|
خدت بالك؟! خدت بالك شفت اللي انا شفته ولا كنت مغمض عنيك لو عشت يوم زي أجمل يوم عشته كان زماني بترحم عليك هتفهم بس سيب الفهم بييجي ف وقته مش لو خدت بالك أحسن ليك؟! أوقات بتاخد بالك من حاجات كانت قصادك طول الوقت اللي فات ازاي مكنتش قادر تشوفها ولا خلاص اتكتبلها تكون م الذكريات ذكرياتك انفض غبار رفوفها نضفها من كل حد إحساسك تجاهه مات كل حكاية تمحيها اكتب بدالها عشر حكايات خدت بالك كنت بقول إيه عشان بنسى الكلام مقدرش أعيده صدقني كل اللي بقول عليه عشان م اقابلش حد يبقى ماضيا جديده غمض عين وفتح عين اوعاك تغمض الاتنين خد بالك اعرف انت رايح فين خد بالك عشان متاخدش بالك بعدين غدرهم صاحيلك م تأمنش غمض عين وفتح عين محدش باقيلك ولا انت لحد باقي كله سلف ودين متجاملش بحبك وثقتك عشان متكرهش الكلمتين ش .ح |
كلمـات عامية بسيـطة وسهلة وجميلـة من شــاعرنـا الراقي ، تحيـاتي ليك يـ محترم في اختيـارك لكـلمات تدخل القلب بسرعـة ، ، |
دوما رائع ومميز حالد بس اشعارك الايام ده حزينه ولكن التمس لك العزر لأنه أحساس وبتفرغة فى كتاباتك الحب رسمة حياه والغدر شطب للرسمة الخيانة صدمة وألم من يمحيها ؟؟ غيناك التى رأت وقلبك الذى نبض أغمض عينيك وأغلق قلبك وأفتحهم لمن يستحق دمت شاعر مميز راقي كريم |
جميل احساسك شاعرنا الجميل تحياتي وتقديري لك |
كلمات جميلة وصادقة رغم ما فيها من حزن برافوو يا شاعر الحب أحسنت تقبل تحياتي |
الراقي والغالي شاعرنا الجميل تجيد نثر مشاعرك على الورق لدرجة لا أدري فيها إن كان ما كتبته واقع تعيشه أم لشغفك بالكتابة لكن الله أسئل لك راحة البال ودوام الوصال كل التقدير حببنا الغالي مع خالص الود |
كلمات رائعة كما تعودنا منك تسلم خالد |
| الساعة الآن 02:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب