|
الناقد السينمائي (نهر الحب ) كلنا اكيد هنتفق اننا بننجذب للقصه الحلوة الحوار اللي يقدر يشدك للنهاية خصوصا لو القصه تتحس ، قريبه من المشاهد ممكن تتخيل نفسك بطل مشارك معاهم عكس بعض الحاجات اللي بتتعرض حاليا تحس انهم محال يكونوا شبهنا نرجع لموضوعنا كان في فيلم اسمه سيدة القصر كنت بحبه اوي اوي بس بصراحه من حبي فيه ملقتش ليه نقد :701: انا مقدرش اختلف في اي نقطه فيه فرجعت بفيلم نهر الحب الفيلم حلو جدا القصه للي مش عارف الفيلم بتحكي ان البطله اللي هي فاتن حمامه اتجوزت من سياسي كبير ، بعد كدة بقا وزير ، يكبرها سنا بسنين كتيرة حماية لأخوها من جبروت الراجل دا وتدور الاحداث لحد ما تقابل عمر الشريف وتحبه اها هتحبه لأنها ف الأساس مبتحبش جوزها وهتسيب ابنها بس عمر الشريف هيكون ظابط وهيستشهد وهترجع تاني تدور علي ابنها بس جوزها هيقولها انه قال لابنه ان مامته ماتت وبالتالي مبقاش ابدا ينفع ترجع وهتنتحر البطله اخر الفيلم انا محبتش قصه حب عمر الشريف وفاتن حمامه رغم أنها كانت في منتهي الرومانسيه وبصرف النظر ان كان في فجوه كبيرة في حياه البطله وجوزها يمكن علشان السن ويمكن علشان كمان اختلاف البيئات وكمان عي طلبت الانفصال اكتر من مرة بس جوزها كان رافض خوف طبعا علي منظره ووضعه بس ازاي ام ممكن حد يخيرها حتي لو الحد دا قاتل ومجرم ومعنديش قلب ببن حبها وابنها تختار حبها !!!!! ومتفكرش ترجع الا لما حبيبها يموت ! وجوزها مع اني متفقه انه وحش وصعب ولا يطاق بس ازاي راجل هيقبل ان مراته تقوله تنفصل علشان بتحب واحد غيره ! وهي دي مش خيانه ! بعض المشاعر افضل لها تموت علشان مشاعر تانية متتعوضش ويمكن النهاية كانت منطقيه رغم الظلم ! ولا انتوا ايه رأيكم !!!! |
فيلم سيده القصر انا شاهدته قبل كده قصته حلوه وجميله انما النهر الخالد ما شاهدته سابق قبل كده بس هو قصص الستينات والخمسينات داخل الافلام السينمائيه كانت قريبه الشبه من بعضها وشايفك حنتي للابيض والاسود ساره هي كانت افلام جميله وكويسه احسنتي التوضيح وبانتظار جميل مواضيعك |
اكيد قصص الافلام بيكون جميله سيده القصر فيلم جميل وقصته حلوه ونهر الحب قصته حلوه برضو بس بتختلف عن المشاهد كل واحد بتعجبه قصه وواحد مش بيعجبو حاجه خالص زمان كانت الافلام فيها قصص حلوه والواحد يقدر ينشد مع القصه دلوقتي الفيلم معروف كله ضرب ومسخره وقلة ادب وفي النهايه منعرفش الفيلم اي قصته تقبلي تحياتي لكي |
الفيلم قصته قاسيه جدا ومقتنعتش ان ام تضحي بابنها عشان حد والنهايه مؤلمه ويمكن ده فيلم خيالي ميحصلش في الواقع تسلمي حبيبتي |
رغم انى بحب فاتن حمامة الا ان الفيلم دا كل ما اسمعه اغضب منها لانها انانية من اجل اسعاد قلبها حطمت قلب ابنها اللي كان متعلق بها ويرى انها الملاذ له من قسوة وعجرفة والده بحزن جدا فى اخر مشهد وكنت اتمنى ان ينتهى بانه يعاقبها ويرجعها من اجل الطفل وان كان ذلك صعبا للغاية بسبب خيانتها ولكن اشفقت هنا على طفلها المتعلق بها بشدة |
بصراحة فيلم نهر الحب اسم الفيلم مش مناسب لأحداثه بطلة الفيلم ضحت بمشاعرها عشان تحمي أخوها وضحت بابنها عشان مشاعرها بصراحة الشخصيات ومكانتهم في الفيلم خلت الواقعية موجودة في الفيلم هي اتجوزت واحد مش بتحبه وأنجبت منه طفل باعتقادي هي دي الغلطة الأكبر للبطلة في الفيلم رغم إنها مش غلطة لكن هي بداية نهايتها والنهاية كانت مؤلمة وقاسية أنا شايف إنها ممكن تبقى قصة واقعية معاشة في زمننا ده توقعي أي حاجة حتى لو مش معقولة شيء جميل إنك رجعتي الفكرة عملتي جو جديد وشفنا آراء اخواتنا هنا الله يعطيكي العافية يارب سارة وفي انتظار جديدك ان شاءالله شكري وتقديري وامتناني 🌺 |
اختيار موفق منه شكرا لك |
| الساعة الآن 02:59 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب