منتديات بنات مصر - الحلقه الثانيه من برنامج الحكايه ومعانا الرائعه ( فجر الاسلام )

السلام عليكم ورحمه الله وبركاته
اهلا بكل اعضاء المنتدي سعيد جداا بكل الاعضاء الموجدين والمبدعين داخل المنتدي
بشكر جداا الاخت لميس علي الحلقه السابقه حلقه جميله منك وبشكرك جدااا
النهارده تاني حلقات برنامج الحكايه معانا النهارده حلقه عضوه من انشط الاعضاء في المنتدي
بمجهودها وموضيعها واسلوبها وابداعها وخفه دمها
حلقه جديده من الابداع ومعانا
المبدعه

فجر الاسلام

هلا بيكي في البرنامج

عوزين نتعرف علي فجر في سطور قليله
اسمي فجر اتعودت عليه منكم
انسانه بسيطه جداا معنديش حاجه اقولها عن نفسي
ومبعرفش أقول أي الصراحه من المنيا من صعيد مصر
مقيمه في البيت ومعنديش شغلانه

فجر ترتبها اي بين أخواتها
انا اخر العنقود قال 😂

واي اللي بيميزها عن باقي أخواتها
عصبيه هم كلهم كده بس انا نرفوزه اوي

مين اقرب حد ليكي من اخواتك
اختي

علاقتك باخواتك علاقه حب وصداقه ولا سطحيه
يعني في كده وفي كده

فجر نقدر نقول عليها انسانه قويه ولا ضعيفه
علي حسب المواقف بس معظمها قويه

اسرارك ممكن تكون مع حد ولا بتخليها في قلبك
اومال قلبي اتخلق ليه 🙂

مين أقرب الناس لقلب فجر
جوزي

فجر مجوزه قريب وجوزها مسافر تحبي تقولي له أي وهوه بعيد
لا مش قريب انا بقالي سنتين
والله الدنيا وحشه اوي من غيره الايام حتي لو صعبه لما حد يكون جمبك يهونها

نفسك نسافري ولا تقعدي في مصر احلي
لا اسافر انا اخدت اي من مصر اصلا

اي الحلم اللي حلمتي بيه وعوزاه يتحقق
مابحبش اتكلم علي احلامي عشان تتحق 😂

ما هى الصفه التى لا تستطيعى تغيرها فى نفسك
اني اسكت علي حاجه مش عاجباني لازم اعترض😁

ماذا تفتقدين فى حياتك
افتقد الاحساس بالامان الدنيا مالهاش امان

فجر اي علاقتها بمطبخ علاقه سطحيه ولا عميقه
عاديه مش بحبه بس بعرف اطبخ بطبخ غصب يعني 😢

اي أفضل الأكلات اللي مفضله ليكي
مكرونه بشاميل والباميا وملوخيه

اتعرفتي على زوجك الحالي ازاي ؟
جواز عادي زي مابيقولو صالونات

وايه اللي جذبك ليه ؟
سيرته انا وافقت عليه من غير ما اشوفه😂

ويا ترى اتجوزتوا عن حب ولا جواز تقليدي ؟
اكيد حبيته والا ماكونتش اتجوزته

احكي لينا موقف حصل معاكي أثناء الخطوبه ومش قادره تنسيه
انا خطوبتي كان هو ف بلد وانا ف بلد مواقف ما افتكرش

كيف تتعاملين مع المشاكل الزوجيه
بسكت لو هو معصب بعد ما نهدي بنتكلم بالراحه
والحمد لله متفاهمين ربنا مايجيب مشاكل

وسبتي البيت كام مره
الله 😂بقولك بيسافر
انا سبته وانا عيانه بس غير كده ولا مره

امته دخلت منتدي بنات مصر وكنت في منتديات تانيه ولا لا
من ٢٠١٦ لا ماكونتش مسجله ف مكان

ليه اخترتي الاسم ده علشان تسجلي بيه
بحبه اوي

عرفتي المنتدي ازاي واي اللي شدك تسجل فيه
مش فاكره 😁

اي اكتر الاقسام المحببه لقلبك في المنتدي
الصفحات والشعر العاميه

اول قسم كنتي مشرفه عليه واي اللي عجبك في القسم
قسم الصفحات هادى وبحب اقعد فيه

مين اكتر الاعضاء بتشوفي موضعهم دايما في المنتدي
احساسي صحيح وشاعر الحب من زمان بحب اقرالهم مواضيعهم جميله وسهله

اي الفرق بين المنتدي ده واي منتدي تاني
مدخلتش ف منتديات بس انا بحبه جدا من غير سبب

هتكوني متوجده بصفه مستمره ولا هتغبي
اكيد هغيب 😎

المنتدي بيمثل اي لفجر هوه مجرد تسالي ولا حاجه تانيه
مكان برتاح فيه نفسيا وبطلع كل اللي عوزه اقوله

مين اقرب الاعضاء لقلبك هنا اختاري باسماء
حياه

مين اللي نفسك يرجع المنتدي تاني ويفضل علطول
نس كتيره كانت موجوده زمان

فرق بين فجرفي المنتدي وخارج المنتدي
مايفرقوش كتير عن بعض انا هنا بتخانق وهناك بتخانق😂

قولي لينا المنتدي ناقص أي علشان يرجع زي الأول
ناقص كلهم يرجعو ويكتبو ويحبو بعض وينسو اللي فات

أي الفرق بين المراقب والعضو العادي
ولا اي فرق غير اني ممكن اعملك حظر حالا 😂
كلي عيش في المنتدي والنبي

عوزين منك نصيحه لاعضاء المنتدي
قرب احلامك بالدعاء
الدعاء معجزاته كتير
ماتخافوش من اي حد خلقه ربنا
حبو الخير لبعض 🙂
وشكراصدعتني

انتي اصلا مصدعه علطول

تقبلو تحياتي