|
حلقه جديده من برنامج الحكايه مع المتالق ( ساحر الاحزان ) السلام عليكم ورحمه الله وبرماته اهلا بكل اعضاء المنتدي الكرام حلقه جديده من برنامج الحكايه مع ضيف مميز جدااا ومبدع غير احترامه واخلاقه اللي مفيش حد يختلف عليه معانا ومعاكم من بلد الكرم والطيبين ملك المنتدي ومدير المنتدي ساحر الاحزان هلا بيك في البرنامج عوزين نتعرف عليك في سطور قليله الاسم والمحافظه والمؤهل وحاجات تانيه أتكلم برحتك امجد محمود حجازي محافظه الاسماعليه والشرقيه الاقامه متداوله بين الطرفين حسب الظروف الاسريه والعمليه المؤهل معهد سياحه وفنادق انسان بسيط بحب الهدوء بحب التعارف بحب التعامل بلطف لا احب الغرور او التعالي مين الأشخاص اللي تقدر تثق فيهم في حياتك كانت أمي رحمه الله عليها ما اكثر شئ يزعجك بحياتك؟ الكدب والنفاق وما الشى الذى يشعرك بالسعاده؟ التضامن والمحبه ليه دايما غامض في حياتك مش حكايه غموض بقدر أنها بتكون خصوصيه بينك وبين ربك قراراتك بتخدها من نفسك ولا بتشارك حد فيها لو قرار مهم ومصيري بشارك فيه الغير ولو قرار حيكون غير مضر مش فارق وقتها أي القرار اللي اخدته في حياتك وندمت عليه كنت حابب ادخل مجال عمل وبعدين ما حصل نصيب ما هيه اصعب المواقف اللي مريت بيها في حياتك فراق الأحبه فراق أبدي الحياه اسرار ما السر اللي موجود في حياتك هو لسه فيه أسرار محمد الفيس بقي ملعب مفتوح للجميع والي بيلعب بيلعب الكداب والصادق وجميع الصفات حتشوفها جواه أي طموحك في المستقبل القريب أحج ألي بيت الله ليه قررت تنزل مصر وتفضل فيها علطول هو النزول لمصر كان قرار وكنت متوقع نتيجته والامور عدت تمام الحمد لله الغربه بتمثل أي في حياتك الغربه البعد عن الوطن وعن الاهل والاصدقاء واين كان المقابل فهو بسيط اين كان أي علاقتك بافراد عائلتك صداقه ولا سطحيه علاقتي ممتازه الحمد لله لأني أصغر أخواتي فليه مكانه حلوه في قلوبهم اي الحلم اللي حلمت بيه وعوزاه يتحقق هما حلمين مش حلم واحد اول حلم أكون شراكه لشركه أداره أعمال عقارات ومباني وتشطيبات أن شاء الله تاني حلم تعويم الجنيه يتلغي ويعود الوضع ألي ما كان قبل التعويم ما هى الصفه التى لا تستطيع تغيرها فى نفسك الثقه الزياده في الغير ماذا تفتقد فى حياتك أبي وأمي لو قولتلك خد قرار دلوقتي هيغير حياتك أي هيكون القرار صعب تاخد قرار مصيري علي عجل من نفسك المال بنسبالك هوه السعاده ولا السعاده أي بنسبالك المال وسيله للسعاده وليس غايه علي حد علمي انك لسه مش دخلت حياتك الزوجيه لا خلاص اتجوزت وتدبست واتعلقت من قفايه اقلك ايه تاني وانا بنصحك خليك بعيد عنها بعد ايه بقي حبيب قولي أي موضفات فتاه احلامك الي يقلك موصفات بيضحك عليك بيتدبس تدبيسه من الاخر سيبها للنصيب امته حتاخد القرار وهتجوز خلاص خدته والي كان كان حبيت كام بنت في المنتدي هنا قولي مش أقول لحد حبيتهم كلهم بس حب أخوي امته دخلت منتدي بنات مصر 30/6/2010 عرفت المنتدي ازاي وايه اللي شدك تسجل فيه كنت مسجل بمنتدي أردني كنت بتصفح بدور علي منتدي مصر قابلني منتدي بنات مصر سجلت فيه والي اليوم وأنا متواجد داخله اي اكتر الاقسام المحببه لقلبك في المنتدي الاقلام واليوميات والابداعات مين اكتر الاعضاء بتشوف موضعهم دايما في المنتدي كنت بتابع