| افتراضي ظاهره اهى جوازه والسلام ..................للبنات فقط
ليا واحده صاحبتى مخطوبه بقالها سنتين وفى السنتين على طول مشاكل بينها وبين خطيبها وباباه معامله من اسؤا مايكون وهيه مستحمله طبعا لانها مش جميله يعنى انسانه عاديه ولما صدقت جالها عريس المهم يوم الشبكه راحو عند الصايغ عشان ضحكت العريس بيقولها دى قله ادب ازاى تضحكى بره البيت وعشان يعاقبها
راح مروح مع اخواته وسابها بعد لما اشتروا الشبكه ومرضيش يروح معاها يقعد معاها شويه يعنى ده الطبيعى عريس وعروسه يوم الحنه رحنا وقعدنا كل المعازيم والدى جى شغال وفجاه لقينا العريس والعروسه جايين كل واحد فيهم مدايق من التانى وخدها ودخلوا على جوه والناس قاعدين مستغربين المهم قعدوا ساعه جوه والناس قاعدين ولما تطلعوا كانوا برده متخانقين طبعا الناس لازم تسئال اصلها حاجه غريبه طلع ان العريس زعلان منها عشان مبينه حته من شعرها من الطرحه وطبعا هيه محجبه بس الكوافير مطلع حته من شعرها كشكل وكمان عشان لابسه بدى تحت الفستان الناس بقت تستغرب تقول يعنى ايه العريس ده يعنى المفروض يعدى ده يوم حنه يعنى فرح يسبها تفرح شويه والناس يتحايلوا عليه مفيش فايده وراح واخدها تانى وداخلين ده كله قدام الناس المهم
كل المعازيم خدوا نفسهم وانسحبوا بقا فى ناس ماشيين وناس لسه جايين وبقوا البنات قاعدين معاها يهدوا فيها
وراحوا مغيرين شكل الطرحه وفى الاخر طلع العريس والعروسه وعدى اليوم
بس مين فينا تقدر تستحمل مواقف زى دى احراج قدام الناس وصحابها
ايه رئيكوا يابنات نقعد نحط ايدينا على خدنا ونستنا النصيب ويمكن نعنس
ولا نرضا ونتنازل ونقول اهى جوازه والسلام
|