|
مع عروض الصيف مع ( morshooo ) اشترى اى منتج وخد التانى مع العروض الصيفيه هتبقى الحياة حاجة تانيه خصومات وعروض مجانية تصل الى 9,99% اشترى اى بنت بكلمه حلوة هتاخد عليها بنت هديه وموبايل وجايز يدولك لاب توب ومش بعيد يدولك شقة اشترى اى ولد بتكشيرة وتقل دم وخدى عليه مروحة وتكييف وشوية ميه ومش عايزين منك فلوس اشترى اى طفل غتت ومعاه مضرب بيسيبول وخدلك خمس اطفال عليهم هديه من غير مضرب وهنديلك عليهم فلوس تكاليف علاج المستشفى اشترى عربية امريكانى موديل 60 وخد عليها شنطه اسعاف هديه وخلى الدفع بعد الحادثة قصدى بعد ماتجربها وفى طريقك الندامه قصدى مسامسر يووووه قصدى السلامة اشترى صحة على صحتك وخد عليها قرص شباب وقرص حيويه وعليهم علبه لبن وسيرلاك وريرى وبلاش تنام من غير بامبرز احسن ميراتك تضربك لالالالالالا قصدى مامتك احنا هنخرف ولا ايه سورى يامدام اشترى حله تطبخلك وغساله تغسلك وتلاجه تأكلك تاخد عليهم خدامة فليبينيه تقطعلك الخضار ماتخافش مش هتقطعلك العيال ممكن المدام بس واهى تكون ريحت وارتاحت اشترى عصارة جزر وخد عليها ساطور هديه لتسهيل تقطيع المدام عشان مش هينفع تحطها كلها فى العصارة حرصاً على سلامة المنتج والضمان لمدة 3 ثوانى اشترى فيلم رعب تاخد عليه 5 افلام تقطيع و6 اشباح و5 اقراص منوم منعاً للكوابيس مع التحذير هذا الفيلم للكبار فقط يمنع مشاهدته اقل من سن 6 شهور خوفاً على سلامتهم من اقتباس الشخصيه وسلامة الجيران اشترى اى فيلم عربى وخد عليه سرير هديه عشان راحتك معلش اصل الفيلم 10 ساعات بس مش كتير بس البطل غلس شويتين عمال يغازل البطله طول الفيلم مش عارف ايه القرف ده اشترى اى علبه مصاصه للمدام وعلبتين عسليه لحماتك تاخد عليهم مسدس هديه وقنبله ذريه لزوم التحلية اصل حماتك غاويه اكشن معلش لازم تلعب معاها وتمسكلها الفتيل وهى هتولعه بالكبريت ماتخافش مش هتعمل فيك حاجه اشترى شاش وعلبه مطهر ورباط ضغط ودوا القلب والسكر والضغط وادويه جميع الامراض معلش مش هنقدر نديلك عليها هديه هذا المنتج غير متوافر فى جميع اسواق العالم لذلك سنعطى لك تذكرة سفر لقرافة ابو حنجل مجاناً لنأمن لك السلامة وراحة البال ويابخت اللى بات مرتاح ومتهنى ويابخت اللى بكانى وبكى عليا ولا ضحكنى وضحك الناس عليا وهنيالك يافاعل الخير وكل من عليها فاااااااااااااان وحدوووووووووووووووووووووووووووووووووووووه مش عارف ايه الدماغ دى ايه اللى انا بقوله ده هو الصنف ده مغشوش ولا ايه آآآآآآآآآآه يادماغى انا اتسطلت ولا ايه مع دماغ morshooo الله يسترها معاكوا مع السلامة عليكوا واوعوا تسيبوا الباب مفتوح يلة شوفو هتشترو اية |
| الساعة الآن 01:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب