الغلاف الجوي
 

ف جوك عيش

وسيبني أعيش جوي

م تبوظليش

الغلاف الجوي




أنا ميت في قلبي ألف حي

ومفيش باسمي شارع ولا حي

متبوظليش غلافي الجوي ي خي




بتتكلم في كلام ملوش لزمة

خنقتني هيجيلي بسببك أزمة

تعالا هنا يا واد

عمك عايز يمشي جيبله الجزمة

مش بطردك وف سري بقول

ياريتك لو تفهمها بعكس الكلمة

باقت صبري عليك خلصت

ومعييش اجدد من تاني الحزمة

غلافي الجوي عايزك تسكت

يا تمشي يا تسكت متتكلمش ولا كلمة

أصل كلامك تافه ملوش أي ستين لزمة




عيش جوك وسيبني أعيش جوي

يا تيجي تعيش معايا في جوي

بس ما تعيشنيش في جوك

أرجوك متبوظليش الغلاف الجوي




ش . ح

هههههه والله الغلاف الجوى اصلا بايظ بلاش تظلموه بقا
جميل كما العاده خالد
ربنا يسعدك

هههه لا حلوة

خليه يعيش فى غلافها الجوى وميصدعهاش بقا



يدوم نبضك الجميل اخى شاعر

بعتو ناسا

تشوف ايه الي حصل


في الغلاف الجوي

احسنت شاعرنا الجميل

تحياتي وتقديري لك

بجد جميله اوي عجبني المصطلح ده عبقري ياخالد

هههههه عندك حق هو باظ فعلاً هههههه

تسلمي ويسلم نبض قلبك الطيب نجاة
الأجمل حضورك وكلامك اللي زادوها جمال
أسعدتيني حضوراً وقولا نجاة
شكري وتقديري وامتناني 🌺

ما هو ده اللي بقولهوله
إنه يطلع من دماغي هههههه

الأحلى حضورك وضحكتك ربنا يديمهم يارب
تسلمي ويسلم نبض قلبك أختي العزيزة مروة
أسعدتيني حضوراً وقولا فداااء
شكري وتقديري وامتناني 🌺

هههههه محدش جاني من ناسا هههههه

أحسن الله إليك أبو المجد الحبيب
سلمت وسلم نبض قلبك الطيب
أسعدتني حضوراً وقولا أخي الغالي أمجد
شكري وتقديري وامتناني ❤️

ده من ذوقك الجميل منة
أبهجني كلامك وحضورك
تسلمي ويسلم نبض قلبك الطيب
أسعدتيني حضوراً وقولا شمس المنتدى
شكري وتقديري وامتناني 🌺

استغفر الله العظيم