ليلة خروج البرازيل من كاس العالم السلام عليكم هايات كتيره انا بقن ايه غاويه كوره جدا وبتابع معظم الماتشات فى كاس العالم. ويوم ماتش البرازيل وكرواتيا كنت متوقعه نتيجة الماتش فوز البرازيل طبعا وجايبه اللب والسودانى بقن وقلت هيبقى ماتش جنان وحاطه ف بطنى بطيخه صيفى وجبت كمان كوباية شاى من غير سكر لزوم المخمخه الموهم قعدت اتفرج ع الماتش وازز لب ولكن لقيت البرازيل مش اوى ولكن جه ف الاخر ونيمار جاب جون وساعتها عينكو ماتشوف الا النور هيصت وصرخت جووووووووون ومش سكت غير اما لقيت الحاج والدى ع دماغى بيزعق ويقول ف اى انتى اتجننتى ولا اى. ماما قالتلو اصل يا سيدى البرازيل جاب جون. قام باصص ليا شذرا كدا وقالى بلا كوره بلا بطيخ ولقيتو نازل عليا بوابل م الكلام الجارح من قبيل انتى فالحه الا ف الكوره دا انا نفسي اشوفك ماسكه كتاب وقال كل اللى عندو ودخل ينام وانا كملت فرجه. المهم صحى لقانى حزينه وزعلانه قالى انتى يعنى بتحسي عشان تزعلى ماما قالتلو لا دى زعلانه عشان البرازيل خرج قال كوره تانى وقالىى انتى هتسيبك م الكوره ولا اجيب ال ولسه هيكمل ماما زغرت له و قالتلو حنفى هتعمل اى قالها مفيش يا ستى انا بس عاوز الشبشب هموت الصرصار اللى ماشي دهون. وادى اللى جالى من الكوره وسنينها |
في النهايه الصرصار مات ولا لا هههه |
هههههههه هرد ليكي يا فالحه كان ماتش جامد واتنطط زيك كدا والنهاية الدرامية ثم امسكي الكتاب يا فالحه الحاج هيجيله ضغط بعد الشر مستكه مستكه بجد |
أنا بقا ابنتي راهنتني وقالت البرازيل هتخسر يا بابا قولتلها لاء طبعا دي هتكسب سكور كمان قالتلي لو خسرت البرازيل تشتريلي طقم جديد ولو كسبت البرازيل هتطبخ هي النهاردة فرحت وراهنتها وخسرت البرازيل وأنا خسرت الرهان ودفعت ثمن الطقم وطبخت كمان :87::87: |
اعملي حسابك من تاني ما تأكلي فول سوداني هههههه جميل البوح |
اقتباس:
|
اقتباس:
لدرجة مش اتفرجت ع الارجنتين هو لسه هيجيلو هههههه ده عندو ضغط وسكر وربنا يستر ع القلب هههههه |
اقتباس:
وطبخت كمان يا نهار |
اقتباس:
|
كوره غداره فيها مكسب وخساره خروج البرازيل علي ايد كرواتيا اهون من خروجها علي يد الارجنتين يدوم الخزعبلات الحلوه مسك اسلوبك حلو وجميل |
الساعة الآن 02:24 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب