الموضوع
:
بعض المنولوجات البسيطه الناقمه علي الوضع الحالي
عرض مشاركة واحدة
منذ /
11-16-2009, 12:09 PM
#
1
Engineer Semsem
مشرف قسم الكمبيوتر والتكنولوجيا سابقا
هــــــنـــــدســــــه المــنــــتـــــدي
رقم العضوية :
8710
تاريخ التسجيل :
Nov 2008
الجنس : ~
ولد
المكان :
Egypt...Benha
المشاركات :
12,416
الحكمة المفضلة :
مـــن يــخــتــارني لـــوقــت مــعــيـن. فــأنــا فــي غــنــي عــنــه فــي كــل الأوقـــات
النقاط :
درجة التقييم :
12940
قوة التقييم :
7
أوسمة العضو
بعض المنولوجات البسيطه الناقمه علي الوضع الحالي
الاحباط
لما أنا مش بتاع كده..
ولا بتاع كده ولاكده..
أمال أنا بقي..
أبقي بتاع إيه..
لما أنا مش شيخ..
ولافلتان..
لما أنا مش فايق..
ولا سكران..
وساعات يتهيألي..
إن أنا فرحان..
أتنطط وأصرخ..
وأقول هيه..
لما أنا مش أفندي..
ولافلاح..
ولا شجرة جميز..
ولا تفاح..
لا أنا بتألم ولا مرتاح..
لا عندي شيء استناه..
ولا عندي شيء أبكي عليه..
ولما أنا شايف الحال بقي كده..
طب ساكت ليه..
يا عم أنا مش بتاع كده..
فيه إيه...؟
************************************************** ***********
القلب
يعدي الوقت تقيل..
ويمر بسرعة قوام..
ياه..
هي الساعة كام..
أشرب السيجارة دي..
وبعدين أنام..
لكن مفيش..
حاجات كتير..
مابتسمحليش أبداً بالنوم..
أما النهارده دا كان حتة يوم..
شاف الدكتور رسم القلب..
وراح واخدني علي جنب..
وكشر في وشي..
كإني عملت ذنب..
وقاللي انت عايش إزاي..
قلت له زي كتير عايشين..
قاللي تخس شوية انت تخين..
وم النهارده مفيش ...
تدخين..
بلاش انفعال..
وفرفش وطنش وافرح..
وبطل شغل العيال..
وكلام المجانين اللي بتكتبه..
بصيت جوايا..
مبقتش عارف..
أصدقه واللا أكدبه..
************************************************** ****************
حديث ابليس
لمحت ابليس و ف ايده استمارة
..بقول له على فين...
قاللي بص
..يا هجره يا اعارة
..يا عم زهقت كفرت
..الاقيش معاك سيجارة
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل...
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
************************************************** **************
هؤلاء بعض المنولوجات البسيطه الناقمه علي الوضع الحالي
بدون اسائه لاحد..........
Engineer Semsem
مشاهدة ملفه الشخصي
إرسال رسالة خاصة إلى Engineer Semsem
زيارة موقع Engineer Semsem المفضل
البحث عن كل مشاركات Engineer Semsem