[SiLver Spectra]

اقتباس الى انت بتحكى عنه سلفر كان ايام الجاهليه يعنى مكانت العقول كما هى الان كان الجهل يسود مانلوم قصور تفكيرهم بينما الان الامر اختلف اذن المقارنه بين الان وامس البعيد ستكون ظالمه

طيب يا همس مين قالك إن الجهل مش موجود!!

الجهل برضو موجود في كل العصور

وسائل التوعية و التعليم حاليا افضل لكن بتظهر مشاكل أخرى أكثر تعقيدا

واحد حرامي مثلا و متربي على السرقة

حطيه في عصور الجاهلية أو حطيه في سنة 2052 هيسرق برضو

السرقة عنده هي مهنته



الجرائم بتكون نتيجة الجهل مش الجهل هو نتيجة الجرائم

طالما وجد الجهل و اللا مبالاة وجدت الجرائم

و الجهل مش لازم يكون مفهومه بمعنى عدم المعرفة

و لكن الجهل بعدم التطبيق


طيب شوفي الاقتباسين الي جايين

اقتباس فالامر يختلف من انسان لاخر ومن انسان لاخر ولكن هذه هى السمه العامه الغالبه قارن بين سنوات والان ستجدها مختلفه حتى فى الاشخاص انفسهم

اقتباس انا ساعات بفكر واقول ليه اجيالنا مابيخرج منها عقاد تانى ولا طه حسين ولا احمد عرابى ولا ولا وكثيرون وارجع واقول اختلاف العصر وماحوله

انتي هنا بنسفك يا همس أثبتي إن في جهل في مجتمعنا

الجهل طبعا من ايام الجاهلية يختلف عن الجهل في العصر الحالي و لكنه هيظل جهل و الدليل

زي ما بتقولي مافيش طه حسين و لا أحمد عرابي

بالطبع في ناس كويسه كتير و عقولهم توزن بلد و ما تقلش عن أي شخصية قديمة مشهورة لكن مالهاش فرصة في الظهور

الاقبال على القراءة الآن ضعيف الكتابة صارت مهنة لا تجلب الشهرة زي زمان

دي نقطة

طبعا دا غير التكنولوجيا و الجيمز و الموبيلات و الافلام و غيرها من الحاجات الي لحست عقول شبابنا

ايه الي هيخليه يتعب نفسه و يقرأ...

الحاجات التانية مرئية و سمعية و كلها اثارة و تشويق
^_^

دا طبعا أكبر عامل لضعف الثقافة و الاطلاع

و أنا شخصيا متفق معاكي على عدم ظهور شخصيات زي طه حسين أو أحمد عرابي أو غيرهم

و دا للأسباب الي ذكرتها و في عوامل كتير ممكن نفتح بيها موضوع نقاشي مستقل

شوفتي بقى أضرار الترفيه بيبان على المدى البعيد

موفقة...