مستكه وحبهان ازيكم يا جماعه بينما انا جالسة على شاطئ البحر فى مرسي مطروح اتأمل زرقة المياه والسماء الصافيه فوجئت بواحده ست شكلها زى العرب ووقفت قدامى وقالتلى لازم اقرا لك الودع قلتلها يا خاله مش بقتنع بالحاجات دى قالتلى تعالى بس مش تخافى ياشابه قلت انا وقعت ف ايد ريا وسكينه مستخبيه ولا اى. الموهم ضربت الودع كده وقالتلى اسمعى فى واحد عفريت سفريت حاطط عينو عليكى. بيراقبك فى كل مكان وراصد تحركاتك وكلامك. قلتلها شكلو اى ياخاله قالت هو اسمرانى اللون وشعره مجعد حبتين وسنانه خارجه لبره شوى بس دمو خفيف قلتلها يالهوى كملت وقالت عنده قيراط ارض بيزرعه شعريه وهيحيبلك كردان وخلخال قلتلها اى الحاجات دى بتتاكل ولا تتشرب قالتلى هو شاريكى. قلتلها اسمو اى قالت حبهان وسبب حبه ليكى ان اسمك مستكه. قلتلها هار اسود انا مسك قالتلى غيريه عشان مش يرجع ف كلامه. قلتلها بالسلامه لقيتها قامت قايمه وجايبانى من شعرى وقالتلى انا واخده منه جوز جنيهات عشان امشى الجوازه وانتى تقوليلى بالسلامه. قمت لقيت الزغاريط فى كل حته وقالولى ربنا يتمم بخير الواد حبهان مجدع وجاب لنا لب وسودانى وحمص وحاجه ساقعه. يلا باركولى. |
مستكة وحبهان تصدقي لايقين على بعض :a_019: ١٠٠٠ مبروووك ليكي يا مستكة والله يكون في عونك يا حبهان أكيد زعلت أمك ودعت عليك :708: المهم فين التورتة والجاتوه :144: ولا جوازة بجوز جينهات وشوية لب وخلاص ويا بختك بشبكتك يا مستكة خلخال صفيح توحفة فنية قديمة :708: حلوة الخزعبلاية يا مسك مرسى مطروح برد دلوقتي وحبهان آثار البرد صح :708: تحياتي وودي وورودي أبو عصام |
طلعي بطاقتك بسرعة يا ست مستكة هههههه انتي لا يمكن تكوني جديدة هههههه ماشاءالله عليكي سريعة العشرة وقدرتي تسيبي بصمة جميلة في وقت قصير خلتينا نحس اننا عارفينك من زمان حلوة الخزعبلاية والفكرة يا مسك وقدرتي ترسمي البسمة في القلب عايزين من ده تاني وألف مبروك سلف شاي أم حسن بقى للمعازيم منورة المكان |
زعلانه إني بقولك يا ماسك ، دا أنتي طلعتي ألف ماسك لا يا مستكه الف مبروك لحبان المجدع ههههههههه جميلة والخزعبلية فكرتها لذيذة أيو طلعي المواهب المدفونة دي خمس نجوم ***** يا مستكه |
شكرا جدا جدا |
لا عنوان جميل والمستكه والحبهان من يوم ما عرفنا الاسامي نسمع عنهم وانهم مع بعض مستكه وحبهان احسنتي مسك وقلمك متغير وجميل تحياتي وتقديري |
مبروك عليكى جبهات ي مستكهة و إن شاء الله تجيب لنا فلفل وكمون خزعبلاية جميلة مسك |
اقتباس:
وانا دعيت عليه يقع فى حلة شوربه ميطلعش نورتنا كتير استاذنا وانت اول المعازيم |
اقتباس:
البطاقه اهى بس لازم اغيرها الاول عشان بقيت مدام الكبير حبهان ومالو خلى الشاى ع حسابى والجاتو كمان نورتنا شاعرنا |
اقتباس:
امير انت لك افكار عدوانيه ههههههه ممكن تفجرلى الفرح نورتنا كتير |
الساعة الآن 12:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب