السـؤال السلام عليكم ورحمه الله وبركاته في أطار الحياه الأجتماعي ومع مفاهيم الحياه الي تغيرت وأصبحت الأيام بتجري بينا بلا هواده ومع أنتشار التليفونات ورخص الدقائق والأنترنت .. ذهبت أشياء كتير مهمه في حياتنا كانت بتعطينا أوكسير الحياه .. الي بيرجعنا وبيرجع بينا للود المفقود حاليا والدفيء ألي بنبحث عنه .. فيه شيء مهم جدا الشيء ده له قيمه كبيره جدا برغم أنه شيء,, ليس بالصعب ولا يحتاج كتير من الوقت الشيء الغايب عنا ده .. هو (السؤال) والأطمئنان كلمه واحده بمعناها ولكنها كلمه تحوي الكثير ليه السؤال قل بينا هنا داخل المنتدي.. والحاضر حاضر والغايب غايب ؟ ليه مش بنسأل علي بعض ولا بنطمن علي بعض .. هو المعرفه كانت داخل المنتدي بس ؟ ولما أنتهت خلاص محدش عارف حد ولا بيسأل علي حد أنا شفت ملفات كتير جدا أصحابها من سنين ما حد دخل فيهم وبرضه للأسف من وقت ما غابو ما حد سأل عنهم ... ليه الجفاء ده وليه الهجر ده وليه النسيان ده .. السؤال مهم في حياتنا له مفعول السحر لما عضو غايب ويدخل زئر يشوف مين بعت ليه رسايل يمكن أنا وأنا بتجول داخل الملفات فيه ملفات صفحات للأعضاء كنت بلاقيها مقفوله لرسايل الزوار.. كنت بخش جوه الملفات دي وأفتحها وأطمن علي أصحابها وأسيب الملف مفتوح ... صاحب الملف المقفول مش حيشوف مين أطمن عليه بعكس الرسائل الظاهره لصاحب الملف لما يخش ويشوف أنه مذكور ما أنتسي حتفرق معاه من الحاضر للغايب ,, الأهمال كان سبب في الجفاء وقله السؤال ,, يمكن الموضوع مش داخل المنتدي بس ولكن ؟ أيضا بره المنتدي داخل الحياه ألي بنعشها مع أفتقاد الأباء السؤال والأطمئنان من الأبناء .. داخل رباط الأسره الواحده التباعد بين الأخوات بين الأقارب بين الأصدقاء بين أصدقاء المكان داخل العمل ألي شغال معنا حبيبنا وبعد ما يمشي ننساه.. السؤال مطلوب حتي مهما تشغلنا الحياه تذكر السؤال قبل فوات الأوان الأخ وأخواته والأبناء السؤال للأباء وصله الأرحام المقطوعه تمنياتي لكم بعدم قطع الصله والسؤال دائما وعدم الأهمال للغير تقاربو تحابو دمتم سالمين |
أكيد معرفش كل الغايبين بس ياريت يرجعوا ولو يوم كل شهر |
كلام محترم اتفق معاك اخي العزيز دمت سالم واتمني الجميع يتواجد والسؤال ع الجميع تحية تليق بك أخي |
طبعا السؤال عن بعضنا حاجه جميله وقيمه كبيره ف حياتنا عموما تسلم مديرنا ع الموضوع الرائع ده |
السؤال عن الغائب والدعوة له كبيرة عند الله سبحانه وتعالى وأجرهم عظيم أخي الحبيب أمجد أتفق معك في كل ما ذكرت وأتمنى أن يعود الحب والمودة بيننا من جديد تحياتي وودي وورودي أبو عصام |
والله كلام جميل ومعقول انا لااحب حكاية قفلا الملف واظنك تفتكر زمان لما كان فيه خاصية الدخول المخفى وطلبت منك الغاء هذه الخاصية وفعلا انت تكرمت ولغيت الخصية دى ومعرفش ايه السر ان العضو يخش مخفى هو كان حرامى ولاناوى يسرق مين وليه قفل الملف المهم ربنا يصلح الاحوال ويرجع كل غايب سالم تحياتى |
فيك الخير والله مديرنا وديما بتسال على الكل ده فى حدذاته له ثواب كبير عند ربنا كلنا بنفرح بالسؤال والاطمئنان ياريت كلنا زى مابنحب ان يكون حد فاكرنا نفكر بكل اللى عرفناهم هنا ونسال عنهم ان شاء الله يكونو بخير مفتقدين وجودهم كتير |
اشكركم اخوتي الكرام وان شاء الله تظل الروح الجميله متواجده بداخلنا ولا تغيب عنا |
فعـلـأأ والله أأصبح في جفـااء وبـُعد بين الاصحاب والاهل بسبب زيادة طرق التواصل ودة امتد ووصل لحد البيوت وبين الراجل وزوجتة والاخوات وبعضها موضوع طويل ومحتاج كلام كتيييييير جدا وعلاجات كتييييرة ايضا احسنت اخي الكريمـ على طرحكـ |
شكرا لك على الموضوع |
الساعة الآن 02:22 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب