المشكله اننا بنستمد معلوماتنا من وسائل اعلامنا اللى ساعات بتهول المواضيع وهما نفس الحكايه فاللى حاصل ان احنا عندنا اخبار مش صح عن اللى بيحصل وحصل عندهم وهما نفس الحكايه واصلهم معلومات غلط تماما عن اللى بيحصل عندنا .. تهويل زايد عن اللزوم .. جريده الشروق وصلت ان فى قتلى وفبركت صور ناس ماتوا عندنا
اللى واصلهم ان احنا بهدلناهم فى مصر وضربناهم
بس المشكله ان احنا حكمنا على شعب بحاله من خلال اقليه مشاغبه
لانى بجد قرأت اراء اشخاص جزائريين قمه فى الاحترام وبيتكلموا بعقلانيه
وهما حكموا علينا من خلال اشخاص مصريين بيشتموا فيهم ويبهدلوهم ع الانترنت
دا غير الصور (( اللى اعتقد ان اللى عاملها هى ايدى خفيه )) اللى بتشتم فيهم وبتشتم فينا
وغير الوقفه اللى عملانها وقطع العلاقات الفنيه معاهم كبرنا الموضوع اووووى
وطبعا ضحكه اليهود كبيره جدااا اليومين دول وصداها بنسمعه مع كل شتيمه او ضرب بيتبادل بين الطرفين
انا مش عارفه والله ايه اللى مفروض نعمله
انا فكرت لو عملنا حمله وعملنا شعارات وانتشارنا ع النت بيهم
بس حسيت ان الموضوع كبر اوى
وبقعد افكر طيب وبعدين .. لما نقطع العلاقات وكل واحد يروح لحاله
وبعدين ايه اللى هيحصل ؟؟.. طبعا عارفين اللى هى هيحصل
فى الاتحاد قوه وفى الفرقه ضعف
يعنى انت رأيك ايه يا اخى فى اللى المفروض علينا احنا كأشخاص نعمله من خلال النت
يعنى احنا بندخل منتديات وبنكلم اشخاص اكيد لازم يكون بايدنا حاجه نعملها
تفتكر ايه هيا ؟؟؟؟؟؟؟
واسفه ع الاطاله
|