حنيني لامي ________________________________________
نور القمر في الليل هو أمير المبدعين
والله شعاعك صحى فى قلبى الحنين
بعد ماكان بنورة بيصاحب العاشقين
رجع تانى لأصله الى سابه من سنين
عارف قمر كلامك عن الام خلاني
أحسن انى كنت هاكون أنسان انانى
رجعت اطلب امى كل شوية من تاني
واقولها ياما انتى حقيقي وحشاني
سامحينى يامه على البعد سامحيني
جايلك يا امي راكب فرسى وحنيني
انام على صدرك يروح الصداع وتديني
من عطف لمس صوابعك تلمس جبيني
بحبك يا مة والله من غير حساب
ودعاكي ديما ليا يا مة حجاب
واى حب في الدنيا غير حبك سراب
ولو غضبتي على تصبح حياتي هباب
|