتسيبش نفسك لتكهنات تبني عليها قرارات ممكن تكون غلط نتيجه لانك فاهم غلط من الأول، حاجة كده شبه اللي بيركن عربيه محتاج يحس بالمكان ويعرف أبعاده كويس يا إما هيخبط عربيته، اهي عربيته دي شبه حياته ياتعرف تمشي فيها واعي وفاهم ياهتخبط وتتلغبط وقراراتك هتجبلك الخساير، كل ده لو عرفت من الأول تحدد الوقت والمكان المناسبين لكل فعل بتعمله، وحتي لو خسرت لازم تاخد وقتك في التعافي ومتحاولش تتحرك تاني إلا لما تكون قادر وإلا هتكون نص حاله لاعرفت تفضل علي حالتك ولا عارف تتفاعل مع اللي حواليك #mena_hassan

الايام دي ناس كتير واخده الحياه عافيه
اللي هو انا ليا مطلق الحريه ف اي تصرف
وفي اي وقت
مش مهم التصرف دا مناسب او الوقت دا مناسب
المهم نعمل اي حاجه ولا بنفكر في فعلنا دا
هيكون رده عند الناس ايه
تقريبا كدا محدش بقي فارق معاه حد
بقت الحياه فعلا لونها غامق

شكرا يا منه علي موضوعك
ومعلش خرجت بره الموضوع بس حسيت فعلا ان الموضوع متشاف كدا
ان محدش بيقدر ظروف حد

لا ابدا مخرجتش برا الفكره
لان فيه ناس واخدينها عافيه فعلا من غير تفكير
ومش بيحسبوا حساب لكلامهم وافعالهم ولا لمشاعر الغير
وده بيكون ليه خساير بعدين سواء انه بيخسرهم او بيخسر
حاجات في حياته مبتعوضش
شكرا اسلام علي تواجدك نورت مكانك

حسيت إن كلامك موجه لشخص أو أشخاص
أكتر ما هو فضفضة بس كلام درر بصراحة
لحد ما ييجي الوقت المناسب هنكون خسرنا
حاجات كتير من كرامتنا وعزة نفسنا وهنتعب
بس المهم هنكسب نفسنا في الوقت المناسب
وهيبقى رد الفعل أقوى وأكبر وأكتر حزم
بس ساعات بتبقى حلاوتها ف حماوتها
يعني الرد يبقى بنفس الوقت مينفعش يبقى ف وقت تاني

الله يعطيكي العافية منة
كلمات وتشابيه مناسبة للحالة
أحسنتي قولا منة
شكري وتقديري وامتناني 🌺

بعض المواقف مش محتاجة كل الوسوسة دي منا في قرارات وامور
التسرع فيها هو اسلم حل والوقت وقتها حيكون مناسب
انا عن نفسي باخد قرارات سريعة ومتسرعه في حياتي
بتكون احسن من الف قرار بتخطيط وابعاد والكلام دا
لازم الواحد يكون عنده تقبل لاي فشل وخطاء
لان دا الطبيعي فينا نخطيء ونصيب


موضيع قيم تسلمي منه

لا مش موجه لحد انا فعلا بقيت افكر كتير قبل اي قرار اخده
لان التسرع اذاني
ربنا يحفظك ويسعدك يارب

انا طبعا بتمنالك كل الخير وان قرارتك تكون صح
بس انا التسرع كانت عواقبه معايا مش كويسه
وقررت اني افكر الف مره قبل اي كلام او قرار
تسلمي ربنا يسعدك

أؤيد وبشدة الجزئية التي ذكرها أخي الخلوق إسلام في إن البعض ( آخذ الدنيا بالعافية)
-وأضيف على ذلك أن الطيش والتسرع والحماقة، وعدم التفكر في عواقب الأمور.. هما مايوديا بحياة صاحبهما اإلى الهاوية.
-وهناك قرارات تحتاج منا إلى الكثير من التأني والدرايةوالإلمام في جميع جوانبها- حين تكون مصيرية - بكل تأكيد.

-إنما هناك مواقف تحتاج منا الحزم والقوة دون أن نخسر فيها احترامنا لأنفسنا قبل احترامنا للآخرين، فيكون قرارنا فيها مكسبا لنا وخسارة لهم بكل تأكيد أيصا.

-فضفضة جميلة منك غاليتي منة
وجاءت في الوقت المناسب.
سلمك الله وسلمنا من كل مكروه.

حنقول ايه دواير مغلقه

التسرع في الكثير من القرارات وخصوصا القرار المصيري بيكون غير صائب

مش كل القرارات ذي بعضها

والنتيجه تكون متشابهه

فيه ناس بتتاني في اتخاذ القرار

وناس بتتسرع في اتخاذ القرار

والنتيجه اما النجاح او الفشل

المهم التعلم من الخطاء وتصحيحه

احسنتي منه التوضيح

تحياتي وتقديري

كلام سليم جدا
اتفق معاكي فيه 100 %
احسنتي منة