|
لو كنت مكاني (الحلقه الأولـي السلام عليكم ورحمه الله وبركاته لو كنت مكاني حعرض فيها مجموعه مشاكل حصلت قبل كده وأنتظر الحل من حضراتكم لو كنت مكاني (واحد) كنت بشتغل داخل شركه أستيراد وتصدير وبعد فتره أنضمت لينا زميله جديده داخل قسم المبيعات جمعنا العمل داخل قسم واحد وبحكم العمل حصل بينا كلام وأختلاط؛ ومع مرور الوقت كنا بنتشاور في أمور العمل وحركه السوق والعملاء ومع مرور الأيام والشهور حصل بينا تقارب عاطفي وعقلي من دون ما نبوح لبعض ولكن؟العيون كانت بتعبر ومع الأيام تجرائت وصارحتها بحبي وهي بالمثل أيضا صارحتني وتعاهدنا علي الأرتباط وعرفتها ظروفي وقدرتها هي كانت وحيده وابوها وأمها متوفيين وعايشه مع جدتها ...وعمها هو المتحكم والمسيطر علي كل شيء لأن أبوها رحمه الله عليه كان سايب ليها أملاك وعمها هو الوصي عليها .. فعمها ما كان حابب أنها تختار من تحب ولكنه ؟أختار ليها شخص وفرضه عليها ؛؛بحكم أن أبوه شريك معاه في التجاره .. وردخت فعلا لعمها وتم الزفاف لمن أختاره عمها ,, وتركت من تحب يصارع لوعه الفراق برغم تقدمه لعمها عده مرات وتم رفضه من أتجاهه.. وهي لا حيله لها أمام أمر واقع .. وبعد الزواج ومضي الأيام والسنوات تم الأنفصال عن الزوج بعد تجربه زواج لم يكتب لها النجاح وبعد وفاه عمها أيضا وعاده وهي مطلقه ولم تتم الواحد وعشرون عاما .. وبدل أن تقيم في المنزل اسست شركه تجاريه كان مجال نشاطها هو النشاط السابق وتمت زياره الشركه وهناك قابلت حبيبها السابق ومع المقابله دبت روح الحب الماضي بداخلها من دون أن تدري وهو في ذلك الوقت كان قد تزوج وأنجب أيضا كما حكي لها ؟ ولكن ؟حبه يشاغلها وهي تحاول التقرب منه مره أخري وهو يتهرب ويتحجج من اجل أولاده؟ ولكنها عرضت عليه العوده والزواج زوجه أخري له ؟ وهو في موقف محير ماذا يفعل ؟ هل يعود لحبه السابق ؟ أم يرفض؟ ولكن حنين حب الماضي يشاغله ؟ أخوتي وضعت المشكله أمامكم وأنتظر العلاج لذلك الموقف منكم ما هو الحل الأنسب لتلك المشكله؟ أحترامي للجميع |
قصه بتحصل كتير ومش من العدل انه يهدم بيته عشانها النصيب كان اقوي من حبهم وكل واحد شاف حياته يعني لو مكنتش انفصلت عن زوجها مكنتش رجعتله مينفعش يهد كل ده عشان يحقق حلم قديم محدش عارف هينجح ولا لا ويظلم زوجه ممكن تكون مقصرتش معاه وترفض التعدد لازم يبعد عنها ويشوف مصلحه اولاده فين لان ملهومش ذنب |
هى القصة يعنى مش داخلي مخي اوى ازاى اتطلقت بعد سنين زواج ومكملتش ال21 وهى كانت زميلة له فى العمل ليه كانت بتسشتغل وهى فى اعدادى وحبها :eh_s6::eh_s6: علي العموم انا مع رأى منة يقفل على الماضي ويهتم بحاضره ومستقبله مع زوجته وابناءه لان زوجته ليس لها ذنب فى فيما حدث سابقا وحرمانه من حبيبته |
الواقع فيه من القصص دى كتير بس رايى بلاش يهدم حياته و استقراره و يكمل مع زوجته اللى اختاراته زمان |
أنا شايف إن عمها يتحمل مسؤولية كبيرة مما حدث لها رغم إن الجواز نصيب ولازم يصيب قلب حبيب وقلب غريب وهي كانت بتستنى عمها يموت عشان تتطلق وترجع لحبيبها هي لسه صغيرة في السن ومعندهاش أولاد لو بيحبها وعايز يتجوزها يشاور مراته بأسلوب حلو ويحكيلها قصته معاها عشان الأولاد اللي عنده هو وقلبه وزوجته الحكم في القصة دي بس انا شايف إنه لو مقتدر يتجوزها ويستر عليها يا إما يبعد عنها خالص عشان خطوات الشيطان الله يسهل له ولو في نصيب هياخدها بس مش على حساب الأولاد ❤️ الله يعطيك العافية يارب أخي أمجد ❤️ |
اقتباس:
وطالما كل واحد عاش حياته يبقي يركز في حياته الي عايشها وينسي الماضي تحياتي لكي منه دمتي بخير |
اقتباس:
العمر كسعه تقديريه فداء معك حق بكلامك لازم ينسي الماضي ويعيش المستقبل مع زوجته واولاده اشكرك علي جميل مداخلتك فداء دمتي بخير |
اقتباس:
والصواب انه يظل مع بيته واسرته اشكر لكي جميل اهتمامك ايه وعوده طيبه لكي معانا |
اقتباس:
انه يشاور مراته ولكن انت عارف الستات والغيره تباعها اشكرك شاعرنا الجميل علي جميل مداخلتك تحياتي لك |
لو كان خير لبقي العشرة الطيبه تكسب الحب الصح يصون أهل بيته وينسي الاولي لانه لو كان حبها مكنش سبها الا لو مات فاي كان الحوار طالما محصلش نصيب يتقي ربنا في نصيبه بقا |
| الساعة الآن 07:40 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب