موضوع رائع يا ماتركس
فعلا هى دى الاسباب اللى بتؤدى لغلق الكثير من المنتديات
واحنا من جانبنا كمشرفين والادارة والمراقبين كمان بنحاول ونعمل قدر المستطاع
اننا نرتقى بالمنتدى علشان منوصلش لقدر الله للمرحله المتدهورة
وكمان الاعضاء ياريت يكونوا معانا فى الارتقاء ببتنا التانى
ويتاكدوا قبل التفوه بأى كلمه ان ربنا رقيب عليهم قبل المراقبين
ومينزلوش موضوع غير لما يتأكدوا انه مش مكرر ويعملوا بحث عنه فى المنتدى
غير كدة لازم يعرفوا كويس ان المنتدى عبارة عن صرح لتبادل الافكار والثقافات
والمعلومات ونستفيد من بعض فى الخير... يعنى مينفعش حد يدخل ويحط ايميله او صورته
لو عايز يعمل دة يبقى يروح اى شات احسن
ولو فى اى استفسار او خلاف او اى شىء مش مفهوم
يروح للادارة ويستفسر وهم مش هيقصروا فى حقه
كل دة بهدف الارتقاء بالمنتدى... وفى الاخر كلنا مهما كنا
من عضو او مشرف او فرد ادارى اخوة
يعنى كلنا سواسيه مفيش فرق بينا
شكرا يا ماتركس على الموضوع النقاشى الجميل دة
ويارب كل الاعضاء تعتبر ان المنتدى بيتهم ويحافظوا على تقدمه
|