|
مفهوم الخصوصيه،،نقاش السلام عليكم ورحمة الله وبركاته الخصوصيه كلمه بس ليها ابعاد كتير بين الناس تشتمل اسرارك وفلوسك وموبايلك وعلاقاتك بأهلك واصداقائك وشغلك وبما ان الموبايل حاليا بقا صندوق اسرار واحيانا صندوق اسود😊 بسمع عن مشاكل كتير سببها باسورد الموبايل واصرار الزوجه او الزوج او حتي الام مع اولادها يعرفو باسورد الموبايل بل فيه ناس بتطلب يتعملهم نسخه بصمه قفله سؤالي هنا هل توافق او توافقي ان تدي باسورد موبايلك لشريك حياتك او لامك وابوك وكل اللي بيحبوك 😊 وهل رفضك حفاظا علي خصوصيه واسرار الناس اللي بتتكلم معاهم سواء اهلك او اخواتك واصداقائك ساعتها تحصل مشكله ويبقا انت بتعمل حاجه غلط؟ السؤال للطرفين وزي ماالرجل ليه خصوصيه الست كمان ليها يعني ممكن مراسلات بينها وبين صحبتها او اختها وصور رايحه وجايه هل ينفع زوجها يشوف الحاجات دي بدون اذنها وهل ينفع الزوجه تشوف موبايل زوجها بكل مافيه والي اي مدي بتكون الخصوصيه مع شريك الحياة |
موضوع جميل منه أنا مع أن الي عاوز يشوف الي عندي يشوف لأن مفيش شيء أخبيه الثقه مطلوبه ولكن في الوقت الحالي وما يروج علي النت الشك دخل قلوب كتير من الناس بسبب ما سمعو عنه برغم أنهم ما شافوه ولكن سمعو فقط ومع كتر أنتشار أخبار الخيانات والعلاقات الخفيه والسريه أصبح الشك سريع الدخول طالما أن شايف ان مفيش عندي شيء أخاف منه ومفيش عندي شيء أخبيه يبقي عادي لأن الفضول والشك وحش ولكن لست مع من يريد أن يري المحادثات والصور خصوصا بين الصحبات بعضها البعض مفيش اي ضرر لان لو تم الرفض حيدخل الشك والقلق ودول اكبر عوامل مشاكل العصر احسنتي منه التوضيح دمتي بخير |
هو انا عاملة باسورد وبصمة بس الحمد لله الباسورد كله عارفها هههه اصل معنديش حاجة اخاف منها طالما براعي ربنا في السر قبل العلن فليه اخاف لكن دا ما يمنعش انه فى خصوصيات وانا معاكي انه فى امور محدش بيحب ان احد يتطفل عليها لانه مش من حقه طالما واثق فى زوجته او اخته فمش من حقه انه يتعدى على خصوصياتهم |
الخصوصية خط أحمر وكل إنسان عنده خصوصيات بالنسبة ليا أنا معنديش حاجة اخبيها في التلفون القلب مساحته ٣٣ جيجا بخبي فيه كل حاجة 😅 معنديش خصوصيات ع تلفوني ف عادي لو الأهل شافوه بس أكيد مش بسلم تلفوني لحد غريب هنا بتكون الخصوصية خط أحمر إلا لو حد عايز يعمل مكالمة عادي موضوع حلو للنقاش والنقاش يطول فيه ربي يعطيكي العافية منة دائما ذات طرح قيم وواقعي شكري وتقديري وامتناني 🌺 |
اقتباس:
ولو حد ساب نفسه للشك مش هيخلث وهيخرب حياته تسلم امجد |
اقتباس:
واللي رايح والجاي يحط الفون قدام وشي يفتح وياخده معاه 😂 بحافظ علي الخصوصية ومحبش الشك ابدا وعادي لو خد يفتح الفون بس ميفتش في حاجات خاصه شكرا مروه نورتي |
اقتباس:
جميله الثقه في النفس وانك بتحافظ علي خصوصية غيرك ربنا يحفظك |
هي فعلا الحوار في الطرف التاني لو في شات بيني وبين اختي او بيني وبين اخويا مش متاح للزوج يشوفه احتراما ليا وليهم يمكن في اسرارهم هما مش متقبلينه يعرفها لو في ثقه مش هيكون في أزمة إنما في ناس مريضه يبقي مفهوم الحب عندهم انه يفتش في اي حاجة تخصك كأنك ملك بس لو الموضوع ثقه بين الطرفين انا عن نفسي عادي اسيب فوني مع أي حد |
اقتباس:
لكن ميفتش او تفتش ولا يشوف اسرار غيره شكرا حبيبتي نورتي |
موضوع جميل منه |
| الساعة الآن 11:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب