http://www.dar4arab.net/images/1_01176419925.gif



http://picmool.nasey.com/images/448_v5xq10.jpg



إليكم هذا الحوار .....



http://img510.imageshack.us/img510/3436/1child.jpg




أنا : أسمك بالكامل


هو : مش عــــــــــــارف



---------------




http://img38.imageshack.us/img38/1856/2raseef.jpg



انا : عنــــوانـــك


هو : اى رصــــــيف فى الشارع


---------------


http://img339.imageshack.us/img339/736/3bent.jpg




انا : نوعــــك


هو : ولد أو بنت مش هتفرق كلنا بنتعامل نفس المعاملة




---------------


http://img41.imageshack.us/img41/9577/4father.jpg



أنا : اسـم أبــــــوك .... ؟


هو : ممكن يكون أى عضو فى منتداكم ابنه تـــــاه أو أتــــخطف




---------------




http://img156.imageshack.us/img156/4452/5baby.jpg



أنا : طيب أمــــــك ... ؟


هو : ممكن تكون واحدة غلطــــت ..


وخـــافت ..فرمـــتنى


---------------


http://img19.imageshack.us/img19/2032/6friends.jpg




أنا : مين أصــحابك .... ؟


هو : بلية و اللمبى و حنتيرة ... اللى أنت شايفهم فى الصورة ديه



أنا : هما بيعملوا أيه فى الصورة ديه



هو : ديه قعدة كلة و سجاير .. بنشمها علشان منتوجعش و ننسى همومنا



---------------


http://img404.imageshack.us/img404/876/7aytam.jpg



أنا : فيه حد بيساعـــدك ... ؟
هو : لأ .. قليل اوى ... أنا بشوف الأعلانات و الحملات علشان الأيتـــام .... بس ناسيين أطفال الشوارع ...


هو احـنا مـش أيتام برده ...



---------------


http://img520.imageshack.us/img520/8569/8ramdan.jpg



أنا : طيب رمضان داخل و أكيد فيه خير كتير بيجلكم



هو : والله الناس بتــطردنا من موائد الرحمن .....


بيــقرفوا مننا .. هو مش المفروض الاكل ده لينا ..


ولا علشان العمال و أصحاب المحلات و الناس اللى مش بيلحقوا يروحوا بيتهم



أنا :حسبى الله ونعم الوكيل


---------------


http://img505.imageshack.us/img505/8223/9cats.jpg

انا : بس أنت طفل شارع فى منطقة راقية زى ديه ..


أكيد الأغنياء هنا بيساعدوكم



هو : (بيضحك )


أنا : بتضحك ليه ..


هو : أصلى بشوف الناس هنا بيشتروا علب اكل للقطط و الكلاب بتاعتهم ...


والله علب شكلها حلو اوى ... يعنى لو حد منهم أدهالى مش هقول لأ ..


---------------


أنا : طيب بتاكل منين ..؟


هو : الحمد لله .. مش بحسبها ... وزى ما حضرتك قلت فى الموضوع الأولانى


أن الزبالة فيها وجبات كفاية لينا



---------------




http://img411.imageshack.us/img411/8189/11somal.jpg



أنا : طيب كويس انك بتاكل ...


في ناس فى أماكن تانية بتموت من المجاعات



هو : هما بيموتوا مرة واحدة ....


أحنا بنشوف الموت بعنينا كل يوم ...



---------------




http://img505.imageshack.us/img505/4254/12segn.jpg



انا : نفسك تطلع أيه .. ؟


هو : انا مليش أختيارات ... أنا مصيرى معروف


---------------




http://img505.imageshack.us/img505/6496/13cinama.jpg


انا : ايه أكتر حاجة لما تسمعها بضيقك ....


هو : لما بسمع عن فلوس الســينما


انا : فلوس أيه ... قصدك أيــــرادات الأفــلام ....


هو : اه .. اصل الواد حنتيرة بيعرف يقرا .. وبيقولنا أن الفيلم بيعمل فى الأسبوع بتاع 10 مليون جنية .....


ده الرقم ده يحل مشكلة أطفال الشوارع كلها


أنا : يااااااااااه .. ده انت فيلسوف .. أزاى ماجاش فى بالى الموضوع ده


---------------




http://img505.imageshack.us/img505/2735/14son.jpg


أنا : أيه أكتر مشهد بتشوفه بيوجعك ...


هو : لما بشوف أب ماسك أيد أبنه ...


ولما الناس بتطلع بأكياس كتير مش قادرة تشيلها من السوبر ماركت .....


لما أشوف زحمة العيد والناس بتشترى هدوم لولادها ....


لما الشتا والمطر ينزل والناس بتجرى على بيوتها بس أنا مبعرفش أجــــرى فين


ولما .....................


أنا : (قاطعته ) كفاية كفاية والله وجعت قلبى


---------------


http://img18.imageshack.us/img18/6672/15torbiny.jpg


هذه الصورة للبلطجى


الذى اغتصب وقتل أكثر من 20 طفل فى مصر




أنا : طيب نساعدك أزاى .. تاخد فلوس ؟


هو : لأ .. لأ ... لأ


أنا : مالك فيه ايه


هو : الناس فاكرة انها بتدينا أحنا .. الفلوس ديه بيلمها منا بلطجى وكل منطقة ليها واحد مسيطر عليها



---------------



أنا : طيب تحب الأعضاء فى المنتدى يساعدوك أزاى ... أن هوصل صوتك ليهم


هو : يساعدونا بأى حاجة نـــاكلها ... لقمة نضيفة وخلاص


يساعدونا بأى لبـــس قــديم عند ولادهم ... يستر جسمنا


يساعدونا ببطــــانية مقطــــعة علشان الشتا


يساعدونا بفلوس بس مش كتير حاجة بسيطة اوى ... علشان البلطجية بيضربونا لو مجبناش إيراد


يساعدونا بدعوة من قلبهـــم



---------------




http://img18.imageshack.us/img18/6613/cryyyyq.jpg


وجدته يتوقف عن الكلام و دموعه تلمع فى عينيه ...



أنا : مالك فيه إيه ...
هو : ..................


---------------



اختنق صوته وتكلمت دموعه ...... بكى و انتفض جسده الصغير


يااااااااااااااااااااااالله




عجزت عن التماسك وأنهرت باكيا


احتضنته بكل قوة (تناسيت رائحته المقززة .. والأوساخ التى تعلو جسده )



بكينـــــــــــا معا


وأصدر هدير بكائنا لـــــحن الألم وقسوة البشر




أنتهى الحوار ولم تنتهى المأساة





أطفال الشوارع لن ننساكم و لن تموت قضيتكم



منـقـ,,ـول

http://friends18.com/img/divider/0084.gif

http://friends18.com/img/bye/0069.gif