طارق عباس وقلم بلا حبر وقلم ومرشو وحاليا فيه اقلام مميزه نغم الشام وقيثاره الصمت ولميس وحبيب ورضا التركي وشاعر الحب ودمعه حائره وابتسامه القمه واحساسي صحيح ودموع الصمت وايه حكايه والبيج بوس وساره ام حمني وفرح وبحر القمر وفناء ومهيب الركن وطبيب الهوي وزنبقه تنادي ربها وبيلي واحمد 22 وبحر القمر وفجر الاسلام وامير عسكر وبيلي ود عبدالله والعاشق الذي لم يتب وحياه وكمان عاد بعد غياب زنبقه تناجي ربها وثلاثي المنتدي عاشقه الهدوء وروكه والأميره رودي ومعذره أن سقط مني أسمء سهوا هتكون متوجد بصفه مستمره والفتره دي بس ان شاء الله طول ما الامور متاحه حكون متواجد ان شاء الله شايف وجود لمار في الاداره وغيابها الكتير ضار المنتدي اكيد غياب لمار اثر بشكل سلبي علي المنتدي لانها تركت فراغ كبير داخل المنتدي ليه وافقت تمسك اداره وهوه كان في المستوي ده مش حقلك اني طرزان واعمل الفسيخ شربات كنت عامل مسابقه من شهر 9/2021 ظل التزويد معلق لحد لما أنا ذودت لما مسكت الأداره ومشاركات تانيه محتاجه اداري يبص ليها وكان كل شويه مفيش اداره للمكان وده أثر بشكل كامل علي المتواجدين أو ألي عاوز يسجل فعرفت أن المنتدي بحاجه لأبنائه بقدر أحتياجهم ليه كان تحدي كبير هل نجحت فيه ولا لسه باقي شويه أنا بجتهد وبعمل ألي ربنا يقدرني عليه والحكم متروك ليك أنت والاعضاء المتواجده داخل المكان. ليه مش بتتكلم مع هيثم انه يدخل المنتدي ويشارك؟ هيثم من زمان ظروفه بتمنعه عن المشاركه المستمره داخل المنتدي ولما يكون فيه عنده وقت بيفتح وبعدها بشويه بيسجل خروج قولينا عضو ممكن يمسك معاك الاداره ويكون قدها ومش مسك قبل كده ولا المنتدي لهيثم ومحمود كامل مجرد بزنس في الوقت الحالي ارشحك واد حبيب وشاعر الحب الحزين و فجر الاسلام وفداء للاداره مع احترامي للاخرين ... شايف فترتك انت ودمعه افضل فتره نشاط في المنتدي كانت فتره طارق أقوي وأنشط لما كان معاه حنون وميشو وأرجوان وبعدها دويس وجيت أنا ودمعه حائره فيما بعد للمحافظه علي النشاط داخل المنتدي يعني بنكمل رحله العطاء داخل المنتدي ؟وبنكمل ما سبقنا به الأولون أنما هيثم ومحمود محمود كان له دور فني وأيجابي داخل المنتدي وهيثم للفنيات والمتابعه وظروفهم حاليا تمنع تواجدهم المستمر ؟ ساحر قادر علي استعاد المنتدي الذهبيه واي المطلوب لكده أقلك أهه بضحك عليك ؟لازم التكاتف والمساعده من الجميع مش افتح المنتدي وخلاص لازم يكون فيه مشاركه أيجابيه من الجميع ... منين من الأعضاء شايفه مظلوم في المكان ده ومش واخد حقه انت محمد فين من المراقبه والاداره وشاعر الحب الحزين وكان مرشو والبيج بوس وساره ام حمني وقت ما كان المنتدي نشيط فين أنتم من الترقي الأداري داخل المنتدي طول السنين الي فاتت دي ؟ قولنا أي المطلوب من الأعضاء المحظورين علشان يرجعو تاني أي عضو محظور باب المنتدي مفتوح ليه نحن في حاله تصالح مع النفس المنتدي بيمثلك اي هوه مجرد تسالي ولا حاجه تانيه يعني المنتدي من 30/6/2010 كان مجرد تسالي حبيب الملايين اظن فيه عشره سنين مع المنتدي مين اقرب الاعضاء لقلبك هنا اختار باسماء طارق عباس دمعه حائره كبرياء رجل احمد ماجيك وكل الأعضاء أقدرهم وأحترمهم مين اللي نفسك يرجع المنتدي تاني ويفضل علطول قلم بلا حبر ومرشو أي القرار اللي تاخده دلوقتي علشان كل الأعضاء ترجع حسلم نفسي للأنتربول عشان ترجعو من تاني للمنتدي لو فيه شيء عندك قوله وأن شاء الله أنفذه مين العضو اللي تقدر تقول عليه سبب في نجاح المنتدي النجاح وسيله جماعيه ومنظومه متكامله بين الأداره وبين الأعضاء مفيش عنصر بينجح لوحده لازم تكمله جماعيه ... علاقتك أي باعضاء المنتدي الحمد لله كويسه مع الجميع قولنا مين العضو المحظور انك مستحيل تفك الحظر عنه وباسم للاسف لم يحضرني أسماء حاليا عوزين منك نصيحه لاعضاء المنتدي نجاح المنتدي مرهون بأعضائه لأن النجاح يحتاج جهد وتوفيق أن تواجدا تم النجاح ده اخر سؤال وجه كلمه لواد حبيب واد حبيب رمز من رموز المنتدي استقبلني يوم ما دخلت المنتدي ومتابع مستمر للمنتدي وصاحب مجهود عالي داخل المنتدي أشكرك محمد علي مجهودك وهو ليس بغريب عنك وأرجو أني أكون ضيف خفيف الظل علي الأخوه الأعضاء سعيد جدااا بتوجدك ياغالي في الحلقه المتميزه دي تفبل تحياتي |
الله الله ياسيدى احلى حلقه بجد تسلم ياويكا بس على فكره توقعت ان يكون ساحر امجد ربنا يسعدك ديما ويوفقك وتحقق احلامك وتفضل منور المنتدا |
حكاية ويكا دى عجبتنى اوى يسلام لازم اشكر البنت اللى اسمها نجاة اصدى دموع الصمت وكمان اشكرك ياابو اياد فيك الخير وربنا يكترمن امثالك أخوى الغالى امجد ابن الاسمعالية الجميلة والشرقية الاصيلة ونعم هو الانسان والاخ الفاضل للجميع ربنا يوفقك امجد والله كم فرحت وسعدت كتير لماشوفتك بالبدلة الحمرا ربنا يبعد عنك ضررها يااخويا خلتنى ابعت تلغراف بالحضور ضرورى لبنات مصر وبحاول بكل قوتى ارفع الحواجز والموانع وربنا يقدرنا كل التوفيق للجميع وكل سنة وانتم طيبين بمناسبة 6اكتوبر ومولد خير البرية سيدنا محمد صلى الله عليه وسلم |
استضافة عنوانها الهدوء والاحترام المنطقية الواقعية الامل والكتف الذي لا يميل داخل المنتدى شكرا محمد عالاستضافة وادبك واسلوبك في التقديم والحوار … |
حوار جميل والأسئلة شامله ومتنوعه نواحي كتير أمجد الأخ الخلوق والصديق الوفي انسان لايختلف عليه اتنين قدر يكسب احترام وحب الجميع بحييك على الحكمه والهدوء والتسامح اللي بتتحلي بيهم شخصيتك ربنا يوفقك وتحقق كل اللي بتحلم بيه واكتر منورين وشكرا يامحمد على الاستضافة |
الجميل اللي معدنه أصيل أبو قلب طيب وبال طويل أبو المجد حبيب الشعب ده مهما قلت ف حقه قليل ده اللين الحنين ابن النيل استضافة جميلة لشخصية راقية جدا أمجد الغالي أسعدتني بذكرك اسمي هنا أعتز أنني أحد أفراد هذا المكان برفقتك ورفقة الجميع وان شاءالله القادم أفضل لنا وللمكان أبو إياد يعطيك العافية يارب وفي انتظار الضيف القادم بإذن الله تعالى شكري وتقديري وامتناني ❤️ |
ساحر طول عمره مميز و حقيقى حوار راقى جدا تسلم ايدك و فى انتظار كل جديد |
اقتباس:
واشكر ويكا حبيب الملايين |
اقتباس:
الموضوع شرفتني بداخله يا حج طول عمرك ذوق ووحشنا مواضيعك الحلوه عاوزين شويه منها في كل الاقسام سلمت وانرت رفعت وسعدت بجميل تواجدك الثري تحياتي لك |
اقتباس:
وحسن تشجيعك اسعد به ونتمني ان نري مواضيعك القيمه في اقرب وقت اشكرك فرح علي طيب تواجدك دمتي بخير |
| الساعة الآن 11:23 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب